Sjómannablaðið Víkingur - 01.02.2008, Blaðsíða 62

62 - Sjóm­annablaðið Víkingur­
Sigling um Netið
Í umsjón Hilmars Snorrasonar
Sjómennskan hér á landi hefur breyst
mikið á ekki mjög mörgum árum.
Hverjum hefði til dæmis dottið í hug
fyrir 10 árum síðan að hægt væri að fara
á Internetið um borð þótt svo að ekki sé
um sama hraða að ræða til sjós og í landi.
En við eigum líka frístundir heima og þá
getum við farið og skoðað erfiðari heima-
síður heldur en við getum staðið í að
hlaða niður úti í sjó. En tækninni fleygir
áfram og eftir næstu 10 ár verður enn
hraðari þróun á möguleikum nettenging-
ar úti á sjó en fyrri ár hafa sýnt.
Því er ekki úr vegi að við byrjum á að
skoða heimasíðu sem getur frætt okkur
um gömlu tímanna. Síðutogarar eru
löngu horfnir af sjónarsviðinu og margir
sem nú eru á sjó urðu þess ekki aðnjót-
andi að kynnast þessum skipum né þeim
vinnuaðferðum sem þar var beitt. Netið
gefur okkur þó möguleika á að skyggnast
inn í þessa fortíð ef við förum á heima-
síðu Siglufjarðartogarans Hafliða á slóð-
inni www.si2.is Þessi síða er gott dæmi
hvaða væntumþykju fyrrum skipverjar
hafa fyrir sínu gamla skipi.
Næsta síða er einnig íslensk og
fjallar um eyfirska báta og bátasmíði.
Er það Árni Björn Árnason, sem starf-
aði hjá Slippstöðinni til margra ára, sem
hefur hér tekið saman upplýsingar um
skip og báta sem smíðaðir hafa verið á
Norðurlandi. Síðan, sem hefur slóðina
www.aba.is, býr yfir mjög fróðlegum
upplýsingum og þar má sjá hvaða skip
Slippstöðin hefur smíðað. Má segja að
hér sé á ferðinni hluti af skipasmíðasögu
okkar Íslendinga og segir eigandinn að
einn daginn muni söfnun upplýsinga vera
komin það vel á veg að bók verði næsta
skrefið. Þangað til mun síðan sannarlega
verða uppspretta margskonar fróðleiks
um skipasmiði og smíðar skipa norðan
heiða.
Nú skoðum við síðuna www.marisec.
org sem leiðir okkur að síðu alþjóða-
samtaka kaupskipaútgerða. Nú eru þið
eflaust að velta því fyrir ykkur hvað gæti
verið áhugavert á þeirri síðu en það er
heill hellingur af fróðleik sem þar er að
finna. Ég get til dæmis bent á að þeir gefa
út blað sem hægt er að lesa á vefnum og
þar eru margar nytsamlegar upplýsingar
fyrir þá sem eru í siglingum hvers þeir
geti vænst í reglugerðaflóðinu sem yfir
kaupskipasjómenn dynja reglulega.
Með næstu síðu er nú ekki verið að
hvetja lesendur síðunnar að ganga í
bandaríska sjóherinn en þeir eru með
mjög skemmtilega og fróðlega síðu á
slóðinni www.navy.mil Þar er hægt að
skoða bæði myndbönd og ljósmyndir
frá ýmsum verkefnum sjóhersins sem og
skemmtilegar fréttir af því sem þar er að
gerast. Ljósmyndirnar eru nokkuð magn-
aðar á síðunni enda má segja að litadýrð-
in er mikil hjá sjóhernum.
Og meira af sjóhernum. Flugmóðurs-
kipið Nimitz er með stærstu flugmóð-
urskipum Bandaríkjamanna og var það
fyrst í röð átta systurskipa sem stærst eru
í heiminum í dag. Á netsíðunni http://
www.pbs.org/weta/carrier/ gefst okkur
einstakt tækifæri til að skoða þetta mik-
ilfenglega skip og lífið þar um borð. Hér
er síða sem hægt er að segja að taki aldrei
enda nema með því að fjárfesta í mynd-
disk um skipið. Síðan er í raun stuðn-
ingur við fræðslumynd sem gerð var um
skipið og má segja að eftir að búið er að
skoða síðuna er erfitt að láta ekki eftir sér
að kaupa myndina um skipið.
Vöktun siglinga skipa fer stöðugt vax-
andi og einmitt daginn sem þetta er skrif-
að var tilkynnt að Landhelgisgæslan fengi
brátt til umráða ratsjár sem staðsettar
verða víðsvegar um landið til að fylgjast
með skipaumferð. Það sem hér er á ferð-
inni er það sem kallað er VTS eða Vessel
Tracking System og hefur í vaxandi mæli
verið tekið upp til að stýra umferð skipa.
Á slóðinni www.maritime-vts.co.uk er
margvíslegan fróðleik að finna um þetta
nýja kerfi sem verið er að taka upp hér á
landi á næstu árum. Ég gæti sagt margt
um síðuna en best er bara að fara inn á
hana og skoða það sem vekur áhuga.
Ef þú ert að leita þér að vinnu á sjó þá
er ekki úr vegi að skoða www.shiptalk-
jobs.com síðuna. Hún hefur upp á að
bjóða meðal annars störf á sjó og þar er
líka hægt að setja inn nafnið sitt ef ein-
hver er að leita. Þegar ég skoðaði síðuna
þá voru 8 Íslendingar skráðir þar inni
en nöfnin eru að sjálfsögðu ekki sýnileg
þannig að ekki er verið að bregðast trún-