Skessuhorn - 09.03.2022, Blaðsíða 23

MIÐVIKUDAGUR 9. MARS 2022 23
Þessi ungu drengir kíktu í Dótarí við Smiðjuvelli á Akranesi. Ljósm. vaks
Öskudagurinn hér og þar á Vesturlandi
Það var mikið líf í 111 ára gömlu íþróttahöllinni á Hvanneyri á öskudaginn. Þá stóðu foreldrar, bekkjatenglar og Foreldra-
félag leikskólans Andabæjar fyrir öskudagsballi fyrir unga sem aldna. Þar var kátt á hjalla; dansað, sungið og farið í limbó.
Ljósm. ás
Í lok öskudagshátíðar á Hvanneyri var kötturinn sleginn úr tunnunni en tunnan
hafði verið fyllt með góðgæti í boði Arion banka. Ljósm. ás
Nemendur og starfsfólk í Grunnskóla Snæfellsbæjar létu Öskudaginn ekki fara
framhjá sér. Á Hellissandi mættu bæði nemendur og starfsfólk í búningum í tilefni
dagsins og slógu köttinn úr tunnunni.
Nemendur á mið- og unglingastigi Grunnskóla Snæfellsbæjar komu saman á sal skólans í Ólafsvík þar sem þau fóru í leiki og
dönsuðu meðal annars limbó. Ljósm. þa.
Þetta vélmenni tók á því í dansinum undir dynjandi tónlist á öskudagsskemmtun
í Grundarfirði. Boðið var upp á dans og sprell í íþróttasalnum í síðasta skólatíma
dagsins en veður var ekki með besta móti þennan dag til að ganga í fyrirtæki
og syngja fyrir gotterísmola. Flestir létu það þó ekki stöðva sig og buðu nánustu
ættingjum að skutla sér á milli fyrirtækja þar sem hægt var að hefja upp raust sína
og kyrja fallega tóna fyrir vinnandi fólk í Grundarfirði. Ljósm. tfk.
Búningar eru misjafnir eins og þeir
eru margir. Hér er blómarós ein mætt í
fullum skrúða á ritstjórn Skessuhorns.
Ljósm. ki.
Fanney María, Lena María, Katrín Embla og Maren Embla voru mættar á Skessu-
horn til að syngja. Þær eru allar nemendur í 2. bekk í Brekkubæjarskóla. Ljósm. ki.
Þeir Arnfinnur, Kolbeinn og Ísleifur eru góðir vinir og voru aldeilis klárir í myndatöku. Ljósm. ki.