Sjómannablaðið Víkingur - 01.02.2008, Blaðsíða 58

58 - Sjóm­annablaðið Víkingur­
Dýr beygla
Kanadískir skattborgarar eru nú ekki beint hoppandi af gleði
yfir smá beyglu sem kom á einn kafbát sjóhersins því viðgerð
á henni mun kosta borgarana litlar 77 milljónir ISK. Um er að
ræða dæld sem er um 4 fermetrar að stærð en þar sem hún er á
ytri byrðingi kafbátsins var köfun skipsins takmörkuð.
Það sem gerði það að verkum að skattborgararnir voru ekki
kátir yfir þessu var að þessi dæld kom á skipið meðan það var
í eigu breska sjóhersins sem mun ekki taka ábyrgð á þessari
„litlu“ dæld.
Merkilegur fundur
Nýlega fundust þrír þýskir kafbátar í Svartahafi og binda menn
miklar vonir um að hægt verði að bjarga þeim og hafa til sýnis.
Um er að ræða kafbátana U-20, U-23 og U-19 en þeim var
öllum sökkt af áhöfnum þeirra í september 1944 eftir að bæki-
stöðvar þeirra í Rúmeníu komust í hendurnar á Rauða hernum.
Liggja tveir bátanna á um 80 feta dýpi en sá þriðji á um 1000
fetum. Bátarnir, sem eru af gerðinni II-B hafa allar götur síðan
legið í fersku vatni og þar af leiðandi varðveist vel. Mun ástand-
ið á U-20 vera alveg einstakt.
Kemur heim aftur
Kafbátar virðast vekja vaxandi vinsældir meðal ferðamanna því
nýlega hafa Ísraelar fest kaup á kafbát sem í eina tíð var í eigu
þeirra. Kafbáturinn sem um ræðir var einn þriggja bresksmíð-
aðra kafbáta fyrir ísraelska sjóherinn og fékk hann nafnið Gal.
Var hann í notkun allt fram til ársins 2003 að þrír nýjir kafbátar
leistu þessa gerð af hólmi. Var Gal lagt í einni af þurrkvíum
HDW í Kiel og lá ekki annað fyrir honum en að vera rifinn.
Ekki voru Þjóðverjarnir neitt að flýta sér við að rífa kafbátinn
því þegar Ísraelarnir fóru að hafa hug á því að varðveita kafbát
reyndist þeim mögulegt að eignast Gal á ný.
Á síðasta ári hófust framkvæmdir við að gera hann að safna-
skipi og var önnur vélin tekin úr skipinu auk þess sem stefni
hans var opnað. Að því loknu var hann settur um borð í skip
sem nú er á leið til Ísrael en ég hef því miður ekki nánari upp-
lýsingar um hvar hann muni verða til sýnis ef einhverjir lesend-
ur eru á leið þangað.
Frá útförinni um borð í USS Ashland.
Útför á sjó
Ég var nýlega spurður út í það hvort enn væri verið að framkvæma
útfarir á sjó og svaraði ég því til að ég teldi af og frá að slíkt ætti
sér stað nema að því leiti að ösku væri dreyft yfir sjóinn. Það leið
rétt vika þar til ég komst að því að ég hafði sannarlega farið með
rangt mál því 23. febrúar sl. fór fram útför um borð í bandaríska
landgönguskipinu USS Ashland. Fór athöfnin fram á Atlantshafi og
voru 13 fyrrum sjóliðar látnir síga í sæ við þá athöfn.
Gömul ferja til sölu.
Til sölu
Nýja Grímseyjarferjan Sæfari hefur verið mikið í fréttum og
milli tanna á fólki síðasta árið eða frekar síðustu árin. Hún er
nú sem betur fer komin í siglingar eftir miklar endurbætur.
Eitthvað var hún búin að liggja í höfn á Írlandi áður en hún var
seld hingað til lands. Þegar þetta umrædda skip hóf siglingar
Sjómanna dagurinn
Sendum sjómönnum og fjölskyldum
fleirra okkar bestu kve›jur