Fréttablaðið - 22.09.2022, Blaðsíða 2

Landsleikur í dag
Íslenska landsliðið í fótbolta kom saman í Austurríki á mánudag til undirbúnings fyrir vináttulandsleikinn við Venesúela. Arnar Þór Viðarsson landsliðsþjálfari
getur stillt upp sterku liði í dag en hér má sjá fjórmenningana Hörð Björgvin, Guðlaug Victor, Aron Einar og Alfreð Finnbogason á æfingu í gær. MYND/KSÍ
Við meinum fólki ekki
aðgang ofan í vatnið ef
það fer ekki í sturtu en
það hlýða langflestir.
Aðalheiður Ósk
Guðmundsdótt-
ir, framkvæmda-
stjóri Vök Baths
Mikið er um að ferðamenn
hér á landi reyni að komast
undan því að baða sig áður en
þeir fara í sundlaugar. Starfs-
fólk sundlauganna segir að
vandamálið sé spéhræðsla.
birnadrofn@frettabladid.is
SAMFÉLAG „Þetta er eitthvað sem
allir kannast við, að ferðamenn
reyni að komast undan því að fara
í sturtu,“ segir Karen Erlingsdóttir,
fráfarandi framkvæmdastjóri Sund-
laugarinnar á Egilsstöðum.
Undir orð Karenar taka Brá Guð-
mundsdóttir, hjá Laugardalslaug,
Elín H. Gísladóttir, hjá Sundlaug
Akureyrar, og Aðalheiður Ósk Guð-
mundsdóttir, hjá Vök Baths.
Þær segja allar að ekki séu sér-
stök viðurlög við því að fara ekki í
sturtu án sundfata áður en farið er
í laugina, en reynt sé eftir fremsta
megni að sporna við því.
„Þetta er vesen og hefur alltaf
verið vesen,“ segir Aðalheiður. „En
við gerum ýmislegt til að sporna
gegn þessu, höfum til dæmis verið
inni í klefunum á mesta háanna-
tíma,“ bætir hún við.
Þá fá gestir í Vök sem bóka fyrir
fram sent myndband í tölvupósti
sólarhring áður en þeir mæta í laug-
ina þar sem farið er yfir reglurnar á
staðnum, þar með talið það að allir
skuli fara í sturtu.
Í Sundlaug Egilsstaða og á Akur-
eyri eru allir erlendir gestir spurðir
að því í afgreiðslunni hvort þeir hafi
farið áður í sund og þeim kynntar
reglurnar. Það er einnig gert í Laug-
ardalslauginni en þar fá að auki þeir
gestir sem ekki hafa farið í sund
áður útprentaðan bækling þar sem
farið er yfir reglurnar á ensku.
„Það sleppur alltaf einhver í gegn
og það er alltaf einhver sem vill ekki
fara eftir reglum en það á líka við
um Íslendinga,“ segir Brá.
Ferðamenn spéhræddir og
baða sig ekki berir í sundi
Engin viðurlög eru við því að fara óbaðaður í sund. FRÉTTABLAÐIÐ/ERNIR
Elín, Karen og Brá eru sammála
um að ekkert sé að óttast þó einn og
einn fari óbaðaður í laugina. Klór-
magn laugarinnar aukist í takt við
óhreinindi hennar.
„Við notum það líka til að fá fólk
til að sturta sig, segjum því að því
f leiri sem geri það ekki því meiri
klór verði í vatninu,“ segir Karen.
Í Vök er málum öðruvísi háttað
því þar er ekki klór í vatninu heldur
sístreymi.
„Við meinum fólki ekki aðgang
ofan í vatnið ef það fer ekki í sturtu
en það hlýða langflestir þegar þeim
er bent á reglurnar. Íslendingar eru
líka mjög duglegir að láta okkur vita
ef einhver fer ekki eftir þeim,“ segir
Aðalheiður.
„Svo fara flestir í sturtu en spurn-
ingin er alltaf hvort fólk þvoi sér
almennilega eða fari úr sundföt-
unum, en við erum líka með klefa
þar sem fólk getur dregið fyrir og
við verðum bara að treysta því að
fólk fari úr,“ segir Elín
„Þetta er misjafnt eftir þjóðern-
um en flestir eiga það sameiginlegt
að spéhræðslan er ástæðan fyrir því
að fólk forðast að baða sig nakið,“
bætir Elín við. n
Heilsuvara vikunnar
GJAFALEIKUR
erlamaria@frettabladid.is
DÓMSMÁL „Niðurstaða endurupp-
tökudómstóls er í rauninni ófor-
svaranleg,“ sagði Erla Bolladóttir á
blaðamannafundi sem hún boðaði
til í gær.
Tilefni fundarins var synjun dóm-
stólsins í síðustu viku á endurupp-
töku á þætti Erlu í Guðmundar- og
Geirfinnsmálunum. Hún er sú eina
af þeim sex einstaklingum sem
hlutu dóma í málinu sem hefur ekki
fengið mál sitt endurupptekið.
Á blaðamannafundinum ræddi
Erla efnislega um niðurstöðu
dómsins og rakti málið eins og það
horfði við henni. Þá ræddi hún um
nauðgun sem hún varð fyrir af hálfu
lögreglumanns á meðan hún sat í
gæsluvarðhaldi.
„Einn rannsóknarmannanna
kom inn í klefa til mín,“ segir Erla.
Hún segir manninn hafa hallað
hurðinni og girt niður um sig. „Er
búinn að setja á sig verju og gengur
hreint til verks. Hann er stöðugt að
tékka á hvort einhver sé að koma.
Hann var kannski tíu mínútur eða
korter þarna inni,“ bætir hún við.
„Hann hvíslar svo eitthvað: „Ekki
tala um þetta,“ og fer,“ segir Erla. n
Segir lögreglumann hafa nauðgað sér
Erla Bolladóttir. FRÉTTABLAÐIÐ/EYÞÓR
Nánar á frettabladid.is
arnartomas@frettabladid.is
ALÞINGI Halldóra Mogensen, þing-
maður Pírata, lagði í gær fram frum-
varp á Alþingi um afglæpavæðingu
neysluskammta vímuefna. Þetta er í
fjórða skipti sem frumvarpið er lagt
fram.
„Ég veit að jarðvegurinn er frjórri
úti í samfélaginu, því að eins og
skoðanakannanir hafa sýnt þá er
viðhorf almennings gjörbreytt,“
segir Halldóra. „Við sjáum að þar
er meira en 60 prósenta stuðningur
við að hætta að refsa vímuefnanot-
endum.“
Halldóra segist þó ekki finna
fyrir sama stuðningi á þinginu eftir
umræðurnar í gær, þar sem sumir
þingmenn séu á sama stað og fyrir
tveimur árum.
„Þeir segjast ekki getað sam-
þykkt þetta frumvarp án þess að
fara í heildarendurskoðun á mála-
f lokknum,“ segir hún.  „Við erum
með flokka saman í ríkisstjórn sem
hafa haft fimm ár til þess en það
gerist ekkert.“ n
Finnur stuðning
í samfélaginu en
ekki á þinginu
Halldóra
Mogensen,
þingmaður Pírata
2 Fréttir 22. september 2022 FIMMTUDAGURFRÉTTABLAÐIÐ