Fréttablaðið - 17.08.2022, Síða 4

Að gefnu tilefni vill Jón
koma á framfæri að
liðsagi hafi ekki verið
vandamál í landsliðum
Íslendinga í bridds
síðastliðna áratugi.
Við vísum því ekki á
bug á þessu stigi að um
brot á náttúruverndar-
lögum gæti verið að
ræða, við bíðum
úrskurðar.
Jóhannes Gissurarson,
oddviti Skaftárhrepps
Skaftárhreppur hefur svarað
kæru Landverndar og systur-
samtaka vegna fyrirhugaðrar
Hnútuvirkjunar. Oddvitinn
segir mikilvægt að horfa til
heildarhagsmuna. Klárt lög-
brot að mati Landverndar.
bth@frettabladid.is
SKAFTÁRHREPPUR „Rök okkar í
sveitarstjórn eru að styrkja stöðu
samfélagsins með auknu raforku-
öryggi,“ segir Jóhannes Gissurarson
oddviti í Skaftárhreppi.
Skaftárhreppur hefur afgreitt
og sent frá sér greinargerð eftir
að Landvernd og systursamtök
kærðu fyrirhugaða Hnútuvirkjun
til úrskurðarnefndar umhverfis-
og auðlindamála. Gögnin hafa
ekki verið gerð opinber. Af svörum
hreppsnefndarmanna að dæma
heldur sveitarfélagið sínu striki og
svarar kærunni fullum hálsi.
Samtökin sem kærðu eru Land-
vernd, Eldvötn – samtök um nátt-
úruvernd í Skaftárhreppi, Nátt-
úruverndarsamtök Suðurlands,
Náttúruverndarsamtök Íslands og
Ungir umhverfissinnar.
Náttúruundur í sögufrægu Skaft-
áreldahrauni eru að mati Land-
verndar og fjölda heimamanna í
hættu, gangi áform um virkjunina
í Hverfisfljóti eftir. Framkvæmdir,
vegagerð og bygging stöðvarhúss
nálægt náttúruperlunni Lamb-
hagafossum yrði á óröskuðu svæði
og telja andstæðingar áformin ógn
fyrir ferðaþjónustu.
„Við vísum því ekki á bug á þessu
stigi að um brot á náttúruverndar-
lögum gæti verið að ræða, við
bíðum úrskurðar,“ segir Jóhannes
oddviti. „En við þurfum að horfa á
heildarhagsmunina, umhverfislega,
efnahagslega og samfélagslega hags-
muni.“
Framkvæmdir við virkjunina
gætu hafist um leið og niðurstaða
liggur fyrir, að því gefnu að ekki
verði tekið tillit til kærunnar.
„Ég ætla ekkert að tjá mig um
málið, ákvarðanir um þetta voru
teknar fyrir mína tíð,“ segir Einar
Kristján Jónsson, nýráðinn sveitar-
stjóri Skaftárhrepps, um deilur í
héraðinu vegna áformanna, ekki
síst meðal kjörinna sveitarstjórnar-
fulltrúa.
Auður Önnu Magnúsdóttir, fram-
kvæmdastjóri Landverndar, segir
að það standi til að tengja Hnútu-
virkjun tengivirki á Prestsbakka þar
sem fyrir sé tenging. Varla sé því um
aukið framboð af raforku í Skaftár-
hreppi að ræða.
„Þetta er einstakt svæði, þar sem
við getum fylgst með landi í mótun
rétt við þjóðveginn. Það er um klárt
brot á náttúruverndarlögum að
ræða,“ segir Auður. n
Virkjunin styrki stöðu samfélagsins
Lambhagafossar munu raskast ef virkjað verður. FRÉTTABLAÐIÐ/ANTON BRINK
Auður Önnu
Magnúsdóttir,
framkvæmda-
stjóri Land-
verndar
bth@frettabladid.is
SAMFÉLAG Jón Baldursson, heims-
meistari í bridds og nýráðinn lands-
liðseinvaldur, hyggst tilkynna
landsliðshópinn í opnum flokki í
bridds í dag.
Jón segir að það hafi verið nokkuð
snúið að velja úr hópi spilara, meg-
inspurningin hafi verið um þriðja
parið í hópnum. Alls munu sex spil-
arar skipa liðið.
„Framboðið var meira en ég hélt
að yrði,“ segir Jón.
Þriggja para hópur verður einnig
valinn til að æfa með landsliðinu.
„Við fengum átta umsóknir í
æfingahópinn sem mér fannst mjög
mikið. Ég er ánægður með ásóknina.
Valið var mjög erfitt,“ segir Jón.
Að gefnu tilefni vill Jón koma á
framfæri að liðsagi hafi ekki verið
vandamál í landsliðum Íslendinga
í bridds síðastliðna áratugi. Þegar
hann hafi sagt í Fréttablaðinu á dög-
unum að áfengisneysla yrði aldrei
umborin hafi hann að mestu átt við
eitt einangrað tilvik á einu tilteknu
stórmóti.
Samkvæmt heimildum Frétta-
blaðsins var landsliðseinvaldurinn
að vísa til hnökra sem komu upp hjá
aðeins hluta landsliðsins í opnum
f lokki á Evrópumótinu í sumar.
Árangur á því móti var sá versti um
áratugaskeið og talinn óviðunandi.
Íslendingar urðu heimsmeistarar
í bridds árið 1991. Íslenska keppnis-
liðið hefur margoft eftir að sá árang-
ur náðist unnið Norðurlandamót í
íþróttinni.
Stefnir Jón að því að koma lands-
liðinu aftur í hóp bestu liða heims,
þótt við ramman reip sé að draga.
Spilarar bestu landsliða eru meira
og minna atvinnumenn í íþróttinni
nú um stundir, ólíkt íslenskum spil-
urum. n
Einvaldur segir agabrot í briddslandsliðinu einangrað tilvik
benediktboas@frettabladid.is
UMFERÐ Í Framkvæmdafréttum
Vegagerðarinnar sem komu út í gær
kemur fram að 20 slys verða á ári á
einbreiðum brúm, slysin séu alvar-
legri í dreif býli og það sé há slysa-
tíðni í einbreiðum jarðgöngum.
Stofnunin skoðaði slys og óhöpp í
10 jarðgöngum, auk slysa 200 metra
fyrir utan og 50 metra inn í þau, árin
2011 til 2020. Segir að ekki þurfi að
koma á óvart hversu há slysatíðni
sé við einbreið jarðgöng. Skoða eigi
hvort lækka megi tíðnina.
Þá kemur fram að á árunum
2002 til 2021 séu 400 slys skráð á
einbreiðum brúm eða 20 á ári. Af
þessum slysum eru átta banaslys.
Er bent á að samhliða fækkun á ein-
breiðum brúm hafi slysum fækkað.
Þó svo að slysatíðni sé hærri í
þéttbýli verði hlutfallslega alvar-
legri slys í dreifbýlinu og banaslysin
verða frekar þar. Þá segir að meira
en 50 prósent alvarlegra slysa og
banaslysa á þjóðvegum í dreif býli
verði við útafakstur.
Mannleg mistök eru aðalorsök
flestra umferðarslysa, segir í Fram-
kvæmdafréttunum. n
Einbreiðu göngin
eru slysagildra
Einbreiðar brýr eru um 30 talsins.
FRÉTTABLAÐIÐ/PJETUR
olafur@frettabladid.is
NEYTENDUR Verð á matarkörfunni
breytist lítið milli júlí og ágúst hér á
landi, mun minna en í Bretlandi og
Frakklandi.
Þetta kemur fram í verðkönnun
sem Veritabus framkvæmdi í net-
verslunum í síðustu viku.
Matarkarfan hér hækkaði ein-
ungis um 0,15 prósent milli mánaða,
sem jafngildir 1,8 prósenta verð-
bólguhraða á heilu ári.
Ávextir og grænmeti lækkuðu
í verði og einnig kjöt og fiskur.
Mjólkur- og drykkjarvörur stóðu að
mestu í stað en mestu hækkanirnar
voru í dósa- og þurrmat, sælgæti og
snakki, auk þess sem brauðmeti
hækkar eitthvað.
Talsverðar hækkanir virðast enn
vera að koma inn í verðlag í Frakk-
landi og á Bretlandseyjum og mán-
aðarhækkunin í Frakklandi er 2,8
prósent en 2,1 prósent í Bretlandi.
Mjög miklar hækkanir eru á
mjólkurvörum, dósamat og f leiri
vörum í Bretlandi og Frakklandi.
Af þessu má draga þá ályktun að
mjög dragi úr verðbólguþrýstingi
vegna matarverðs hér á landi. Óvar-
legt er þó að reikna með áhrifum
þess í vísitölu neysluverðs sem Hag-
stofan birtir 30. ágúst næstkomandi
vegna þess að þar styðst Hagstofan
við eldri mælingar á matvælaverði.
Veritabus kannaði 100 vörur í
netverslunum. Þar sem verð vantaði
var kannað hilluverð í verslunum.
Um sömu vörur er að ræða á Íslandi.
Erlendu vörurnar eru valdar af sér-
fræðingum Veritabus til að endur-
spegla samsvarandi innlendar
vörur. n
Matarkarfan stendur nánast í stað
Mannleg mistök eru
orsök flestra slysanna.
Grænmeti og ávextir lækka milli mánaða. FRÉTTABLAÐIÐ/VILHELM
4 Fréttir 17. ágúst 2022 MIÐVIKUDAGURFRÉTTABLAÐIÐ