Íslenzk fyndni - 01.06.1958, Page 46

44
biskupinn yfir fslandi. — Kemur þá ekki vont veður,
mamma?“
95.
§R. BJARNI var í heimsókn hjá móðurbróður sín-
um, Pétri Hafliðasyni, sem kominn var yfir tírætt.
Karlinn var skrafhreyfinn vel og fannst ekki mikið
til um aldur sinn, en þegar talið barst að bróður sr.
Bjarna, Hafliða, sem var víst einum 30 árum yngri,
þá sagði Pétur gamli allt að því með gremjutón í
röddinni:
„Og alltaf lifir Hafliði."
96.
JÚLfUS HAVSTEEN sýslumaður Þingeyinga hafði
látið af sýslumannsembætti fyrir aldurs sakir, en
þá var honum boðin tollvarðarstaða á Húsavík.
Kunningi hans spurði hann, hvort hann ætlaði ekki
að taka stöðunni.
Þá svaraði Havsteen:
„Nei, maður getur ekki verið kokkur á skipi, sem
maður hefur verið kapteinn á.“
97.
JÓN SIGFÚSSON frá Skriðukoti í Svarfaðardal
var skrítinn í orðatiltækjum og ýkinn.
Hann var einu sinni að segja frá því, að hann
hefði selt brúargerðarmönnum vænan bola til slátr-
unar.
j