Skessuhorn - 12.01.2022, Blaðsíða 22

MIÐVIKUDAGUR 12. JANÚAR 202222
Hvernig fannst þér
Áramótaskaupið?
Spurning
vikunnar
(Spurt í Borgarnesi)
Delía Rut Claes
„Ekkert spes.“
Ingibjörg Jóhanna
Kristjánsdóttir
„Allt í lagi, svipað og í fyrra.“
Gunnhildur Birna Björnsdóttir
„Horfði ekki á það.“
Svanhildur Björk Svansdóttir
„Hef séð betra skaup.“
Rakel Elvarsdóttir
„Mér fannst það fínt.“
Háskóli Íslands og Banda-
ríska sendiráðið á Íslandi eru að
leita að þátttakendum fyrir ný-
sköpunarhraðalinn Academy for
Women Entrepreneurs (AWE).
Verkefnið er í boði í yfir 50 löndum
víða um heim og er á vegum banda-
rískra stjórnvalda. Ísland er fyrst
af norrænu löndunum til að taka
þátt í verkefninu en að skipulagn-
ingu hraðalsins koma einnig Fé-
lag kvenna í atvinnurekstri og sam-
tök kvenna af erlendum uppruna.
Hraðallinn er sérstaklega ætlað-
ur konum og hefst hann fimmtu-
daginn 3. febrúar næstkomandi og
lýkur með útskrift 6. maí. Frestur til
að sækja um rennur út mánudaginn
17. janúar. Nýsköpunarhraðallinn
er fyrir bæði einstaklinga og teymi
og er þátttakendum að kostnaðar-
lausu. „Þetta er í annað sinn sem
hraðallinn er haldinn en markmið
hans er að styðja konur í að þróa
áfram viðskiptahugmyndir sínar og
fyrirtæki og auka hlut þeirra inn-
an frumkvöðla- og nýsköpunar-
geirans. Jafnframt er tilgangur
hraðalsins að bjóða upp á fræðslu
og efla tengslanet kvenna,“ segir í
fréttatilkynningu um hraðalinn.
Nýsköpunarhraðallinn saman-
stendur af netnámskeiðum og
þrettán vinnulotum þar sem þátt-
takendur njóta leiðsagnar reyndra
kvenna í nýsköpun og frumkvöðla-
starfsemi við uppbyggingu fyrir-
tækja, myndun nýrra tengsla og efl-
ingu starfsþróunar og starfshæfni.
„Lögð er rík áhersla á að konur alls
staðar af landinu og með fjölbreytt-
an bakgrunn og uppruna taki þátt.
Fyrirkomulag hraðalsins er því með
þeim hætti að flestar vinnulotur eru
í streymi.“ Veitt verða verðlaun í
lok hraðalsins bæði í einstaklings-
og teymisflokki: 1. sæti fær 500.000
krónur, 2. sæti fær 300.000 krón-
ur og 3. sæti fær 200.000 krónur.
Þá verða veitt verðlaun að upp-
hæð 200.000 krónur fyrir „pitch“
keppni. Hægt er að skrá sig til þátt-
töku á vef AWE, awe.hi.is.
arg
ÍA og Höttur mættust á föstudaginn
í 1. deild karla í körfuknattleik og
fór leikurinn fram í íþróttahús-
inu við Vesturgötu. Fyrir leik var
lið ÍA á botninum með tvö stig en
Höttur í þriðja sætinu með 20 stig
og í mikilli baráttu við Hauka og
Álftanes um sæti í efstu deild. Það
sást fljótt í leiknum hvort liðið var
í efri hlutanum því eftir rúmlega
fimm mínútna leik var staðan orðin
5:20 gestunum í vil og staðan eftir
fyrsta leikhluta 16:31. Skagamenn
reyndu hvað þeir gátu til að halda í
við gestina, náðu að minnka mun-
inn í tíu stig en síðan gáfu gestirn-
ir í og fóru með meira en þrjátíu
stiga forskot inn í hálfleikinn, stað-
an 30:64.
Skagamenn, sem voru án síns
besta leikmanns, Cristopher
Clover, áttu litla möguleika á að
snúa leiknum sér í vil og Hattar-
menn héldu áfram að auka mun-
inn í þriðja leikhluta. Þegar honum
lauk var staðan orðin 49:85 fyrir
gestina og aðeins spurning hve sig-
urinn yrði stór. Í fjórða og síðasta
leikhlutanum skoruðu Skagamenn
sín fyrstu stig eftir rúman fimm
mínútna leik og ljóst að eins og vit-
að var fyrir leikinn að þeir myndu
eiga við ramman reip að draga.
Þeir héldu þó áfram að berjast fyrir
sínu en lokatölur leiksins, 60:102.
Ljósu punktar leiksins voru þeir
að margir ungir leikmenn fengu að
spreyta sig í meira mæli en oft áður
og má þar nefna leikmenn eins og
Aron Elvar Dagsson, Daða Má Al-
freðsson og Júlíus Duranona.
Stigahæstir í liði ÍA voru þeir
Hendry Engelbrecht með 18 stig,
Aron Elvar með 12 stig og Þórð-
ur Freyr Jónsson með 10 stig. Hjá
Hetti var Arturo Rodriguez með
22 stig, David Ramos með 21 stig
og Timothy Guers með 13 stig.
Næsti leikur Skagamanna í
deildinni er gegn liði Hamars
föstudaginn 14. janúar í Hvera-
gerði og hefst leikurinn klukkan
19.15.
vaks
Skallagrímur gerði sér ferð á mánu-
dagskvöldið á Flúðir í Hruna-
mannahreppi þar sem þeir mættu
heimamönnum í 1. deild karla
í körfuknattleik. Aðeins tveim-
ur stigum munaði á liðunum fyrir
leik en liðin voru í sjöunda og átt-
unda sæti deildarinnar, Skallagrím-
ur með tíu stig og Hrunamenn með
átta. Hrunamenn skoruðu fyrstu
þrjú stig leiksins en Skallagríms-
menn tóku fljótlega yfirhöndina
og voru komnir með átta stiga for-
ystu eftir fimm mínútna leik, 11:19.
Hrunamenn náðu þó að svara að-
eins fyrir sig í seinni hluta fyrsta
leikhluta og staðan 20:24. Þeir
náðu svo fljótlega að jafna metin í
öðrum leikhluta en undir lok hans
tóku Skallarnir góðan kipp og náðu
tíu stiga forystu fyrir leikhlé, 39:49.
Hrunamenn reyndu hvað þeir
gátu að minnka muninn í þriðja
leikhluta en Skallagrími hélt engin
bönd og var kominn með sext-
án stiga forystu þegar liðin tóku
smá pásu fyrir síðasta fjórðunginn,
49:65. Heimamenn urðu að játa
sig sigraða í fjórða leikhluta, ekk-
ert gekk hjá þeim að saxa á forskot
gestanna og gestirnir, með bak-
vörðinn Bryan Battle í feiknaformi,
létu sigurinn ekki ganga úr greip-
um sér, lokastaðan 73:87.
Stigahæstir hjá Skallagrími voru
þeir Bryan Battle með 36 stig og 11
fráköst, Simun Kovac var með 20
stig og 17 fráköst og Davíð Guð-
mundsson með 15 stig. Hjá Hruna-
mönnum var Karlo Lebo með 26
stig, Clayton Ladine með 20 stig
og 11 stoðsendingar og Kent Han-
son með 15 stig.
Næsti leikur Skallagríms er
mánudaginn 17. janúar gegn ná-
grönnum sínum af Skaganum og
hefst leikurinn klukkan 19.15.
vaks
Auglýsa eftir þátttakendum
í nýsköpunarhraðli
Bryan Battle var drjúgur í liði Skallagríms gegn Hrunamönnum. Hér í leik á móti
Hamri fyrir áramót. Ljósm glh
Skallagrímur með sigur
á Hrunamönnum
Hendry Engelbrecht var stigahæstur í liði ÍA með 18 stig. Hér í leik gegn Hruna-
mönnum á dögunum. Ljósm. vaks
Skagamenn
fengu skell gegn
Hattarmönnum