Mosfellingur - 23.08.2022, Blaðsíða 42

- Íþróttir42
N a m o e h f . - S m i ð j u v e g i 7 4 ( g u l g a t a ) - 2 0 0 K ó p a v o g i Sími: 566 7310 - jakosport@jakosport.is - jakosport.is
AftureldingAr
vörurnAr
fást hjá okkur sport íslandi
Það var hörkustuð hjá 28 elstu iðkendum
Fimleikadeildar Aftureldingar þegar þau
fóru saman til Neuchatel í Sviss og tóku
þátt í Eurogym í júlí.
Eurogym er risastór hátíð þar sem
fimleikafólk alls staðar að kemur saman
til þess að sýna hvað þau kunna. Hátíðin
stendur í heila viku og þarna þarf að sjá til
þess að 3.000 krakkar á aldrinum 12-18 ára
fái mat og gistingu. Eurogym hátíðin leggur
borgina undir sig með áhorfendapöllum og
sviðum þar sem allir fá að sýna listir sínar
og æfð atriði.
Hópurinn var með virkilega flott atriði
sem vakti mikla lukku meðal áhorfenda og
þeir sem fylgjast með Instagrami deildar-
innar voru fegnir að missa ekki af. Atriðið
var sett saman af þjálfurum fimleikadeild-
arinnar þar sem þeir tvinna saman dans,
stökk, samvinnu og fleira sem krakkana
langaði að sýna í 6 mínútur. Orkumiklir
krakkar þarna á ferð.
Hópurinn var lausnamiðaður og jákvæð-
ur, allir duglegir að vinna saman og öflug
þátttaka í allri hópeflisvinnu, sagði einn
fararstjóri ferðarinnar. Hann talaði einnig
um að krakkarnir hefðu kynnst krökkum frá
öðrum löndum og myndað vinabönd.
Ferðin til Sviss var vel heppnuð og farar-
stjórar ferðarinnar, sem voru foreldrar inn-
an iðkendahópsins, voru virkilega ánægðir
með samvinnuna.
Fimleikadeild Aftureldingar hefur haldið uppi æfingum
fyrir börn á leikskólaaldri (2-5 ára) í mörg ár. Það hefur
verið mikil þróun á skipulaginu og félagið telur sig vera
komið mjög framarlega í gæðum.
„Síðasta vetur var mikil eftirsókn og mikil ánægja hjá
bæði iðkendum og foreldrum. Þennan veturinn ætlum
við að taka stærra skref í átt að frekari gæðum og höfum
fengið hana Elsu Maríu Gunnarsdóttir inn til þess að stýra
tímunum.“

Fimleikæfingar fyrir leikskólaaldur
„Hvað eru svona ungir krakkar að gera á fimleikaæf-
ingu eða geta þau gert einhverja fimleika yfir höfuð, eru
spurningar sem vakna þegar við segjum að við séum með
fimleikahóp fyrir 2-3 ára krakka. Málið er að þó svo að
þetta sé á vegum fimleikadeilarinnar þá er ekki verið að
æfa hefðbundnar fimleikaæfingar.
Æfingarnar snúast allar um að æfa undirstöðuatriði í
hreyfiþroska og fimleikasalurinn er góður til þess. Lögð
er mikil áhersla á líkamlegan og andlegan þroska þar sem
þjálfarar tengja saman hreyfingar við liti eða talningu og
gert í myndrænu formi. Hreyfingar og líkamsstöður eru t.d.
tengdar við leikbrigði eða tjáningu.
Fimleikadeildin sér einnig tækifæri til þess að styrkja
hreyfingar sem detta út eftir því sem börnin eldast sem eru
þá hendur, úlnliðir, axlir og miðsvæði. Börn vinna með að
skríða og velta sér mikið áður en þau fara að ganga og þá
fer álagið á efri part líkamans að minnka.
Markmið deildarinnar fyrir hvern vetur er misjafnt
eftir aldurshópum en þegar krakkar hafa farið í gegnum
leikskólahópan viljum við sjá að þau séu tilbúin til þess
að stunda íþróttir og treysti sér í skipulagt íþróttastarf. Við
viljum sjá að þau kunni að fara í gegnum skipulag sem er
sett fyrir þau, við viljum að þau séu tilbúin bæði andlega
og líkamlega.“
hópurinn í sviss
28 fimleikakrakkar úr
aftureldingu á eurogym
Hreyfing fyrir krakka á leikskólaaldri
Elsa er með BA-gráðu í félags-
fræði og MA í mannauðs-
stjórnun frá Háskóla Íslands. Hún
starfar sem deildarstjóri á leikskóla
í Reykjavík. Elsa hefur klárað öll
námskeið á vegum FSÍ og hefur
mikla reynslu af fimleikakennslu.
Orkumótið í Vestmannaeyjum fór venju samkvæmt fram í sumar. Þessir strákar úr Aftureldingu náðu þar frábærum árangri. Kepptu
um 3. sætið í sterkasta riðlinum í leik sem endaði með jafntefli. Þetta mun vera besti árangur Aftureldingar á Orkumótinu til þessa.
frábær árangur á orkumótinu í sumar
Lyftingafélagið af
fullum krafti af stað
Lyftingafélag Mosfellsbæjar fer á
fulla ferð í vetur með Ólympískar
og kraftlyftingar. Félagið er að bæta
við sig stöngum og lóðum og mun
bjóða upp á námskeið fyrir 9-12 ára
krakka í vetur.
Stefnir í metþátttöku
á Weetosmótinu
Weetosmót Aftureldingar í fótbolta
fer fram á Tungubökkum um
helgina. Spilað er með hefðbundnu
hraðmótsfyrirkomulagi í 6. og 7.
flokki karla og kvenna. Mótið hefur
stækkað jafnt og þétt og stefnir nú í
metþátttöku liða enda skemmtilegt
að enda fótboltasumarið í Mosó.