Skessuhorn - 09.03.2022, Síða 4

MIÐVIKUDAGUR 9. MARS 20224
Samkvæmt gildandi kosningalögum skulu almennar sveitarstjórnarkosn­
ingar haldnar annan laugardag í maímánuði, beri hann ekki upp á hvíta­
sunnu, annars þann fyrsta. Nú verður því kosið laugardaginn 14. maí. Ekki
hef ég tölu á þeim skiptum sem ég hef kosið til sveitarstjórna. Vorið sem
ég varð átján ára man ég að hart var tekist á um það á Alþingi að lækka
kosningaaldur í 18 ár úr 20. Tillagan var felld og var ég því kominn á þrí­
tugsaldurinn þegar fyrst var óskað eftir þátttöku minni í kosningu hrepps­
nefndar Reykholtsdalshrepps. Ekki man ég gjörla hver úrslit í þeirri kosn­
ingu urðu, en sjálfsagt hafa það verið annað hvort fjórir eða fimm karlar
sem kosnir voru og þá ein eða engin kona. Þannig var það yfirleitt. Menn
sátu þá gjarnan í hreppsnefnd hér um bil jafn lengi og þeir vildu því hefð­
in var við persónukosningar í sveitum að ýmislegt þurfti að hafa gengið á
til að menn væru felldir. Gátu þó, líkt og enn, hafnað endurkjöri jafn lengi
og þeir höfðu setið, væru þeir búnir að fá sig fullsadda. Síðar á níunda ára­
tugnum var kosningaaldur færður niður í átján ár og nú eru ýmsir sem vilja
að hann verði sextán. Þeir hafa hins vegar ekki fengið vilja sínum fram­
gengt á þingi.
Mér segja fróðir menn að þjóðin glími nú við eitthvað sem kallað er
kosningaþreyta, eða óþol. Vissulega höfum við endurkosið forseta fyrir
ekki svo löngu og stutt síðan kosið var til þings. Þreytan markast hugsan­
lega af þeim langa tíma sem það tók að fá endanlega niðurstöðu um lög­
mæti þingkosninganna í september. Það var ekki fyrr en langt var liðið að
jólum sem úrskurðað var að síðari atkvæðatalning í Norðvesturkjördæmi
yrði látin gilda. Enga skoðun hef ég á því, allavega ekki sem ég gef uppi.
Það mál var hins vegar dáldið klúður. Ólga því fylgjandi skapaði þreytu
og pirring meðal þjóðarinnar sem mögulega getur réttlætt það sem kalla
mætti kosningaþreytu nú þegar rúmir tveir mánuðir eru í sveitarstjórnar­
kosningar.
Sé það rétt að komin sé þreyta í almenning um vilja til að ganga til lýð­
ræðislegra kosninga, er það grafalvarlegt. Hvort sem okkur líkar það vel
eða illa, ber öllum að setja sig í startholurnar og undirbúa það að ganga að
kjörborðinu 14. maí. Ef við erum illa upplögð til þess bendi ég á að gott
er að taka vítamínin, stunda gönguferðir og borða hollan mat. Allavega er
fátt verra og andlýðræðislegra en að nýta ekki kosningaréttinn, sitja bræld­
ur heima og hafa allt á hornum sér í garð þess ágæta fólks sem gefur kost á
sér í þau samfélagsverkefni að sitja í sveitarstjórnum.
Að því sögðu er einungis eitt sem er því til fyrirstöðu að við förum að
velta fyrir okkur hverja við ætlum að kjósa. Jú, mikið rétt; það liggur ekki
fyrir hverjir ætla að gefa kost á sér! Á öllu Vesturlandi er þegar þetta er
skrifað einungis einn framboðslisti búinn að líta dagsins ljós; einn listi í tíu
sveitarfélögum. Annar listi var væntanlegur í gærkvöldi, þriðjudag. Að vísu
er nánast öruggt að kosið verði persónukjöri í minnstu hreppunum, en telja
verður að sama skapi líklegt að í að minnsta kosti sex sveitarfélögum af tíu
verði listakosningar. Það þýðir að á að giska átján framboðslistar eiga eftir
að koma fram.
Sú staðreynd að menn gefa seint upp vilja sinn til endurkjörs gerir þeim
sem mögulega vilja stíga inn á sjónarsvið stjórnmálanna erfiðara fyrir. Ég
ætla því að hvetja þau framboð, hreyfingar og stjórnmálaöfl sem enn eiga
eftir að birta framboðslista sína, að flýta þeirri vinnu sinni. Mér finnst
óboðlegt að þeir séu að líta dagsins ljós öllu síðar en þegar tveir mánuðir
eru til kosninga. Að sama skapi finnst mér eðlilegt að þar sem kosið verður
persónukjöri verði kallað eftir áhugasömu fólki sem vill leggja fram krafta
sína í sveitarstjórn. Það er miklu vænlegra til árangurs að geta valið úr þeim
sem raunverulega hafa áhuga og vilja leggja sig fram samfélaginu til heilla.
Magnús Magnússon
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Á gráu merinni
Svæðisgarðurinn Snæfellsnes ætl­
ar í samstarfi við búnaðarfélögin
þrjú á Snæfellsnesi að halda fund
þriðjudaginn 15. mars í félags­
heimilinu Breiðabliki. Þar verður
fjallað um áburðar­ og jarðræktar­
mál. Búnaðarfélögin þrjú á Snæ­
fellsnesi eru í hópi eigenda Svæðis­
garðsins og hafa frá upphafi átt full­
trúa í fulltrúaráði garðsins. „Bænd­
ur hér á svæðinu hafa tekið virk­
an þátt í margskonar verkefnum
Svæðisgarðsins frá upphafi og eru
áhugasamir enda taka þeir þátt í
að velja verkefnin. Það er að þeirra
frumkvæði sem við ætlum að halda
þennan fund. Við Snæfellingar vilj­
um finna leiðir til að nýta áburðar­
efni enn betur, bæði með hug­
myndafræði hringrásarhagkerfis að
leiðarljósi en líka af því að verð á
áburði hefur hækkað gríðarlega,“
segir Ragnhildur Sigurðardóttir
framkvæmdastjóri Svæðisgarðsins í
samtali við Skessuhorn.
Borgar Páll Bragason, frá Ráð­
gjafarmiðstöð landbúnaðarins mun
halda erindi um áburð, hvernig
megi nýta hann sem best og bend­
ir á leiðir til að styrkja hringrásar­
kerfið. „Það eru ýmis næringarefni
í umhverfi okkar og við ætlum að
kafa ofan í það hvar við getum fund­
ið þau hér í nærumhverfi okkar og
nýtt þau betur. Kannski mætti nota
það sem fellur til í öðrum atvinnu­
greinum í landbúnaði. Það vill engin
borga meira en þarf fyrir tilbúinn
áburð sem þarf að flytja inn,“ segir
Ragnhildur.
Þóroddur Sveinsson, deildarfor­
seti við Landbúnaðarháskóla Ís­
lands, mun halda erindi um reynslu
og rannsóknir í jarðrækt. Þá mun
Finnbogi Magnússon, fram­
kvæmdastjóri og bútæknifræðing­
ur, fjalla um möguleika í tækjabún­
aði og aðstöðu til að nýta sem best
þann búfjár áburð sem fellur til. „Við
vitum að það er margt að gerast í
löndunum í kringum okkar, tækni
fleygir fram og það er ljóst að hér
eru ýmis tækifæri sem við þurfum
að skoða betur,“ segir Ragnhildur.
„Þessi mál verða ekki leyst á einum
fundi en ég vona að þarna verði tek­
ið skref að stóru verkefni til að nýta
þau næringarefni sem falla til hér á
Snæfellsnesi eins vel og hægt er og
styrkja þannig hringrásarkerfið okk­
ar enn frekar. Jafningjafræðslan get­
ur verið svo sterk, þegar fólk kemur
saman, talar saman og lærir hvert af
öðru. Það er fyrsta skrefið til að ná
háleitum markmiðum okkar,“ bætir
hún við.
Fundurinn hefst klukkan 14:00
í stóra salnum í félagsheimilinu
Breiðabliki og er opinn öllum. arg
Veðurklúbburinn á Dalbæ á Dalvík
er fyrir löngu orðinn landsþekkt­
ur. Þar spá menn og spekúlera, lesa
jafnvel í garnir og spá um veðrið.
Í fundargerð frá 4. mars síðastliðn­
um segir: „Við gætum nánast af­
ritað hingað síðustu fundargerð
því veðurspá marsmánaðar hljóm­
ar mjög svipað og sú síðasta, þó úr­
koma hérna á Dalvík í mars verði
ekki eingöngu í föstu formi heldur
aðeins blautari en hún var í febrú­
ar. En áfram verðum við í einhverju
mildasta veðrinu hérna á „Dallas“ á
meðan við erum farin að vorkenna
suður­, austur­ og vesturhlutum
landsins fyrir þá veðráttu sem yfir
þá gengur.“
Greinilegt er að víða er kom­
ið við í spekúleringum hópsins. Í
fundargerð segir: „Við fréttum þó
af kindum sem höfðu náð að fela sig
í Eldborgarhrauni í Kolbeinsstaða­
hreppi í mest allan vetur, sem voru
búnar að fá nóg af þessari veðráttu
á þeim slóðum og drifu sig bara
heim að Ystu­Görðum til Andrés­
ar og Þóru um miðjan febrúar til
að komast í almennilegt skjól. Og
mátti Andrés bóndi víst hafa sig
allan við að ná að fylgja þeim eft­
ir heim að húsum síðasta spölinn.
Enda skall á eitthvað það leiðinleg­
asta veður á þeim slóðum í vetur
þá um nóttina. Þarna minntu þess­
ar snjöllu skepnur okkur á að þær
vita á sig veðrið oft mun betur en
við mannfólkið ­ og ættum við því
að vera mun duglegri við að læra
af þeim,“ segir í fundargerð Veð­
urklúbbs Dalbæjar á Dalvík síðast­
liðinn föstudag.
mm
Kindurnar komu sér í skjól
fyrir stærsta hvellinn
Fundur um áburðar- og
jarðræktarmál á Snæfellsnesi