Skessuhorn - 09.03.2022, Blaðsíða 25

MIÐVIKUDAGUR 9. MARS 2022 25
Sunnudaginn 6. mars kom togarinn
Drangey SK 2 til hafnar í Grundar­
firði til löndunar. Þetta glæsilega
skip lagðist að nýja hafnarkantinum
þar sem vöruflutningabílarnir biðu
þess í röðum að flytja aflann norður
í vinnsluna. Skipið stoppaði aðeins í
nokkrar klukkustundir áður en það
hélt aftur út á miðin. Alls fóru rúm­
lega 116 tonn á land og í bílana.
Að kvöldi sunnudags var búið að
landa rétt rúmlega 385 tonnum í
Grundarfirði þessa fyrstu viku mars
mánaðar. tfk
Á fundi skipulags­ og
byggingarnefndar Borgarbyggðar
síðastliðinn mánudag var lögð fram
tillaga að nýju deiliskipulagi fyrir
land Breiðabólsstaðar II í Reykholts­
dal. Fram kemur að þar sé fyrirhugað
að breyta landnotkun svæðis í landi
Breiðabólsstaðar úr landbúnaðar­
landi og athafnasvæði í íbúðarsvæði.
Nær breytingin til rúmlega 30 hekt­
ara lands og mun þetta stækka þétt­
býlissvæði Reykholts sem því nem­
ur. Þar er stefnt að því að verði 85­
100 einbýlis­, par­ og raðhúsalóðir
og ein lóð fyrir verslun og þjónustu.
„Skipulags­ og byggingarnefnd legg­
ur til við sveitarstjórn að samþykkja
ofangreinda lýsingu til auglýsingar
fyrir Breiðabólstað II,“ segir í funda­
gerð skipulags­ og byggingarnefnd­
ar. arg
„Ég sá þetta förðunarnám auglýst
á Instagram og hugsaði, núna eða
aldrei. Ég eiginlega skráði mig áður
en ég hafði tíma til hugsa mig um,
eða finna afsakanir fyrir því að skrá
mig ekki, eins og til dæmis að hafa
ekki tíma, sem er alveg glötuð af­
sökun,“ segir Gunnhildur Lind
Hansdóttir ljósmyndari í Borgar­
nesi sem lauk átta vikna diplóma
námi í förðunarfræði frá Make­Up
Studio Hörpu Kára í liðinni viku.
„Ég fann um leið og ég var búin
að skrá mig hvað ég var spennt að
byrja, svo ég vissi strax að þetta var
rétt ákvörðun hjá mér,“ bætir hún
ánægð með þessa ákvörðun sína.
No make-up make-up
uppáhalds lúkkið
Námið hófst 10. janúar og var
mæting fjóra daga vikunnar, alla
mánudaga til fimmtudaga í skól­
ann sem er við Ármúlann í Reykja­
vík. „Það er farið yfir rosalega mik­
ið af efni á þessum tíma,“ útskýr­
ir Gunnhildur. „Á mánudögum
til miðvikudaga var okkur kennt
ýmis make­up lúkk og á fimmtu­
dögum var alltaf það sem er kall­
að módel tími. Þá áttum við nem­
arnir að útvega módel sem við átt­
um svo að mála á ákveðinn hátt til
að sýna fram á að við værum bún­
ar að ná ákveðinni tækni og fá fram
ákveðið útlit,“ bætir hún við um
uppbyggingu námsins. Förðunar­
fræðingar í dag þurfa að vera mjög
fjölhæfir og þess vegna leggur
skólinn mikla áherslu á að undirbúa
nemendur sína vel. „Allir kennarar
við skólann eru til að mynda starf­
andi förðunarfræðingar í brans­
anum í dag og það var svo gam­
an að heyra reynslusögurnar frá
þeim. Við lærðum til dæmis mikið
um húð, húðvinnu og hvað það er
mikil vægt að undirbúa húðina vel
áður en farðinn er settur á hana.
Svo lærðum við að gera brúðar­
förðun, allskonar augnförðun, við
lærðum um ýmis förðunar „trend“
frá mismunandi áratugum, sviðs­
og sjónvarpsförðun, special effect
förðun eins og til dæmis að búa
til sár og marbletti og fleira mætti
telja. Sjálfri fannst mér skemmti­
legast að læra no make­up make­
­up förðun sem er smá kaldhæðni
því markmiðið með þeirri förðun,
eins og nafnið gefur til kynna, er að
láta það líta út eins og þú sért ekki
með farða,“ segir Gunnhildur. „En
í rauninni með no make­up make­
­up lúkkinu, þá er það förðunar
lúkkið sem sést hvað helst í auglýs­
ingum og tískutímaritum.“
Fermingar og brúðkaup
framundan
Útskrift verður í lok mánaðar og þá
verður Gunnhildur orðin förðunar­
fræðingur. Hún er hins vegar sjálf­
stætt starfandi ljósmyndari og í
ýmsum verkefnum fyrir Skessu­
horn. „Mér fannst förðunarfræðin
haldast vel í hendur við ljósmynd­
unina og það er bara gaman að hafa
þetta í vopnabúrinu eins og ég segi
stundum. Ég er aðallega að mynda
brúðkaup og fjölskyldur í dag en
mig langar að koma mér meira
inn í auglýsinga ljósmyndun og
þar kemur þessi þekking sér vel. Í
rauninni er ég bara að gera það sem
mér þykir skemmtilegt, eins einfalt
og það hljómar. Nú taka við ferm­
ingarmyndatökur sem eru að fara af
stað fyrir páskana og svo eru loks­
ins brúðhjón að fá að halda brúð­
kaupin sín eins og við þekktum fyr­
ir tíma Covid, sem verður æði að fá
að mynda. Það verður því nóg að
gera næstu mánuði. Gott ef mað­
ur á ekki að eftir að farða einn eða
tvo fyrir myndatöku og svo auð­
vitað ætla ég að skrifa aðeins fyrir
Skessuhornið,“ segir Gunnhildur
kát að endingu.
mm
Hér sést yfir Reykholt í átt að Breiðabólsstað. Ljósm. mm
Leggja til stækkun
íbúðabyggðar í Reykholti
Hafsteinn Garðarsson hafnarvörður tekur á móti skipinu eins og svo oft áður.
Drangey kom til löndunar
í Grundarfirði
Skipið bundið við bryggju áður en löndun hófst.
Skráði sig í förðunarnám áður en hún hafði
tíma til að finna afsökun
Birta Þórðardóttir situr hér fyrir með no make-up make-up eftir Gunnhildi.
Nemendur þurftu að sjá um förðun, hár, og fatnað í lokaverkefnum sínum sem
fóru fram í síðustu viku. Hér er Gunnhildur að laga hárið á módelinu sínu og vin-
konu, Jóhönnu Stefáns Bjarkardóttur fyrir „beauty“ lúkkið eins og það kallaðist.