Mosfellingur - 23.08.2022, Blaðsíða 10

Jónas Sigurðsson formaður
s. 666 1040 jonass@islandia.is
Jóhanna B. Magnúsdóttir varaformaður
s. 899 0378 hanna@smart.is
Margrét Ólafsdóttir gjaldkeri
s. 863 3359 margretjako@gmail.com
Kristbjörg Steingrímsdóttir ritari
s. 898 3947 krist2910@gmail.com
Þorsteinn Birgisson meðstjórnandi
s. 898 8578 thorsteinn.birgis@gmail.com
Guðrún K. Hafsteinsdóttir 1. varamaður
s. 892 9112 gunnasjana@simnet.is
Áshildur Þorsteinsdóttir 2. varamaður
s. 896 7518 asath52@gmail.com
StJÓrn FaMoS
Eldri borgarar • þjónustumiðstöðin eirhömrum • fram undan í starfinu
Skrifstofa félagsstarfsins er opin
alla virka daga kl. 13–16. Sími félags-
starfsins er 586-8014. Forstöðumaður
félagsstarfs eldri borgara í Mosfellsbæ
er Elva Björg Pálsdóttir tómstunda-
og félagsmálafræðingur, s: 698-0090.
Skrifstofa FaMos á Eirhömrum
er opin alla fimmtudaga frá kl. 15–16.
FélaG aldraðra
í Mosfellsbæ og nágrenni
famos@famos.is
www.famos.is
- Fréttir úr bæjarlífinu10
GaMan SaMan
Grill oG tÓnliSt
Við ætlum í tilefni af túninu heima
að bjóða eldri borgurum í heimsókn
til okkar kl. 14:00 í félagsstarfið
Hlaðhömrum 2, fimmtudaginn
25. ágúst næstkomandi. Lifandi
tónlist og eitthvað af grillinu og
annað góðgæti. Verið velkomin
HrEYFinG Eldri BorGara
Heilsa og hugur byrjar fyrir 60+
mánudaginn 12. september. Staður:
Varmá/Fellið og úti í náttúrunni.
Kostnaður: 12 þús. fyrir tímabilið,
posi á staðnum. Tímabil: 12 vikur,
3x í viku: Mán., mið. og fös. 2 hópar
9.30-10.30 og 10.30-11.30. Báðir
hópar þó saman á mánudögum kl.
9:30. Kennarar Halla Karen og Berta.
Skráning hjá elvab@mos.is eða síma
698-0090 á facebook-síðunni Heilsa
og hugur.
Leikfimi í íþróttasal Eirhamra byrjar
fimmtudaginn 25. ágúst. Kennt einu
sinni í viku kl. 10:45 rólegri tími,
stólaleikfimi, hentar þeim sem eru
veikari fyrir. Kl. 11:15 almenn leikfimi,
hentar hressari fólki. Kennari: Karin
Mattson sjúkraþjálfari.
Gönguhópur
Varmá/ Fellið
Minnum á frábæra
gönguhópinn sem
er svo sannarlega að
standa sig vel. Alla mið-
vikudaga kl. 13:00 frá
Fellinu/Varmá, ganga
sem hentar öllum.
Frábært tækifæri til að
kynnast nýju fólki, verið velkomin.
Dansleikfimi með Auði Hörpu
miðvikudaga kl. 14:15 í íþróttahúsinu
Varmá byrjar í september (auglýst
síðar). Í dansleikfimi er blandað
saman gamalli og nýrri tónlist við
alls konar dansspor og leikfimi,
línudans, zumbagold og alls konar
spor og úr verður frábær skemmtun
við skemmtilega tónlist. Dansleikfimi
hentar öllum konum og körlum, jafnt
byrjendum sem lengra komnum.
Öll íþróttastarfsemi Famos
(t.d. vatnsleikfimi, ringó, boccia og
fleira) byrjar einnig í september og
verður auglýst vel þegar skráningar
hejast.
ÝMiSlEGt
Félagsvist byrjar 2. september
Félagsvistin verður á sínum stað alla
föstudaga í borðsal
Eirhamra kl. 13:00. Allir
velkomnir
Gaman saman
byrjar í september
(auglýst síðar) og verður
annan hvern fimmtudag
í vetur í borðsal
Eirhamra kl. 13:30.
Postulínsnámskeið
og postulínshópar verða hjá okkur
og byrja í september. Myndlistar-
námskeið byrjar 28. sept. í kjallara
Eirhamra, 8 skipti á 25 þús. Skráning á
elvab@mos.is eða í sima 698-0090
nÁMSKEið í vEF-
oG tæKnilæSi
Byrjum á námskeiði fyrir APPLE
notendur. Fyrir Android verður
auglýst síðar.
Námkskeiðið er 4 skipti í tvo tíma
í senn. Staður: Borðsalur Eirhamra
20., 22. 27. og 29 sep. 13:00-15:00.
Námskeiðið er ókeypis.
Skráning á elvab@mos.is
eða síma 6980090.
Í ágúst 1987 gerðist sá merki atburður að
Mosfellshreppur steig sitt fyrsta skref inn
í fullorðinsárin og varð að 27. bæjarfélagi
landsins.
Þá voru íbúar orðnir tæplega 4.000 talsins
(þar af 300 með áskrift að Stöð 2). Unnið var
hörðum höndum að því að lýsa upp götur
bæjarins, meistaraflokkslið Aftureldingar
í fótbolta karla hafði nýverið sigrað Reyn-
ismenn í Sandgerði og strætisvagnaferðir
voru í boði í og úr bænum á næstum því
klukkutíma fresti alla virka daga.
tekið á móti kveðjum og óskalögum
Mikil eftirvænting var fyrir þessum
merka áfanga og var honum auðvitað fagn-
að með tilheyrandi húllumhæi; grillveislu
í boði bæjarstjórnarinnar, lifandi tónlist og
verðlaunaafhendingu fyrir fallega garða svo
eitthvað sé nefnt.
Og svo var það hópur mosfellskra ung-
menna sem tók sig saman og stofnaði
Útvarp Mosfellsbæ, útvarpsstöð sem var í
loftinu í 29 klukkustundir.
Meðal þess sem ungmennin buðu upp á
var þáttur um kvikmyndatónlist, næturvakt
þar sem tekið var við símtölum djammara
víðs vegar um bæinn og hádegisþáttur sem
var til þess gerður að hjálpa Mosfellingum
að melta hádegismatinn sinn. Einnig var
fjallað um íþróttalífið í bænum og tekið á
móti kveðjum og óskalögum.
tímabært að endurtaka leikinn
„Síðan eru liðin 35 ár og löngu orðið
tímabært að endurtaka leikinn.“ Að þessu
sinni eru það bókasafnsstarfsmennirnir
og hlaðvarpskonurnar Ástrós Hind Rún-
arsdóttir og Tanja Rasmussen sem standa
á bak við útvarpið og ætla þær að vera með
beina útsendingu af netinu milli 12:00 og
20:00 föstudag, laugardag og sunnudag.
Dagskráin verður fjölbreytt en þær ætla
meðal annars að taka viðtöl við Mosfellinga
úr ýmsum áttum, rifja upp gamla tíma og
spila tónlist.
Þær hvetja alla bæjarbúa til að senda
inn óskalög og kveðjur í gegnum netfangið
utvarpmoso@gmail.com eða á instagram
síðu útvarpsins, @utvarpmoso.
Hægt verður að hlusta á útsend­ing-
arnar á www.utvarpmoso.net.
Tanja og Ástrós verða í loftinu um helgina • 35 ár síðan ungmenni stofnuðu útvarpsstöð
Útvarp mosfellsbær endur-
vakið á bæjarhátíðinni
tanja rasmussen og
ástrós hind rúnarsdóttir
Tindahlaupið fer
fram á laugardaginn
Tindahlaup Mosfellsbæjar verður
haldið í tólfta sinn þann 27. ágúst
næstkomandi. Hlaupið er utanvega-
hlaup eða náttúruhlaup en þau hafa
átt vaxandi vinsældum að fagna síð-
ustu misseri. Segja má að hlaupið sé
afurð vinnu Mosfellsbæjar og skáta-
félagsins Mosverja við að stika tugi
kílómetra gönguleiða upp um fjöll
og dali í Mosfellsbæ. Svæðið er stað-
sett í jaðri höfuðborgarsvæðisins og
sameinar kosti þéttbýlis og sveitar
en eitt helsta einkenni umhverfisins
er miklar víðáttur og ósnert náttúra.
Boðið er upp á fjórar vegalengdir, 1,
3, 5 og 7 tinda og ættu því byrjendur
sem og lengra komnir að finna leið
við hæfi. Hlaupið hefst klukkan
9.00 við íþróttasvæðið að Varmá.
Ræst verður í þremur ráshópum 5
og 7 tindar kl. 9:00, 1 tindur og 3
tindar kl. 11:00. Tindahlaupið er
í boði Nettó en skráning fer fram
á www.hlaup.is. Sem fyrr eru það
Björgunarsveitin Kyndill, Blakdeild
Aftureldingar og Mosfellsbær sem
standa að baki hlaupinu sem nú
fer fram laugardaginn 27. ágúst. Í
fyrra var metskráning með yfir 250
hlaupara og er markmið okkar að
gera enn betur í ár.