Morgunblaðið - 20.05.2022, Page 23

FÖSTUDAGUR 20. MAÍ 2022 MORGUNBLAÐIÐ 23
Frábær golffatnaður
Fallegur, þægilegur og hentar fullkomlega í íslenska golfsumarið.
Skoðaðu fjölbreytt úrval golffatnaðar á golfa.is.
Við sendum allar vörur frítt á næsta pósthús eða í póstbox.
Hafðu samband og við finnum tíma í mátun. golfa@golfa.is golfa.is golfa.is
er gengið. Svona áfall hefur raunverulegar afleiðingar.
Það veldur flótta og fíknum og virkilega heggur nærri
fólki og reynir það. Þessi hlið gömlu ævintýranna vekur
áhuga minn og ég reyni að setja hana í samhengi við
samtímann. Fegurð Garðabrúðu og langir lokkar mega
kannski heita óumdeildir í ævintýrinu en hvernig reiddi
henni af í okkar heimi? Í raunveruleikanum með öll sín
skrýtnu, andstæðu og þversagnakenndu skilaboð til
ungra stúlkna?“
Sunneva heldur áfram: „Það sem mér finnst skemmti-
legast við listir og þá einna helst myndlist er að hún er
alltaf spegill á þann sem horfir. Stóri spegilinn verður
svo samfélagið eða samtíminn og þannig leikur hún stórt
hlutverk í að skapa mannkynssöguna. Það sem mér
finnst hins vegar skemmtilegast er þegar áhorfandinn
sér eitthvað allt annað en vakti fyrir mér. Þannig var eitt
verkanna með rennilás utan um röð af tönnum. Ég var
að vísa til þess eiginleika okkar að smjatta á slúðri og
bera út róg um náungann, en fullorðinn maður á sýning-
unni sá úr því tennta píku sem gæti bitið til manna sem
legðu í hana! Áhorfandinn fer eins djúpt ofan í veruleika
bæði myndlistarmannsins og sín sjálfs og hann getur,“
segir Sunneva.
Þarf ekki ástarsorg til að mála
„Ég var svolítið lengi að samþykkja að ég þyrfti að
láta verkin vinna fyrir mig. Það er ekki hægt að sitja á
gullkistu, öllum merkilegu verkunum sínum og bíða
rétta tímans. Þegar ég var yngri hafði ég klassískar og
rómantískar hugmyndir um „listamanninn“. Ég sá sjálfa
mig fyrir mér eina í ástarsorg að skapa og mála. Ég taldi
sársauka og trega vera uppsprettu listar. En ég öðlaðist
aðra sýn þegar ég ákvað að hætta að drekka 24 ára göm-
ul. Þá breyttist lífið svo mikið. Ég varð hamingjusamari,
glaðari og frjálsari. Ég lærði að það má skapa list og
vera hamingjusamur. Bölið er ekki forsenda listrænnar
sköpunar, þótt það sé magnað hreyfiafl.
Ég fór hins vegar nær kjarnanum, sannleikanum um
líf mitt, og í stað þess að skapa fyrir aðra eða eftir hug-
myndum mínum um hvað list ætti að vera gerði ég það
sem mig langaði til.“
Hvernig útskýrir þú hugmyndirnar að baki málverk-
unum og það að rómantísk fantasía geti snúist upp í and-
stæðu sína þegar betur er að gáð?
Ljósmynd/Baltasar Breki Samper
Sunneva er búsett í
London þar sem hún
er í meistaranámi í
myndlist í Goldsmith-
háskólanum.
Ljósmynd/Anna Maggí
Robilant+Voena sem sýnir verk Sunn-
evu er ítalskt fjölskyldufyrirtæki sem
heldur úti galleríum í London, New
York, Mílanó og París.
„Það sem mér finnst
skemmtilegast er
þegar áhorfandinn
sér eitthvað allt ann-
að en vakti fyrir mér.
Þannig var eitt verk-
anna með rennilás
utan um röð af tönn-
um. Ég var að vísa til
þess eiginleika okk-
ar að smjatta á slúðri
og bera út róg um
náungann. En full-
orðinn maður á sýn-
ingunni sá úr því
tennta píku sem
gæti bitið til manna
sem legðu í hana.
Áhorfandinn fer eins
djúpt ofan í veruleika
myndlistarmannsins
og sinn eigin og
hann getur,“ segir
Sunneva.5 SJÁ SÍÐU 24