Morgunblaðið - 28.04.2022, Side 56

56 MENNING
MORGUNBLAÐIÐ FIMMTUDAGUR 28. APRÍL 2022
Nú liggur fyrir
hverjir munu
skipa aðaldóm-
nefnd kvik-
myndahátíð-
arinnar í Cannes
í ár, þá sem velur
bestu kvikmynd-
ina og veitir
Gullpálmann.
Formaður dóm-
nefndar verður franski leikarinn
Vincent Lindon og auk hans skipa
dómnefndina enska leikkonan,
handritshöfundurinn, kvikmynda-
leikstjórinn og framleiðandinn
Rebecca Hall; indverska leikkonan
Deepika Padukone, sænska leik-
konan Noomi Rapace, ítalska leik-
konan og leikstjórinn Jasmine
Trinca, íranski leikstjórinn, hand-
ritshöfundurinn og framleiðandinn
Asghar Farhadi; franski leikstjór-
inn, leikarinn og handrits-
höfundurinn Ladj Ly; bandaríski
leikstjórinn og handritshöfund-
urinn Jeff Nichols og norski kvik-
myndagerðarmaðurinn Joachim
Trier.
Kvikmyndahátíðin í Cannes hefst
17. maí og lýkur 28. maí. Opnunar-
mynd hátíðarinnar verður gaman-
söm uppvakningamynd, Coupez!,
eftir leikstjórann Michel Hazana-
vicius. Sú hét áður Z en vegna notk-
unar rússneska hersins á bók-
stafnum ákvað leikstjórinn að
breyta titlinum.
Lindon leiðir aðaldómnefnd Cannes
Vincent Lindon
Internal Human
er heiti mynd-
bandsinnsetn-
ingar eftir dans-
arann Inês Zinho
Pinheiro og tón-
skáldið Lilju
Maríu Ásmunds-
dóttur sem verð-
ur sýnd í Mengi
við Óðinsgötu í
dag, fimmtudag,
frá kl. 12 til 18. Aðgangur er ókeyp-
is og allir velkomnir.
Pinheiro og Lilja María hafa unn-
ið saman að ýmsum verkefnum síð-
an 2018. Síðastliðin tvö ár hafa þær
skipst á myndböndum, hljóðbrotum
og hugsunum tengdum innra lífi
flytjandans. Úr hugmyndum þeirra
varð til verkið Internal Human sem
hefur þróast bæði sem myndbands-
innsetning og sem sviðsverk.
Verkið er innblásið af hljóð-
skúlptúr sem Lilja smíðaði árið
2020. Skúlptúrinn var hannaður út
frá hugmyndum um hvers konar
hreyfingar myndast náttúrulega
þegar leikið er á strengina. Lilja
spilar á skúlptúrinn á meðan Pin-
heiro yfirfærir hreyfingar hennar á
mismunandi umhverfi sem hafa
einhvers konar sjónræna tengingu
við hönnun skúlptúrsins.
Innsetning Lilju og Pinheiro í Mengi
Lilja María
Ásmundsdóttir
Opið virka daga kl. 10–18,
laugardag kl. 12–16
Listamannaspjall kl. 14
laugardag, 30. apríl
ÞORRI HRINGSSONN
Ý
M
Á
L
V
E
R
K
Síðasta sýningarhelgi
María Margrét Jóhannsdóttir
mariamargret@mbl.is
„Þetta er mjög spennandi en að
sama skapi ótrúlega skrítin tilfinn-
ing að koma sér aftur í þetta hugar-
ástand sem maður var í fyrir tveim-
ur árum. Það er ekki laust við að
maður sé smá týndur og það taki
smá tíma að finna taktinn aftur.
Eðlilega breytist svolítið það sem
maður vill gera. Upphaflega var ég
með allt á hreinu hvað þessi túr átti
að vera, hvað hann ætti að standa
fyrir og hvernig upplifunin átti að
vera. Svo líður þessi langi tími og
maður er ekki viss hvort maður sé
endilega staddur á sama stað og
áður. Kannski er það bara já-
kvætt,“ segir Ólafur en tvö ár eru
síðan hann gaf út breiðskífuna
some kind of peace og ekki var
hægt að fylgja henni eftir með tón-
leikaferð fyrr en nú og verða fyrstu
tónleikarnir haldnir í Háskólabíói
hinn 23. maí.
Mikið sjónarspil
Ólafur segir að búast megi við
miklu sjónarspili á tónleikunum.
„Við höfum alltaf lagt mikla
áherslu á upplifun á tónleikunum
og að skapa ákveðið andrúmsloft
sem næst fram með sérstakri ljósa-
hönnun og því um líku. Hugað er að
hverju smáatriði. Mér finnst mikil-
vægt að tónleikar séu ekki bara
þannig að ég renni í gegnum uppá-
haldslögin mín heldur að fólk finni
að búið sé að leggja mikla vinnu í
upplifunina. Þarna verð ég með
hljómsveit, strengjakvartett og
trommara og allt saman skapar
þetta dýnamíska heild.“
Átti að spila í Úkraínu
Ólafur verður á ferðalagi um
heiminn mestallt árið. Hann átti
meðal annars að vera með tónleika í
Úkraínu en þeim þurfti óhjákvæmi-
lega að fresta vegna stríðsins.
„Ég hafði beðið í mörg ár eftir að
fá að spila í Úkraínu og var orðinn
virkilega spenntur fyrir því tæki-
færi en það datt svo upp fyrir vegna
þess alvarlega ástands sem þar rík-
ir. Annars hef ég spilað í flestum
löndunum áður og það er alltaf jafn
spennandi. Það er til dæmis sér-
staklega gaman að koma til Mexíkó
og svo er orðið langt síðan við spil-
uðum í Bandaríkjunum og ég
hlakka mikið til að spila þar aftur,“
segir Ólafur sem finnst þó alltaf
mest stressandi að spila á Íslandi.
„Hér eru til dæmis mamma og
pabbi í salnum og maður kemst
ekki upp með neitt og ekki hægt að
firra sig ábyrgð,“ segir hann og
hlær.
Líður vel á tónleikaferðalagi
Aðspurður hvort það sé erfitt að
vera á tónleikaferðalagi í svona
langan tíma segir Ólafur það vera á
margan hátt afslappandi.
„Mér finnst það mjög þægilegt.
Þetta getur vissulega tekið á líkam-
ann og svefninn er oft af skornum
skammti en þetta er á vissan hátt
mjög einfalt líf. Það er mjög þægi-
legt að vakna á morgnana og eiga
bara eitt markmið fyrir daginn.
Markmið hvers dags er bara það að
vera mættur upp á svið á réttum
tíma og spila góða tónlist. Hér
heima er maður, líkt og allir Íslend-
ingar, að vinna í mörgum verk-
efnum í einu ásamt öllum þessum
fjölmörgu hlutum sem hið daglega
líf krefst af manni. Hér er ákveðinn
samfélagslegur þrýstingur að vera
alltaf rosalega duglegur. Á tón-
leikaferðalagi verður lífið aftur á
móti töluvert einfaldara. Í því felst
viss slökun og mér líður mjög vel á
tónleikaferðalagi.“
Margir brenna út
Ólafur hefur einnig samið mikið
fyrir sjónvarp á alþjóðavísu en
hann segir þá vinnu fara á ís meðan
á tónleikaferðalaginu stendur.
„Ég geri bara eitt í einu. Ég var
að klára tvö verkefni fyrir sjónvarp
þannig að tímasetningin er góð.
Mér hefur almennt þótt gott að
vinna fyrir sjónvarp í skorpum,
vinna til dæmis í tvö ár og svo ekk-
ert í tvö ár. Þetta er mjög lýjandi
vinna og fólk er fljótt að brenna sig
út í þessu starfi. Ég er svo lán-
samur að geta tekið mér hlé frá því
til þess að sinna eigin tónlist og fara
í tónleikaferðalög. Það eru ekki all-
ir í þessum bransa sem geta það.
Ég get meira hoppað inn og út. Ég
nýtti heimsfaraldurinn vel og samdi
mikið fyrir sjónvarp og það reynd-
ist fínn tími til þess. Eins og staðan
er núna veit ég ekki alveg hvenær
ég tek að mér næstu verkefni,“ seg-
ir Ólafur en hann lauk nýverið við
að semja tónlist fyrir þættina Sur-
face sem sýndir verða á Apple TV+
og svo Moonhaven sem er á vegum
AMC Studios.
Með fjölbreytta reynslu
Ólafur segir það mjög frábrugðið
að vinna fyrir sjónvarp og að vinna
að eigin tónlistarsköpun. „Það er að
vissu leyti skemmtilegast að vinna
að eigin tónlist en að sama skapi
mjög hollt að komast reglulega út
úr eigin búbblu, maður vinnur þá
með nýju fólki, öðlast nýtt sjón-
arhorn og fjölbreytta reynslu.
Þannig snýr maður svo aftur í
búbbluna sína með allt þetta í far-
teskinu og það er mjög gefandi.“
Engin uppgerðarhógværð
Ólafur hefur notið mikillar vel-
gengni á heimsvísu, nú síðast var
hann tilnefndur til tvennra
Grammy-verðlauna auk þess sem
hann hefur fengið BAFTA-
verðlaunin fyrir tónlist í bresku
þáttunum Broadchurch og einnig
verið tilnefndur til Emmy-
verðlaunanna svo fátt eitt sé nefnt.
Þrátt fyrir velgengnina heldur
hann sér á jörðinni.
„Ég hugsa í alvöru ekki mikið um
þetta. Þetta er ekki einhver upp-
gerðarhógværð í mér heldur er ég
raunverulega ekki mikið að pæla í
þessum hlutum. Auðvitað er þetta
alltaf smá sjokk þegar maður fær
tilnefningar sem þessar en sjokkið
varir í tíu mínútur og svo er ég
hættur að hugsa um þetta. Þá tekur
bara við að þurfa að mæta, og sitja
undir ræðuhöldum í þrjá tíma og
svo framvegis. Þetta er í raun eins
og litlar árshátíðir í bransanum
sem er bara skemmtilegt.“
Allir fóru strax í næsta gír
Ólafur segir að viðurkenningar
sem þessar hjálpi mikið og opni
vonandi dyr fyrir fleiri sem vilja
feta sömu slóðir. „Þetta minnir fólk
á að maður sé til. Ég sá það til
dæmis svo ljóst eftir Grammy-
tilnefningarnar að útgáfufyrirtækið
og þeir sem eru að vinna í kringum
mann fóru strax í næsta gír. Ég er
svo sem ekki sá fyrsti sem gerir það
gott í þessum heimi en maður reyn-
ir samt alltaf að flagga fánanum.
Vonandi eru dyrnar bara galopnar
og að fólk taki eftir því þegar ein-
hver gerir það gott,“ segir Ólafur.
Morgunblaðið/Kristinn Magnússon
Úr búbblu „Það er að vissu leyti skemmtilegast að vinna að eigin tónlist en að sama skapi mjög hollt að komast
reglulega út úr eigin búbblu, maður vinnur þá með nýju fólki, öðlast nýtt sjónarhorn,“ segir Ólafur Arnalds.
Lífið einfaldara á tónleikaferðalagi
- Loks gefst Ólafi Arnalds tækifæri til að fylgja eftir breiðskífu sinni Some kind of peace með tón-
leikaferðalagi - Kom út fyrir tveimur árum en fresta þurfti tónleikaferð tvisvar vegna Covid