Fréttablaðið - 22.09.2022, Blaðsíða 12

En það hefur vantað
fjárfestingu í þorpum
úti á landi.
Hrafnkell
V. Gíslason,
forstjóri
Fjarskiptastofu
magdalena@frettabladid.is
Vísitala íbúðaverðs á höfuðborgar-
svæðinu lækkaði um 0,4 prósent
milli mánaða í ágúst. Þetta er í
fyrsta sinn síðan í nóvember 2019
sem vísitalan lækkar og er að sögn
greinenda skýrt merki um að mark-
aðurinn sé farinn að kólna.
Bergþóra Baldursdóttir, hagfræð-
ingur hjá Greiningu Íslandsbanka,
segir að þessar tölur komi þeim
á óvart en séu skýrt merki um að
íbúðamarkaðurinn sé að kólna og
það mjög hratt.
„Þetta er að gerast aðeins hraðar
en við gerðum ráð fyrir. Og ef þessi
þróun heldur áfram þá verður það
til þess að verðbólga muni líklega
hjaðna hraðar á næstu mánuðum en
spár gerðu ráð fyrir,“ segir Bergþóra,
en bætir við að um sé að ræða eina
mánaðarbreytingu og mikilvægt sé
að bíða og sjá hvernig næstu mán-
uðir muni þróast.
„Sérbýli eru að lækka, sem er
sveiflukenndari liður þar sem færri
kaupsamningar eru að baki. Það er
ekkert óvanalegt að sérbýli lækki á
milli mánaða í venjulegu árferði, en
kom okkur vissulega á óvart miðað
við markaðinn undanfarið.“
Aðspurð hvort hún telji að fast-
eignaverð muni lækka að nafnvirði,
segir hún það vera ólíklegt að það
gerist til lengri tíma.
„Við erum enn þeirrar skoðunar
að það sé ólíklegt að fasteignaverð
lækki að nafnvirði til lengri tíma
þó við getum vel séð það á milli
einstakra mánaða eins og í þessu til-
viki.“
Bergþóra segir að þróunin sé
skýrt merki um að aðgerðir Seðla-
bankans séu loksins að hafa áhrif,
en Seðlabankinn greip til aðgerða
fyrir einu og hálfu ári síðan til að
reyna að róa markaðinn.
„Næstu mánuðir munu leiða
þetta betur í ljós, en við teljum að
þessar tölur bendi til þess að nú séu
hraðar verðhækkanir á markaðnum
að líða undir lok og vonandi kemst
íbúðamarkaðurinn í ákveðið jafn-
vægi.“ n
Fasteignamarkaðurinn sé að kólna
Bergþóra
Baldursdóttir,
hagfræðingur
hjá Greiningu
Íslandsbanka,
segir að næstu
mánuðir muni
leiða þróunina
frekar í ljós.
MYND/AÐSEND
magdalena@frettabladid.is
Magnús Harðarson, forstjóri Kaup-
hallarinnar, segir að raunhæft sé að
auka erlent eignarhald í innlendum
félögum verulega. Þetta sagði hann
í sjónvarpsþættinum Markaðnum
sem sýndur var á Hringbraut í gær-
kvöldi.
„Við erum að sjá á Norðurlönd-
unum að þá er þetta hlutfall svona í
kringum helmingur. Ég tel að þetta
sé bæði mikilvægt fyrir framtíðar-
þróun á markaðnum og ég tel líka
að þetta sé nauðsynlegt,“ segir
Magnús og bendir á að ef lífeyris-
sjóðir ætli í meiri mæli að fjárfesta
utan landsteinanna þurfi eitthvað
að koma í staðinn.
„Það er nauðsynlegt að fá mót-
vægi á móti í formi erlendra fjár-
festa, þannig að ég tel að þetta sé
mjög æskilegt og gott fyrir fjár-
magnið í sjálfu sér. Síðan verður
að horfa til þess að það er mjög
líklegt að í kjölfar þessara vísitölu-
sjóða fylgi annars konar fjárfestar
því þessi f lokkun hjá FTSE er líka
gæðastimpill í sjálfu sér og viður-
kenning á því að hér hafi orðið
framfarir á markaðnum.“
Aðspurður hvort hann sé bjart-
sýnn á að erlent eignarhald í inn-
lendum félögum muni aukast á
komandi misserum, segist Magnús
vera það. Flokkunin sé skref í rétta
átt en hún gjörbreyti ekki stöð-
unni. n
Segir að auka þurfi erlent eignarhald
Magnús Harðar-
son, forstjóri
Kauphallarinnar.
MYND/HRINGBRAUT
Forstjóri Fjarskiptastofu
vonast til að salan á Mílu eigi
eftir að leiða til aukinnar
samkeppni á fjarskiptamark-
aði. Ekki síst hvað uppbygg-
ingu innviða í minni bæjum
varðar. Hann segir mikla
hreyfingu á markaðnum í
kjölfar viðskiptanna.
Hrafnkell V. Gíslason, forstjóri Fjar-
skiptastofu, segir margt jákvætt við
kaup fjárfestingasjóðsins Ardian á
Mílu en Samkeppniseftirlitið lagði
blessun sína yfir viðskiptin í síðustu
viku eftir langar og strangar við-
ræður.
Þar með er ljóst að gengið verður
formlega frá sölunni á Mílu til
Ardian þann 30. september næst-
komandi.
Viðræðum Símans, Ardian og
Samkeppniseftirlitsins lyktaði með
því að upphaflegur verðmiði fyrir-
tækisins lækkaði um samtals 8,5
milljarða frá því sem áformað var í
upphafi. En endanlegt heildarvirði
viðskiptanna er 69,5 milljarðar. Þá
náðist jafnframt samkomulag um
þau skilyrði sem eftirlitið hafði sett
fyrir sölunni.
Hrafnkell segir margt benda til
þess að viðskiptin séu þegar farin
að hreyfa við fyrirtækjum á þessum
markaði.
„Það hefur verið gríðarleg upp-
bygging á þessum markaði undan-
farin ár. En eftir að þessar fréttir
fóru í loftið, um að Ardian hygðist
kaupa Mílu, hafa önnur fyrirtæki
á heildsölumarkaði tekið við sér.
Þannig að það sem er að gerast núna
er að það eru að skapast forsendur
fyrir samkeppni í stofnnetum á
landsvísu. Sem er alveg gríðarlega
mikilvægt.“
Öllum viðskiptum fylgja kostir
og gallar að mati Hrafnkels, en það
sé ótvíræður kostur í þessu tilviki
að salan á Mílu hafi sett alla upp á
tærnar.
„Það hefur verið mikil sam-
keppni á suðvesturhorni landsins
hvað uppbyggingu fjarskiptainn-
viða varðar. En það hefur vantað
fjárfestingu í þorpum úti á landi.
Stjórnvöld hafa fjárfest myndar-
lega í ljósleiðaravæðingu í sveitum
landsins og það verkefni var klárað.
En þorpin og minni bæir eru eftir.“
Hrafnkell vonast nú til þess að
Salan á Mílu hleypir lífi í fjarskiptamarkaðinn
Vonir standa
til að aukinn
kraftur verði
settur í upp-
byggingu fjar-
skiptainnviða
og ljósleiðara
um allt land á
næstu árum.
FRÉTTABLAÐIÐ/
ERNIR
Guðmundur
Gunnarsson
ggunnars
@frettabladid.is
fyrirtæki á þessum markaði, hvort
sem það er Míla eða aðrir, muni á
markaðsforsendum uppfæra nær
öll sín net á næstu árum.
„Það er mjög margt sem hvetur
til slíkrar fjárfestingar. Ekki bara út
frá samkeppni heldur líka á tækni-
legum forsendum. Það blasir við
að kerfin munu að öllu leyti færast
yfir í nýja tækni á næstu árum og í
því felast heilmikil tækifæri,“ segir
Hrafnkell.
Aukin samkeppni hjálpar vissu-
lega til og er af hinu góða, að mati
Hrafnkels, en sú staðreynd að nýju
kerfin eru ódýrari í rekstri skiptir
líka máli.
„Það á líka við um allt viðhald.
Þannig að ég er bjartsýnn á að á
þessum áratug verði fjárfest veru-
lega, ekki bara í ljósleiðurum á
landsvísu heldur líka í 5G-fjar-
skiptaneti. Fjarskiptastofa mun
gefa út nýjar 5G-tíðniheimildir á
næsta ári með áherslu á mikla upp-
byggingu og algera dekkun á helstu
hlutum þjóðvegakerfisins, sem
dæmi. Þannig að það er mikið upp-
byggingarskeið fram undan,“ segir
Hrafnkell. n
12 Fréttir 22. september 2022 FIMMTUDAGURFRÉTTABLAÐIÐMARKAÐURINN FRÉTTABLAÐIÐ 22. september 2022 FIMMTUDAGUR