Skessuhorn - 10.08.2022, Blaðsíða 4

MIÐVIKUDAGUR 10. ÁGÚST 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Þeir sem þora
Á ævi sem brátt nálgast það í mínu tilfelli að vera löng hef ég fengið tækifæri
til að kynnast fjölmörgu fólki, eðli málsins samkvæmt misjafnlega áhuga-
verðu. Fyrst á uppvaxtarárum og í skóla, síðan í ýmsum störfum og nú á
seinni hlutanum í gegnum núverandi starf, en í því hef ég haft tækifæri til að
ræða við marga. Að fá til dæmis að taka viðtal við vel gefinn einstakling sem
prófað hefur margt á lífsleiðinni og hefur jafnvel frásagnargáfu yfir meðal-
lagi getur verið afar gefandi. Ég hygg að ekki sé hallað á neinn þó ég nefni
þrjá eftirminnilega einstaklinga sérstaklega. Allir fengu þeir frumkvöðlaeðlið
í vöggugjöf eða/og með móðurmjólkinni og nýttu lífsgönguna vel. Höfðu
auga fyrir að nýta það sem landið gaf og fóstraði og ekki síður hvað það gæti
gefið. Þetta voru þeir Steinólfur í Ytri-Fagradal, Kristleifur á Húsafelli og
Bragi Þórðarson, sem nýlega var burt kvaddur.
Heiðursmaður Bragi Þórðarson, útgefandi, rithöfundur og fram-
kvæmdastjóri á Akranesi var jarðsettur á föstudaginn. Braga kynntist ég fyrst
fyrir aldarfjórðungi, en vegir okkar lágu oft saman eftir það á förnum vegi
og í gegnum störf hans að útgáfu og bókaskrifum. Þegar lífshlaup hans er
skoðað í baksýnisspeglinum sést hversu óhemju miklu hann fékk áorkað á
langri og farsælli ævi. Dýrmætast fyrir héraðið var skráning heimilda um
mannlíf liðinna tíma og útgáfa þess í bókum. Kannski náði hann hvað lengst
vegna skaphafnar sem vel var af Guði gerð en einnig með hógværri festu. Ég
sé mikið eftir honum Braga, finnst vanta að sjá hann á sinni daglegu göngu
með sixpensarann, brosandi og glaðan. Spurði ætíð hvernig gengi og fylgd-
ist með mannlífinu fram á síðasta dag, því sem skipti máli. Bragi var vel að
ýmsum titlum og orðum kominn, ekki síst að vera gerður að heiðursborgara
Akraness.
Eiginlega var það Kristleifur á Húsafelli sem fann upp ferðaþjónustuna
hér á landi, ekki tilviljun að hann var handhafi skírteinis nr. 1 hjá Ferðaþjón-
ustu bænda. Um miðjan aldur var brugðið hefðbundnu stóru sauðfjárbúi
og farið að gera út á tvífætlinga. En það mátti gera með ýmsu móti. Jafnvel
að leigja land undir „bindindismót“ sem yngri kynslóðin fjölmennti á, bora
holu í jökul og leigja hana út sem brúðarsvítu fyrir yfir sig ástfangið fólk, svo
ástfangið að það vildi verja fyrstu nóttinni við ísskápahita. Hugmyndir sem
Kristleifur fékk og framkvæmdi. Þá hafði hann hugmyndir um sitthvað fleira
framúrstefnulegt sem honum entist ekki ævin til að hrinda í framkvæmd.
Steinólfur bóndi og lífskúnstner í Ytri Fagradal var ekki líkur þeim Krist-
leifi eða Braga nema að því leyti að hann kunni einnig að hugsa út fyrir
rammann. Steinólfur nýtti einstaka frásagnargáfu til að fylgja hugmyndum
sínum eftir. Vissulega var hann einn litríkasti persónuleiki sem þessi lands-
hluti hefur alið enda varð hann þjóðsagnapersóna í lifandi lífi fyrir óvenju-
leg og hnyttin tilsvör og litskrúðugt tungutak, jafnt í ræðu sem riti. Frá-
sagnarhæfni sína nýtti Steinólfur meðal annars til að vekja ráðamenn til
umhugsunar um ýmis framfaramál sem hann sá fyrir. Hafa sem betur fer
sum bréfa hans varðveist, svo sem Trjónukrabbabréfið þar sem hann hvatti
til nýtingar á þeirri undarlegu sjávarskepnu, nú eða Gilsfjarðarrollan, bréf
ritað á nýársdegi 1990 þar sem Steinólfur skrifaði samgöngumálaráðherra
fjárveitingavaldsins og „gullkreistara ríkisins,“ til að vekja máls á knýjandi
nauðsyn þess að brúa hinn illræmda Gilsfjörð. Bréf þetta hafði vafalaust
þau áhrif að ráðist var í þverun fjarðarins og brúargerð nokkru síðar. Þá var
Steinólfur hvatamaður þess að reist yrði graskögglaverksmiðja í Saurbæ og
vakti síðar máls á nýtingu þörunga sem síðar var gert á Reykhólum.
Vel má velta því fyrir sér hvernig ástatt væri nú, á slóðum þessara karla, ef
þeirra hefði ekki notið við. Atvinnulíf væri í það minnsta ekki jafn fjölbreytt
og það er. Kannski hefðu einhverjir aðrir rutt brautina að þeirra hætti, það
veit enginn. Sem gömlum atvinnuráðgjafa datt mér í hug að rifja þetta upp,
því góður frumkvöðull er það dýrmætasta sem nokkurt hérað getur átt. Án
þeirra sem þora verða nefnilega engar framfarir.
Magnús Magnússon
Þýski listamaðurinn Jo Kley heggur nú fimm
metra háan vita í Saltporti, vinnustofu listamanna
á Hellissandi. Vitinn er skúlptúr úr steini og er
þetta er 25. verk listamannsins í seríu sem ber
heitið Play City en hann hefur sett upp verk í 24
löndum undir því verkefni. Tvo mánuði tekur að
höggva vitann en listaverkið verður afhjúpað í lok
ágúst þegar þýski sendiherrann og fleiri mæta á
staðinn og verða viðstaddir hátíðlega athöfn.
sþ
Einar Sveinbjörnsson veður-
fræðingur greindi frá því á Face-
booksíðu sinni í byrjun mánaðarins
að veðurfar í nýliðnum júlí hafi ver-
ið undir meðallagi gott. Mánuður-
inn var sólarlítill og meðalhitinn
einni gráðu lægri en meðalhiti í júlí
áranna 1991-2020. Þrátt fyrir fáa
sólardaga og einkennandi skýjafar
var þó ekki mikil úrkoma svo bænd-
ur náðu flestir að sinna heyskap.
Hæsta hitastig mánaðar-
ins mældist 15,9 gráður en lægra
hámark hefur ekki sést síðan 1989.
Sá mánuður komst að vísu í sögu-
bækur fyrir sólarleysi, segir Einar,
en töldu sólarstundirnar 77 klukku-
stundir í Reykjavík það ár. Í ár voru
sólarstundir þó 150 en heilt yfir
var lítil sól á landinu þennan júlí-
mánuð. Laugardagurinn 30. júlí var
kaldasti dagur mánaðarins og var
mánuðurinn á landsvísu mjög kald-
ur. Veðurfræðingar spá því að fleiri
sólardagar verðir í ágúst.
sþ
Ferðamönnum hefur fjölg-
að mjög í Grundarfirði á síð-
ustu árum með tilheyrandi áhrif-
um á ferðaþjónustu. Nú er í kynn-
ingarferli bygging allt að 100 her-
bergja hótels og fimm smáhýsa á
jörðinni Skerðingsstöðum, sem er
í nágrenni bæjarins. Hótelið verð-
ur með útsýni að vestur hlið Kirkju-
fells, sem nýtur sífellt meiri vin-
sælda og er svæðið orðið með
fjölfarnari ferðamannastöðum á
landinu.
Kirkjufellið mun hafa sterk áhrif
á hótelið en það er hannað af arki-
tektastofunni Zeppelin arkitekt-
um. Hámarks byggingarmagn
hótelsins verður 5.500 fermetr-
ar ofanjarðar. Byggingin verður
klædd að utan með náttúrulegum
efnum og þök lögð gróðurþekju.
Byggingarreitur fyrir smáhýsin er
austast á skipulagssvæðinu og er
húsunum raðað upp með óreglu-
legum hætti. Hæð þeirra verð-
ur mest 4,5 m frá botnplötu og
hámarks byggingarmagn 300 fer-
metrar.
Skerðingsstaðir er 264 hekt-
ara eyðijörð á sérstaklega falleg-
um stað, við Lárvaðalinn; mann-
gert lón sem mótað var árið 1965
vegna laxeldis sem þar var stundað.
Búseta á jörðinni lagðist af í kring-
um 1970. Skipulagssvæðið er um
fimm hektarar að stærð.
Landeigendur Skerðings-
staða óskuðu fyrst eftir heimild
Grundarfjarðarbæjar til að vinna
deiliskipulag fyrir jörðina árið
2018. Þá var landnotkun breytt
úr landbúnaði í verslun og þjón-
ustu. Þegar skipulagslýsing til-
lögunnar var kynnt, bárust nokkr-
ar athugasemdir sem teknar voru
til umfjöllunar í skipulags- og
umhverfisnefnd Grundarfjarðar-
bæjar í nóvember 2019. Í kjöl-
farið var þeim sem gert höfðu
athugasemdir við lýsinguna sent
minnisblað um viðbrögð við
athugasemdunum. Við tók öflun
frekari gagna og var m.a. lögð sér-
stök áhersla á greiningu sjónrænna
áhrifa og ásýnd, enda sjálft Kirkju-
fellið í baksýn í aðeins 1,3 km. fjar-
lægð. Auk þess voru gerðar rann-
sóknir á forminjum, vatnafari og
lífríki. Nú hefur deiliskipulags-
tillagan verið uppfærð með tilliti
til niðurstaða þessarra rannsókna
og samþykkti bæjarstjórn á fundi
sínum þann 10. mars síðastliðinn
að auglýsa tillöguna og óska eftir
umsögnum og athugasemdum ef
einhverjar eru.
Tillagan hefur verið til sýnis frá
20. júlí og verður það áfram til 14.
september n.k. Hún er ásamt fylgi-
skjölum aðgengileg á vef sveitarfé-
lagsins www.grundarfjordur.is og í
Ráðhúsinu og Sögumiðstöðinni á
opnunartímum. Kynningarfund-
ur verður haldinn þriðjudaginn 23.
ágúst nk. kl. 17 í Sögumiðstöðinni.
Þeir sem ekki gera athugasemd-
ir innan frestsins teljast samþykkir
tillögunni. gj
Fyrirhuguð hótelbygging á Skerðingsstöðum. Teikning: Zeppelin arkitektar.
Áform um nýtt hótel í
nágrenni Grundarfjarðar
Baulan 15. júlí síðstliðinn í einkennandi veðurfari fyrir júlímánuð þessa árs.
Lítil sól og lægri
hiti einkenndi júlímánuð
Heggur fimm metra
háan vita á Hellissandi
Jo Kley vinnur að vitanum í
Saltporti á Hellissandi.
Ljósm. Saltport.