Íslenzk fyndni - 01.06.1958, Side 14

12
26.
j£ARL NOKKUR,. sem var málrófsmaður mikill,
gerði oft samanburð á nútímanum og hinum
gömlu, góðu dögum æsku sinnar.
Honum þótti þar ólíku saman að jafna og stór-
kostleg afturför hefði orðið á öllum sviðum.
Eitt sinn er rætt var um matvendni, sagði karl:
„Fyrr má nú vera bölvuð matvendnin í unga fólk-
inu. Nú fussa menn og sveia við bezta mat, en í
mínu ungdæmi drapst fólkið úr hor og hungri —
og þótti gott.“
27.
LEIKFÉLAG REYKJAVÍKUR ætlaði eitt sinn
fyrir mörgum árum að hafa leiksýningu, og var
húsið fullskipað.
Einn af aðal-leikendunum var Sigurður Magnús-
son frá Flankastöðum, en hann kom svo drukkinn,
að leikstjórinn gekk fram á sviðið og tilkynnti, að
aflýsa yrði sýningunni vegna forfalla eins leikarans.
Þá gekk Sigurður fram á leiksviðið og sagði:
„Ég er ekki forfallaður. Ég er bara fullur.“
28.
JÓN HÉT MAÐUR í Biskupstungum fyrir síðustu
aldamót. Hann var blindur síðara hluta ævi sinn-
ar og í daglegu tali nefndur Jón blindi.