Skessuhorn - 10.08.2022, Blaðsíða 14

MIÐVIKUDAGUR 10. ÁGÚST 202214
Í Nýsköpunarsetrinu á neðri hæð
Stjórnsýsluhússins í Búðardal er
skrifstofa Lindu Guðmundsdóttur,
nýráðins verkefnisstjóra DalaAuðs,
verkefnis sem á að efla og byggja
upp Dalabyggð undir verndar-
væng Byggðastofnunar. Linda er
sömuleiðis nýr íbúi í sveitarfé-
laginu þótt hún sé búin að vera
með annan fótinn í Saurbænum í
tæplega tvö ár. Hún er nefnilega
orðin húsfreyja í Þurranesi. Hún er
sambýliskona Jóns Inga Ólafsson-
ar, sem þar stundar sauðfjárbúskap
og ferðaþjónustu. Linda settist nið-
ur í spjall með fréttaritara Skessu-
horns. Hún segist mjög ánægð með
titilinn húsfreyja en ekki síður með
titil dótturinnar sem heimasætu
í Þurranesi. Dóttir Lindu heit-
ir Hulda Sophia og er átta ára, en
þær mæðgur hafa búið undanfarin
ár á Akureyri og dóttirin gengið í
Oddeyrarskóla. Jón Ingi á tvö börn
sem dvelja hjá þeim öðru hverju og
þannig er orðin til talsvert stærri
fjölskylda en áður.
Heimsborgari og
flökkukind
Þegar spurt er út í bakgrunn Lindu
koma tvö orð í hugann; heims-
borgari og flökkukind. Hún segir
glaðlega frá flökkuþránni sem hef-
ur dregið hana um alla Evrópu, en
hún ferðaðist um tíma í Balkan-
löndunum á umbrotatímum og
starfaði í Keníu og víðar í Austur-
-Afríku.
Hún lýsir sér sem leitandi ungri
konu, sem langaði að hjálpa heim-
inum að verða betri, vissi ekkert
hvað hana langaði að læra, en vissi
að hana langaði að fara á átakasvæði
og láta gott af sér leiða. Linda end-
aði á því að læra mannfræði, flakk-
aði um og tókst á við allskonar
verk efni, en hefur undanfarið unnið
sem verkefnisstjóri í félagslegum
verkefnum hjá Rauða krossinum á
Akureyri. Hún hefur unnið mikið
með jaðarsettu fólki, svo sem inn-
flytjendum og félagslega einangr-
uðu fólki. „Það er ótrúlegt hvað
fólk getur lent langt úti á kantinum
í samfélaginu,“ segir hún og dregur
ekkert úr því að það getur tekið á að
hjálpa fólki, því tilfinningar eins og
ótti, reiði og depurð fylgja oft þeirri
erfiðu stöðu sem fólk er í. „Það er
mikilvægt að brynja sig, því allar
þessar tilfinningar geta einfaldlega
dregið burt allan mátt. En samt er
svo ótrúlega mikilvægt að halda í og
næra samkenndina í svona starfi.“
Aðspurð um hvort hún hyggist
taka þátt í Rauða kross deildinni í
Dölunum svarar hún: „Við það að
starfa í Rauða krossinum verðurðu
hægt og rólega að Rauða krossin-
um, því Rauði krossinn er fólk,
fyrst og fremst.“ Og jú, henni líst
vel á að taka þátt í deildinni. Hún
er með leiðbeinandaréttindi í sál-
rænum stuðningi og getur miðlað
af þeirri þekkingu sinni í Dölunum.
Tækifæri í fjöl-
breytileikanum
Linda kveðst blómstra í sveitinni
enda uppalin að hluta sem sveita-
stelpa í Landeyjunum þar sem for-
eldrar hennar bjuggu með kýr og
kindur þegar hún var lítil. Henni
og dótturinni er einstaklega vel
tekið í Þurranesi og hún hlakkar til
að takast á við hlutverk sitt þar, ekki
síður en starfið sem verkefnastjóri
DalaAuðs. Hún sér fyrir sér tæki-
færi í Þurranesi líkt og annars staðar
í Dalabyggð. Tækifærin í Dölunum
telur Linda liggja í fjölbreytileik-
anum, landkostirnir eru miklir og
hægt að þróa matvælaframleiðslu,
því hér er mikil þekking í landbún-
aði. „Uppbygging á minni áfanga-
stöðum fyrir ferðamenn, sem geta
tekið á móti smærri hópum, en ekki
endilega risastóra staði fyrir massa-
túrisma. Fólk kemur hingað til að
njóta kyrrðar og náttúru sem við
erum rík af í Dölunum.“ Linda
var landvörður á Gullfoss-Geys-
is svæðinu á tímabili og þar sá hún
vel hversu mikla umgjörð þarf til að
halda stærstu stöðunum í lagi. Álag
á stærri ferðamannastöðum kall-
ar á mikla uppbyggingu og mann-
skap. Og álagið er ekki bara á stað-
inn, heldur líka á íbúana. Að dvelja
og njóta, eins og slagorð Vestur-
lands er í ferðaþjónustunni, á sér-
lega vel við hér þar sem færri koma
og hafa meiri tíma og meira rými.
DalaAuður, verkefnið sem Linda
stýrir, telur hún vera einskonar
innspýtingu sem muni gefa kraft til
að hreyfa við samfélaginu og blása
í allskonar glæður. Hins vegar er
líklega brýnasta málið húsnæðis-
skortur eins og staðan er akkúrat
núna.
Tjái hug sinn
Talið berst að samfélaginu og þátt-
töku okkar í því. Linda leggur
áherslu á það hversu fólk getur haft
mikil áhrif á samfélagið sitt með
því að þora að segja frá því sem það
dreymir um. „Ef ég læt í mér heyra
og vil að það sé til kór, þá verður
kannski til kór því ég kemst að því
að fleiri vilja nákvæmlega það sama.
En ekki ef ég segi engum frá, því þá
er ólíklegt að hugmyndin verði að
veruleika.“ Linda er vongóð um að
DalaAuður geti hjálpað íbúum að
virkja sínar hugmyndir og ýta und-
ir grósku í menningarlífi og félags-
starfi.
Íbúafundurinn í vor, sem markaði
upphaf DalaAuðs, gefur tilefni til að
ætla að hér sé gróska, því þar ræddu
íbúar sínar framtíðarvæntingar og
voru mjög jákvæðir og áhugasamir.
Nú er verið að vinna að stefnumót-
un upp úr niðurstöðum íbúaþings-
ins. Í ágúst verður hún kynnt og
geta íbúarnir þá haft áhrif á stefn-
una og verkefnin framundan. „Það
verður spennandi að taka við kefl-
inu eftir fundinn,“ segir Linda sem
kveðst að lokum hlakka til að kynn-
ast samfélaginu betur og njóta þess
að starfa og búa í Dalabyggð.
bj
Byggðarráð Borgarbyggðar hef-
ur að undanförnu unnið að mót-
un tillagna um framtíðarfyrirkomu-
lag fyrir Safnahús Borgarfjarð-
ar til næstu ára. Í húsinu eru fimm
söfn og fólst verkefnið í að skil-
greina hlutverk og framtíðarsýn
fyrir þau, áherslur, meginmarkmið
og nauðsynlegar aðgerðir til að ná
þeim fram.
Niðurstaðan er að auka þurfi fjöl-
breytni í safnastarfinu og nýta bet-
ur söfnin og safnkost þeirra. Enn-
fremur að móta þurfi sýn, áherslur
og aðgerðir fyrir hvert safn, færa
Héraðsskjalasafnið nær stjórnsýsl-
unni og nútímavæða bókasafnið
með því að færa það í menningar-
húsið Hjálmaklett þar sem Mennta-
skóli Borgarfjarðar starfar. Einnig
er kveðið á um að gera Náttúru-
gripasafn Borgarfjarðar að hluta af
Landbúnaðarsafni Íslands á Hvann-
eyri, endurskoða nýtingu núverandi
húsnæðis Safnahúss við Bjarnar-
braut og munageymslur og stjórn-
skipulag svo fátt eitt sé nefnt.
Byggðarráð hefur falið for-
stöðumanni menningarmála að
láta kostnaðarmeta ofangreind-
ar megintillögur og hefja form-
legar viðræður um flutning Hér-
aðsbókasafnsins við stjórn og
skólastjóra Menntaskóla Borgar-
fjarðar. Fram kemur á heimasíðu
Safnahússins að Náttúrugripasafn
Borgar fjarðar var stofnað árið 1972.
Fuglar úr safneigninni eru sýndir á
grunnsýningunni Ævintýri fugl-
anna sem hönnuð er af Snorra Frey
Hilmarssyni og var opnuð vorið
2013. Sýningin er helguð minningu
Sigfúsar Sumarliðasonar sparisjóðs-
stjóra sem átti á sínum tíma stóran
þátt í að efla safnkostinn.
Náttúrugripasafnið er deild í
Byggðasafni Borgarfjarðar sem
stofnað var árið 1960. Að því stóðu
á sínum tíma Samband borg-
firskra kvenna, Búnaðarsamband
Borgarfjarðar, Borgfirðingafélag-
ið í Reykjavík, Ungmennasamband
Borgarfjarðar og Kaupfélag Borg-
firðinga. Síðar féll reksturinn til
sveitarfélaganna á svæðinu, en með
samningi árið 2007 var byggða-
samlagi um safnamál í Borgarfirði
slitið. Þá varð Borgar byggð eini eig-
andi byggðasafnsins en gerði þjón-
ustusamninga við nágrannasveitar-
félög sem aðra eigendur safnkosts-
ins.
Söfnin fimm hafa frá upphafi ver-
ið í nánu sambýli í Borgarnesi sem
er nú líklegt að verði breyting á.
Menningarnefnd Borgarbyggð-
ar hverju sinni er stjórn Safna-
húss. Núverandi stjórn er atvinnu,-
markaðs- og menningarmálanefnd
sveitarfélagsins og er Eva Mar-
grét Jónudóttir formaður hennar.
Nefndin hefur lagt til að Þórunn
Kjartansdóttir, sem er nýráðin for-
stöðumaður menningarmála, verði
áheyrnarfulltrúi á fundum nefndar-
innar þegar menningarmál verða til
umræðu. Þórunn hóf störf í byrjun
ágúst. Nefndin staðfesti ákvörðun
byggðarráðs um að hún leggði
fram kostnaðaráætlun ásamt því að
formlegar viðræður yrðu hafnar við
stjórn og skólastjóra Menntaskóla
Borgarfjarðar um flutning Héraðs-
bókasafnsins. mm
Reykhóladagar verða haldnir dag-
ana 12.-14. ágúst. Dagskráin hefst
kl. 13 á föstudag á afmælishátíð
leikskólans Hólabæjar, en skólinn
fagnar 30 ára afmæli og held-
ur veislu af því tilefni. Þar verður
Jörgen Nilsson með gögl (juggling)
kennslu. Við tekur bátabíó fyr-
ir börn á Báta- og hlunnindasýn-
ingunni sem helguð er fuglum, bát-
um og náttúrunytjum Breiðafjarð-
ar og afmælishátíð Grettislaugar,
sundlaugarinnar á svæðinu.
Margt fleira verður á dag-
skrá hátíðarinnar og má þar nefna
Reykhólahlaupið og tónleika
Björns Thoroddsen og Heru Bjark-
ar í Reykhólakirkju á laugardag þar
sem flutt verða lög við ljóð Jóns
Thoroddsen. Dráttarvélaskrúð-
ganga verður gegnum Reykhóla
á laugardeginum og boðið verð-
ur upp á brúðusýningu. Á menn-
ingarkvöldi sama dag flytur Bergs-
veinn Birgisson erindi þar sem farið
verður um slóðir svarta víkingsins
og kannað hvernig skrifað var um
landnámið á miðöldum og það sem
vantar í þá sögu. Kvöldinu lýkur
með lifandi tónlist fram eftir nóttu
á Báta- og hlunnindasýningunni.
Á sunnudeginum verður sveppa-
tínsla og dagskrá í Króksfjarðarnesi
með vöffluhlaðborði. Þar munu
félagar úr Harmonikufélaginu
Nikkólínu mæta á svæðið. Sjá má
nánar um dagskrána á vef Reyk-
hólahrepps; www.reykholar.is. gj
Miðað við tillögur sem byggðarráð hefur staðfest mun núverandi starfsemi í
Safnahúsinu við Bjarnarbraut 4-6 færast annað.
Breytingar fyrirhugaðar á starf-
semi Safnahússins í Borgarnesi
Frá Reykhólum.
Reykhóladagar
verða um helgina
Að dvelja og njóta á sérlega vel við í Dölum
Rætt við verkefnisstjóra DalaAuðs