Fréttablaðið - 25.08.2022, Blaðsíða 6

Hvað er það sem er
endir á stríðinu fyrir
okkur? Áður sögðum
við: Friður. Nú segjum
við: Sigur.
Volodymyr Ze-
lenskyj, forseti
Úkraínu
35%afsláttur af gagnvarinni furu
Tímabundið tilboð til 4. september
Frír flutningur á pallaefni innan
höfuðborgarsvæðisins ef keypt
er fyrir 500.000 kr. eða meira
Frír flutningur
Gerðu verðsamanburð
thorgrimur@frettabladid.is
TAÍLAND Stjórnlagadómstóll Taí-
lands leysti Prayut Chan-o-cha,
forsætisráðherra landsins, tíma-
bundið frá störfum í gær á meðan
tekið verður til athugunar hvort
hann megi gegna embættinu lengur
samkvæmt stjórnarskrá landsins.
Samkvæmt stjórnarskrá Taí-
lands má forsætisráðherrann ekki
sitja lengur en alls átta ár. Prayut
hefur verið forsætisráðherra frá
árinu 2014, þegar hann leiddi her-
foringjabyltingu gegn borgara-
legum stjórnvöldum. Andstæðingar
Pray uts telja því að honum beri að
víkja umsvifalaust úr embætti, en
Prayut og samherjar hans telja að
átta ára hámarksseta í embætti eigi
að miðast við upptöku núgildandi
stjórnarskrár Taílands, sem var inn-
leidd árið 2017.
Enn aðrir telja að miða eigi við
árið 2019, þegar Prayut var kjörinn
forsætisráðherra borgaralegrar
ríkisstjórnar og fimm ára herstjórn
hans leið formlega undir lok.
Ef dómstóllinn kemst að þeirri
niðurstöðu beri að miða við árið
2017 eða 2019, og myndi Prayut taka
aftur við störfum gæti hann gegnt
embættinu til ársins 2025 eða 2027,
að því gefnu að hann hljóti náð fyrir
augum kjósenda. n
Forsætisráðherra Taílands settur af
Prayut Chan-o-cha ávarpar fjölmiðla
þann 16. ágúst. FRÉTTABLAÐIÐ/GETTY
birnadrofn@frettabladid.is
SAMFÉLAG Barnaheill hefur í dag
söfnun til styrktar þróunarverkefni
samt akanna í Síer ra Leóne.
Verkefnið hófst í haust og snýr að
því að auka fræðslu um ofbeldi í tíu
skólum í landinu.
Kolbrún Pálsdóttir, verkefnastjóri
hjá Barnaheillum, segir verkefnið
strax hafa sýnt árangur.
„Við sjáum það strax að þessi
fræðsla skiptir miklu máli en í
Síerra Leóne er mikið um of beldi,
þar verða tvær af hverjum þremur
stúlkum fyrir kynferðisof beldi,“
segir hún.
„Þá er mjög mikið um of beldi
í skólum en þar verða 90 prósent
nemenda fyrir einhvers konar
ofbeldi,“ bætir hún við.
Kolbrún segir að í verkefninu
felist meðal annars það að gera til-
kynningaleiðir skýrari og aðgengi-
legri og fræða þorpshöfðingja,
kennara, foreldra og annað fullorðið
fólk um umskurð kvenna, barna-
hjónabönd og þunganir unglings-
stúlkna
„86 prósent stúlkna í landinu eru
umskornar og margar stelpur líta á
það sem leið til að gerast meðlimir í
samfélaginu, en þær vita ekki hvað
umskurður er svo við fræðum þær
meðal annars um það,“ bætir Kol-
brún við.
Hún segir að í kjölfar verkefnis-
ins hafi í einu þorpi landsins verið
settar sektir við því að foreldrar
beiti börn sín ofbeldi. „Slíkir þættir
hafa mikil áhrif, þarna er mikil
fátækt svo sektir þurfa ekki að vera
háar til að þær hafi áhrif.“
Söfnunin fer fram með sölu arm-
banda sem búin eru til í Síerra Leóne
og verða til sölu í verslunarmið-
stöðvum um land allt og á heima-
síðu Barnaheilla. n
Níu af hverjum tíu nemendum beittir
ofbeldi af einhverju tagi í Síerra Leóne
Barnaheill eykur fræðslu um ofbeldi fyrir íbúa Síerra Leóne. MYND/AÐSEND
Forseti Úkraínu sagði í gær
á þjóðahátíðardegi Úkraínu
sem jafnframt markaði að sex
mánuðir voru liðnir frá innrás
Rússa inn í landið, að við inn-
rásina hefði ný þjóð komið
fram á sjónarsviðið.
thorgrimur@frettabladid.is
ÚKRAÍNA Úkraínumenn fögnuðu 31
árs afmæli sjálfstæðisyfirlýsingar
Úkraínu á þjóðhátíðardegi sínum
í gær. Haldið var upp á daginn í
skugga áframhaldandi innrásar
Rússa í landið, en nú eru jafnframt
liðnir um sex mánuðir síðan inn-
rásin hófst.
„Ný þjóð kom fram á sjónarsviðið
þann 24. febrúar klukkan fjögur að
morgni,“ sagði Volodymyr Zelen-
skyj, forseti Úkraínu, í þjóðhátíðar-
ávarpi sínu. „Hún fæddist ekki,
heldur endurfæddist. Þjóð sem grét
ekki, öskraði ekki og óttaðist ekki.
Hljóp ekki burt. Gafst ekki upp.
Gleymdi ekki neinu.“
Fögnuðinum í höfuðborginni var
stillt í hóf, þar sem fjöldaviðburðir
höfðu verið bannaðir af ótta við að
þeir yrðu skotmörk Rússa eða ykju
líkur á árásum.
Zelenskyj forseti sagði í gær að
hver nýr dagur væri ástæða til að
gefast ekki upp. „Vegna þess að við
höfum gengið í gegnum svo mikið,
höfum við enga ástæðu til að kom-
ast á endastöð. Hvað er það sem er
endir á stríðinu fyrir okkur? Áður
sögðum við: Friður. Nú segjum við:
Sigur,“ sagði Zelenskyj.
Forsetinn heimsótti Vegg hinna-
föllnu varnarliða í höfuðborginni
ásamt eiginkonu sinni, Olena
Zelenska.
Boris Johnson, forsætisráðherra
Bretlands, kom í óvænta heimsókn
til Kænugarðs í tilefni dagsins og
gekk um nánast mannlausar götur
borgarinnar ásamt Zelenskyj og
fylgdarliði hans. „Það sem gerist í
Úkraínu skiptir máli fyrir okkur
öll,“ skrifaði Johnson á eigin Twit-
ter-síðu. „Þess vegna mun Bretland
áfram standa með úkraínskum
vinum sínum. Ég trúi því að Úkra-
ína geti og muni vinna þetta stríð.“
Joe Biden Bandaríkjaforseti hefur
tilkynnt nýjan hjálparpakka til
Úkraínu upp á tæpa þrjá milljarða
dala, eða um 422 milljarða íslenskra
króna. Johnson lofaði jafnframt
hernaðaraðstoð upp á 63,5 milljónir
dala, eða 8.970 milljónir króna.
Hamingjuóskir sumra annarra
þjóðarleiðtoga voru ekki eins vel
séðar.
Úkraínumenn neituðu að taka
við hamingjuóskum Alexanders
Lúkasjenko, forseta Hvíta-Rúss-
lands, sem óskaði nágrannalandi
sínu „friðsæls himins, umburðar-
lyndis, hugrekkis, styrks og vel-
gengni.“
Lúkasjenko er bandamaður Vla-
dímírs Pútín Rússlandsforseta og
hefur leyft Rússum að gera árásir
inn í Úkraínu og skjóta eldflaugum
af hvít-rússneskri grundu. n
Úkraína endurfæddist við
innrásina segir Zelenskyj
Úkraínumenn höfðu ónýta rússneska skriðdreka til sýnis á þjóðhátíðinni í Kænugarði. FRÉTTABLAÐIÐ/EPA
6 Fréttir 25. ágúst 2022 FIMMTUDAGURFRÉTTABLAÐIÐ