Skessuhorn - 10.08.2022, Blaðsíða 5

MIÐVIKUDAGUR 10. ÁGÚST 2022 5
Spennandi
störf í útibúi
Landsbankans
á Akranesi
Við leitum að kraftmiklum einstaklingum
í starf viðskiptastjóra og í starf þjónustu-
stjóra í útibúi Landsbankans á Akranesi.
Störfin fela í sér að rækta viðskiptasambönd
og tryggja framúrskarandi þjónustu við
fyrirtæki og einstaklinga.
Viðskiptastjóri
Þjónustustjóri
Nánari upplýsingar atvinna.landsbankinn.is
Heiðrún Harpa
Hjónin Karl B. Örvarsson og Hall-
dóra Árnadóttir hafa rekið skóla-
búðir að Reykjum í Hrútafirði sl.
21 ár. Nú blasa við breytingar á
þeirra högum en þau festu nýver-
ið kaup á Laugum í Sælingsdal. Þar
koma þau til með að hefja ferða-
þjónustu en Halldóra er mennt-
uð á sviði ferðaþjónustu og hótel-
reksturs og Karl menntaður mat-
reiðslumaður. Blaðamaður Skessu-
horns sló á þráðinn til þeirra hjóna
sem voru önnum kafin við flutn-
inga frá Reykjum. Þau gáfu sér þó
nokkrar mínútur til að ræða þessar
breytingar sem báru fremur skjótt
að en þau segjast spennt fyrir kom-
andi tímum.
Skjótar breytingar
Karl og Halldóra komu að Reykj-
um haustið 2001 en höfðu sumar-
ið þar áður verið að vinna á Hót-
el Eddu í Neskaupstað. Halldóra
er alin upp í Reykjavík en Karl er
Hornfirðingur í húð og hár. ,,Við
komum að Reykjum því það vant-
aði fólk í vinnu þar. Við vorum búin
að starfa í Neskaupstað en rennd-
um norður og ákváðum að gefa
þessu sjéns í eitt ár. Síðan er liðið
21 ár. Við höfðum alveg hugsað
okkur að gefa þessu smá tíma í við-
bót en nú var rekstur skólabúðanna
settur í útboð og við skynjuðum
þá að það væru vonir um einhverja
breytingu á staðnum,“ segir Karl
um skyndilega breytingu á högum
þeirra. En hvernig komu Laugar
svo inn í myndina? ,,Þetta gerð-
ist eiginlega bara í smá spjalli. Við
ákváðum að fara vestur og skoða
þetta sem leiddi af sér viðræður við
Dalamenn. Svo gerðum við bara
tilboð og ákváðum að kaupa þetta,“
segir Karl.
Hvött út
í skólabúðarekstur
Hjónin stefna nú að því að fara í
framkvæmdir í hótelbyggingunni
og hefja ferðaþjónustu að Laug-
um. ,,Hér er þetta fína, flotta hót-
el sem við ætlum að hressa aðeins
uppá. Svo er þarna einn af fáum
stöðum á landinu þar sem innan-
gengt er frá hóteli yfir í sundlaug,
sem getur verið vinsælt. Við sjá-
um svo einnig fyrir okkur að halda
tjaldsvæðinu lifandi en einnig höf-
um við verið hvött til þess að fara
út í skólabúðarekstur. Fyrst þurfum
við þó að staldra aðeins við og leyfa
okkur að lenda á nýjum stað. Þetta
gerist allt svo hratt, við fáum afhent
á Laugum 1. október og erum í óða
önn að pakka saman hérna á Reykj-
um,“ segja þau Karl og Halldóra.
Þekkja vel
til ferðaþjónustu
Halldóra og Karl eru ekki að feta
nýjar slóðir en þau þekkja vel inn á
hótelrekstur ,,Halldóra lærði ferða-
málafræði og hótelrekstur á sín-
um tíma og ég er matreiðslumað-
ur,“ segir Karl. ,,Við rákum hót-
el á Reykjum á sumrin fyrir hópa
og höfum farið víða og unnið við
ferðaþjónustu svo við kunnum það
vel. Við sjáum þó fyrir okkur að fá
ferskt og flott fólk með okkur í lið
en vera ekki eingöngu í þessu sjálf.
Þetta verður bara mjög skemmti-
legt verkefni,“ segja hjónin í sam-
einingu.
Gefandi að vinna
með börnum
Á Laugum er mikill húsakostur,
m.a. nokkur einbýlishús en þau
stefna sjálf á að flytja á staðinn.
,,Okkur hefur verið mjög vel tekið
í Dölunum og finnum fyrir að við
erum velkomin þar. Við erum þess
vegna full tilhlökkunar að hefja
nýjan kafla.“
En munu þau ekkert sakna þess
að vinna með börnum? ,,Vissu-
lega munum við sakna þess. Það
er mjög gefandi og eigum við ótal
dýrmætar minningar sem munu
fylgja okkur en okkur telst það
til að við höfum tekið á móti yfir
60.000 börnum. Við höfum feng-
ið send bréf og skilaboð frá krökk-
um og skólum og það hefur hvatt
okkur virkilega áfram. Það verður
enginn ríkur á að reka skólabúðir
en það hefur þó sannarlega verið
þess virði. Við viljum þakka öllum
þeim fjölmörgu sem hafa heimsótt
okkur að Reykjum og þess er ekki
langt að bíða að við verðum með
heitt á könnunni, opnar dyr og all-
ir hjartanlega velkomnir að Laug-
um eins og gestir okkar voru ævin-
lega í Reykjaskóla,“ segja hjónin að
lokum.
sþ
Laugar í Sælingsdal.
Frá Reykjum að Laugum í Sælingsdal
Karl B. Örvarsson og Halldóra Árnadóttir sem nýverið festu kaup á Laugum í
Sælingsdal og stefna þar á að reka ferðaþjónustu.