Fréttablaðið - 22.09.2022, Blaðsíða 38

Nágrannarnir vildu
hafa stað í hverfinu
þegar faraldrinum lyki.
Það vissi að þetta væri
erfitt en það kom og
það stendur upp úr
hvað nágrannar mínir
studdu mig.
Veitingamaðurinn Ólafur
Helgi Kristjánsson fékk þá
hugmynd í miðju Covid að
opna veitingastað. Hann
hringdi í félaga sinn og bauð
honum kaffibolla og sann-
færði um að það væri frábær
hugmynd að opna hverfisstað
á Kársnesi.
benediktboas@frettabladid.is
„Það var alltaf draumurinn að opna
sinn eigin stað en ég var eiginlega
búinn að gefa þann draum upp á
bátinn. Ég var kominn í góða vinnu
á Hótel Sögu og orðinn eiginlega of
gamall til að standa í slíku. Svo kom
Covid og þá þurfti að hugsa í lausn-
um,“ segir veitingamaðurinn Ólafur
Helgi Kristjánsson en á morgun
verður veitingastaðurinn hans Bras-
serí Kársnes eins árs.
Ólafur, eða Óli eins og hann er
ávallt kallaður, hefur unnið víða á
Íslandi en einnig í Kaupmannahöfn
og Edinborg. Hann hafði verið lengi
á Hótel Sögu en þegar Covid bankaði
á dyrnar var glæstri veitingasögu
landsmanna skellt í lás. Þá fór hann
af stað og fann pláss á miðju Kársnesi
en vantaði fjármagn. „Ég þekki einn
góðan vin sem ég hringdi bara í og
spurði hvort við ættum að taka einn
kaffibolla. Hann var til í það en ætli
það sé ekki dýrasti kaffibolli lands-
ins því ég gekk út með loforð um fjár-
magn og fór á fullt,“ segir hann.
Hann fékk pabba sinn, sem er fyrr-
verandi byggingarmeistari, og kreisti
fimm mánuði út úr þeim gamla. „Við
tókum einn síðasta dans. Hans hjálp
var ómetanleg. Hann þekkir fullt af
iðnaðarmönnum sem mættu og
græjuðu og gerðu þegar allt var stopp
í heiminum.“
Hann segir að þegar horft er í bak-
sýnisspegilinn hafi hann gert alveg
fullt af mistökum en hafi lært af þeim
og er þakklátur fyrir hvað Kársnesið
hafi tekið sér vel. „Það er bras, sviti
og slagsmál en ofboðsleg hamingja
að eiga veitingastað. Þetta var alveg
hrikalega erfitt í faraldrinum en ég er
alveg endalaust þakklátur fyrir hvað
fólkið í hverfinu hefur tekið mér vel.
Þegar Covid var sem verst og 20
manna samkomutakmarkanir þá
mætti fólk og vildi styðja mann í
þessu. Nágrannarnir vildu hafa stað í
hverfinu þegar faraldrinum lyki. Það
vissi að þetta væri erfitt en það kom
og það stendur upp úr hvað nágrann-
ar mínir studdu mig.“
Óli bendir á að staðurinn sé miklu
flottari og meiri en þegar hann lagði
af stað í þessa vegferð. „Ég var fyrst
með pælingu um að hafa þetta frekar
einfaldan hádegisstað,“ segir hann
léttur. „Ég ætlaði alltaf að hlusta á
hvað viðskiptavinirnir vildu og ef
þeir hefðu viljað hamborgara eða
einfaldan götumat hefði ég gert
það. Það var aldrei nein stefna negld
niður því ég er það reyndur og er
búinn að gera það mikið hér heima
og erlendis að það hefði ekki verið
neitt vandamál. En svo vildi fólk
góðar steikur, flotta fiskrétti og meiri
og betri vín auk þjónustu. Þannig að
ég varð við því.“
Staðurinn er sannkallaður fjöl-
skyldustaður því eiginkona Óla,
Sólveig, stendur vaktina frammi í
sal en í eldhúsinu er Óli með eldri
krakkana sína. Þess má geta að öll
málverkin á staðnum eru gerð af Sól-
veigu. „Það gengur mjög vel að vinna
saman og það er ótrúlega gaman að
vinna með krökkunum sínum. Það
eru allir að róa í sömu átt.
Hverfisstaðir eru orðnir vin-
sælir eftir Covid, hverfið hérna er að
stækka um held ég helming og Sky
Lagoon komið á fullt ról. Ég þekki
það nú ágætlega, hafandi alist upp
í Mývatnssveit, að fólk er svangt
eftir ferð í lónið þannig framtíðin er
björt,“ segir Óli. n
Trúlega varð þetta einn
dýrasti kaffibolli sögunnar
Óli ásamt Eygló Harðardóttur í eldhúsinu búinn að kokka upp einhvern dýrindisrétt. FRÉTTABLAÐIÐ/EYÞÓR
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Auður Húnfjörð audur@
frettabladid.is, Sverrir Birgir Sverrisson sverrir@frettabladid.is , Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078:
Arnar Magnússon arnarm@frettabladid.is, Jón Ívar Vilhelmsson jonivar@frettabladid.is, Kolbeinn Kolbeinsson kolbeinn@frettabladid.is, Ruth Bergsdóttir ruth@frettabladid.is
FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
SUÐURNESJAMAGASÍN
FIMMTUDAGA KL 19.30 OG 21.30
Mannlífið á Suðurnesjum í máli og
myndum. Páll Ketilsson er með puttann
á púlsinum suður með sjó í vikulegum
þætti á Hringbraut.
toti@frettabladid.is
Stundum verða stökur til … er titill-
inn sem hagyrðingurinn Hjálmar
Jónsson, fyrrverandi alþingismaður
og dómkirkjuprestur, valdi nýút-
kominni bók þar sem hann hefur
tekið saman ágætis sýnishorn af
kveðskap sínum í gegnum tíðina.
„Vonandi í tíma frekar en ótíma,“
segir Hjálmar og hlær, þegar hann
er spurður hvort stökur verði í hans
tilfelli ekki til miklum mun oftar en
bara stundum. „Og vonandi eiga þær
við en séu ekki að trufla daglegt líf,“
heldur hann áfram og kastar fram
þeirri sem bókartitillinn er sóttur til:
Andagift ég ekki skil
eða þekki.
Stundum verða stökur til
og stundum ekki.
„Ég segi líka sögurnar í kringum
þessar vísur og ljóð,“ segir Hjálmar
um kveðskapinn, sem mikið til
hefur orðið til á góðra vina fundum
og í félagsskap samstarfsfólks og
annars samferðafólks í gegnum
lífið.
„Stökurnar eig það til, sem maður
væntir, að fanga augnablikið. Koma
með eitthvað nýtt inn í málið, nýjan
vinkil og helst eitthvað hnyttið. Hún
þarf að hafa innihald, vísan. Hún
þarf að segja eitthvað, finnst mér, en
oft er þetta bara til að kveikja bros og
láta okkur líða vel.“
Hjálmar fylgir bókinni úr hlaði
með útgáfuteiti í dag á Hafnartorgi,
Tryggvagötu 21, milli klukkan 18 og
20 og ætla má að þar muni nokkrar
lauf léttar fá að fjúka. n
Stökur eiga sér tíma frekar en ótíma
Hjálmar
Jónsson
30 Lífið 22. september 2022 FIMMTUDAGURFRÉTTABLAÐIÐ