Fréttablaðið - 25.08.2022, Side 10

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Þorvaldur S. Helgason
tsh@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Er ætlunin
að ógna
orðspori
Íslands
sem áhuga-
verðs
áætlunar-
staðar með
gengdar-
lausri verð-
bólgu …
Raunhæft
er að raf-
og/eða
vetniskn-
únar far-
þegaflug-
vélar verði
teknar í
notkun á
þessum
áratug.
Sigmundur Ernir
Rúnarsson
ser
@frettabladid.is
Ísland er að stimpla sig inn í hugum ferða-
manna sem dýrasta land í Evrópu – og
þótt víðar væri leitað um álfur og alla
kima heimskringlunnar. Og enda þótt
dýrtíðin hér á landi hafi verið þekkt um
nokkra árafjöld – og það langt út fyrir land-
steinana – hefur óhófið í verðlagningunni
jafnan verið í námunda við önnur dýrkeypt-
ustu ferðamannalöndin í heimi hér.
En nú er að verða breyting á. Eftir margra
missera kreppu farsóttartímans er Ísland að
stökkva fram úr öðrum dýrustu löndunum í
græðgi og ógegnd, svo sem Noregi sem löngum
hefur verið á pari við Ísland hvað okrið varðar.
Fréttablaðið hefur á undanförnum dögum
birt fréttir af því að verðlagning á nokkrum
viðamestu þáttum ferðaþjónustunnar, svo sem
hótelgistingu og bílaleigum, er að nálgast slíkar
himinhæðir að önnur helstu fésugulöndin eru
að verða hálfdrættingar á við Ísland.
Og hér tala tölur enga tæpitungu. Nætur-
gisting á fjögurra stjörnu hóteli í Reykjavík
kostar meira en tvöfalt það sem sambærileg
hótel á besta stað í miðborg Osló heimta af
ferðamanninum á háannatíma. Það sama á við
um bílaleigur. Hægt er að leigja nú um stundir
hefðbundinn fólksbíl í Noregi á helmingi lægra
verði en á Íslandi.
Og hrökkva menn þó í kút yfir óhæfunni í
Noregi.
Forkólfar ferðaþjónustunnar á Íslandi verða
að fara að hugsa sinn gang í þessum efnum. Er
ætlunin að ógna orðspori Íslands sem áhuga-
verðs áætlunarstaðar með gegndarlausri
verðbólgu, svo óstjórnlegri að fara verður að
afskrifa stærstan hluta ferðamanna hingað til
lands, sjálfan millitekjuhópinn, sem jafnan
hefur verið hryggjarstykkið í túristaflórunni
hér á landi?
En vandinn er víðtækari. Þjónustan hér á
landi er oft og tíðum lélegri en gengur og gerist
í þeim löndum sem verðleggja sig sem helstu
lúxus-áfangastaði heimsins.
Hjá nokkrum smærri bílaleigum landsins,
þar sem lukkuriddararnir ráða ríkjum í skjót-
gróðahugsuninni einni saman, er verið að leigja
bíla sem eru hátt í tíu ára gamlir og eknir 200
þúsund kílómetra, svo sem dæmin sanna. Og
kunnar eru sögurnar af bilunum þessara bíla,
þegar leigutakarnir hafa þurft að panta dráttar-
bíl og sitja svo sjálfir uppi með kostnaðinn af
klúðrinu, á þriðja hundrað þúsund krónur.
Þetta eru dæmisögurnar sem heyrast frá
Íslandi. Og berast út um allan heim. Spurningin
er þá líka sú hvenær komið verður að skulda-
dögum? n
Skuldadagar
Í vikunni náðist merkur áfangi í íslenskri flugsögu
þegar forseti Íslands og forsætisráðherra voru farþegar
með fyrstu rafmagnsflugvél á Íslandi. Þar með voru
stigin fyrstu skref í orkuskiptum í flugi sem eru ekki
lengur hluti af fjarlægri framtíð heldur nauðsynleg
þróun sem er þegar hafin.
Flugsamgöngur stuðla að hagsæld, tengja fólk og
menningarheima, viðhalda alþjóðasamskiptum og við-
skiptum. Þetta þekkjum við vel hér á Íslandi sem eigum
mikið undir góðum flugsamgöngum innanlands sem
utan. Við hjá Icelandair lítum á það sem lykilhlut-
verk okkar að tengja landið og að starfsemi okkar hafi
jákvæð áhrif á samfélag, efnahag og umhverfi.
Við höfum sett okkur metnaðarfull markmið í lofts-
lagsmálum, ætlum að draga verulega úr kolefnislosun
á hvern tonnkílómetra fyrir árið 2030 og ná kolefnis-
hlutleysi árið 2050. Til að ná settu marki þurfum við
að horfa til margra þátta, svo sem nýrrar tækni og
notkunar á sjálfbæru eldsneyti.
Eiginleg orkuskipti í f lugi munu hefjast í innan-
landsflugi. Raunhæft er að raf- og/eða vetnisknúnar
farþegaflugvélar verði teknar í notkun á þessum
áratug. Þær gætu gjörbylt innanlandsflugi hér á landi.
Ísland er í einstakri stöðu til að vera í fararbroddi
á þessu sviði vegna stuttra flugleiða og aðgangs að
grænni orku.
Samstarf er lykillinn að því að viðhalda lífskjörum
hér á landi á sama tíma og við náum markmiðum
okkar í loftslagsmálum sem mun krefjast mikilla fjár-
festinga í nýsköpun og tækni. Jafnframt er mikilvægt
að stjórnvöld grípi ekki til skattlagningar heldur skapi
umhverfi og hvata til þess að hraða þessari þróun.
Flug fyrstu rafmagnsflugvélar á Íslandi er upphafið
að þessu mikilvæga samstarfi. Til þess að nýta þau
sóknarfæri sem eru til staðar svo Ísland verði í fremstu
röð þegar kemur að orkuskiptum í flugi þurfum við að
byggja á þessu samstarfi og efla það. Við hjá Icelandair
hlökkum til að taka þátt í þeirri vinnu. n
Straumhvörf í
íslenskri flugsögu
Bogi Nils
Bogason
forstjóri Icelandair
benediktboas@frettabladid.is
Akreinablús í Bústaðahverfi
Sitt sýnist hverjum um boðaða
fækkun akreina á Háaleitis-
braut. Sumir íbúar þar í kring
eru hræddir við framkvæmda-
hraðann sem borgin lofar. Er
sagt að þrengingar og annað sem
til þarf verði búið í desember.
Sumir eru hræddir um að lokast
hreinlega inni í hverfinu eða
komast ekki heim til sín, enda
hefur borgin verið í gatnaraski
við Sprengisand síðan elstu
menn muna og lítill sjáanlegur
hraði á því dæmi. Og nú á að
tækla Bústaðaveginn nokkru
vestar. Borgarframkvæmdir eru
yfirleitt mun lengur í fram-
kvæmd en venjulegar fram-
kvæmdir og því skiljanlegt að
íbúar séu uggandi.
Fátt er svo með öllu illt
Það eru þó sumir sem sjá ljósið
við enda hinna þröngu gatna-
móta. Það eru ekki allir hrifnir
af bílum og eiga jafnvel ekki
slíkan fararskjóta. Í ummælum
við færslur í hverfishópum á
Facebook má þannig sjá örlitla
ljóstýru. Sumir jafnvel spá því að
kaffihús og blómaverslanir opni
í kjölfarið á því að tvær beygju-
akreinar fari og Háaleitisbraut
missi eina akrein í hvora átt.
Kaffi Vest opni útibú sem kallast
Kaffi 108 nánast akkúrat þar
sem beygjuakreinarnar voru.
Fátt er svo með öllu illt að ei boði
gott, var eitt sinn sungið. n
SKOÐUN FRÉTTABLAÐIÐ 25. ágúst 2022 FIMMTUDAGUR