Skessuhorn - 10.08.2022, Blaðsíða 12

MIÐVIKUDAGUR 10. ÁGÚST 202212
Athafnamaðurinn Thor Kolbeins-
son í Grundarfirði festi á dögunum
kaup á notuðum strætisvagni til að
ferja ferðamenn að Kirkjufellsfossi
í Grundarfirði. Toggi, eins og hann
er ávallt kallaður, keypti vagninn í
samstarfi við Lýð Valgeir Jóhann-
esson og reka þeir félagarnir ferðir
frá Grundarfjarðarhöfn að Kirkju-
fellsfossi þegar farþegar skemmti-
ferðaskipa vilja leggja leið sína
þangað. Þegar stærstu skipin liggja
við höfnina er því mikill hamagang-
ur við að ferja fólkið að fossinum.
Þannig var staðan þegar fréttarit-
ari Skessuhorns hitti á Togga sem
mátti varla vera að því að stilla sér
upp fyrir myndatöku því næsta
ferð var að leggja af stað. Kirkju-
fell Express fer á heila og hálfa tím-
anum á meðan farþegarnir vilja fara
að fossinum. „Við ætluðum fyrst
að kaupa lest til að ferja farþega á
milli,“ segir Toggi í stuttu spjalli
við fréttaritara. „Það reyndist svo
ómögulegt að fá hana samþykkta
hérna þannig að hún endaði í
Grímsey og við keyptum þennan
strætisvagn í staðinn,“ bætir hann
við. „Það hefur verið mikið að gera
á stærstu dögunum og varla gefist
tími til að borða.“ Toggi og Lýð-
ur njóta liðsinnis vina sinna og vilja
koma þökkum til þeirra. „Einnig
fær Georgia Lamprau, sambýlis-
kona mín, kærar þakkir fyrir mikla
þolinmæði og stuðning við það
sem ég tek mér fyrir hendur,“ bætir
Toggi við að lokum og brosir.
tfk
Laugardaginn 6. ágúst sl. fór fram
Pósthlaupið, sem er utanvegahlaup,
í fyrsta skipti og farin var Land-
póstaleiðin frá Staðarskála í Hrúta-
firði og að pósthúsinu í Búðardal.
Hlaupnar voru þrjár vegalengdir;
50 km, 26 km og 7 km. Vel viðraði
á keppendurna um helgina; hægur
andvari og milt veður enda skein
gleðin af hverjum manni þrátt fyr-
ir römm átök.
Starfsmenn Íslandspósts, sem
skipulögðu hlaupið, voru þó nokkr-
ir meðal þátttakenda, en einnig
áttu Dalamenn hlaupara í öllum
hlaupagreinum. Um 80 keppendur
tóku þátt og fór þátttakan fram úr
björtustu vonum. Tíu manns hlupu
50 kílómetra og var Þórhildur
Ólöf Helgadóttir, forstjóri Pósts-
ins, á meðal þeirra. Sigurvegari í
þeirri vegalend var hins vegar Jósep
Magnússon, sem var langfljótastur
í mark með frábæran tíma, um 3
klukkustundir og 50 mínútur, sem
hann telur sjálfur erfitt að jafna síð-
ar, enda kjöraðstæður fyrir hendi.
Næsti maður á eftir honum, Sig-
urður Kiernan kom 53 mínútum á
eftir Jósep í mark og mínútu síðar
Ingi Rúnar Árnason. Ekki er laust
við að Dalamenn séu stoltir af sín-
um manni, Jósep, sem er rísandi
stjarna í hlaupaheiminum.
Eftir hlaupið var boðið upp á
súpu við Pósthúsið og var mann-
fjöldi við endamarkið að hvetja
sínar hetjur í mark. Lokametrarn-
ir voru upp Miðbrautina í Búðar-
dal þannig að það var á bratt-
ann að sækja í lokin. Hlaupið fór
fram að mestu eftir veginum yfir
Haukadalsskarðið, þar sem þurfti
að vaða ána á einum stað. Þá var
hlaupið út Haukadalinn en eft-
ir það að mestu eftir stígum enda
talsverð umferð á Vestfjarðaveg-
inum á laugardaginn. Björgunar-
sveitin Ósk í Búðardal gætti kepp-
enda á ýmsum stöðum á leiðinni og
Ungmennafélagið Ólafur Pá hélt
utan um skipulag hlaupsins ásamt
Póstinum. Allur ágóði hlaupsins
rann til þessara tveggja félagasam-
taka.
Í spjalli fréttaritara við Ingi-
björgu Jóhannsdóttur stjórnarkonu
í Ungmennafélaginu Ólafi Pá, kom
fram að áform eru um að gera þetta
hlaup árvisst og að mikil ánægja
og áhugi hafi verið með hlaupið í
heild. Skráning fór hægt af stað, en
þátttakan ótrúleg miðað við nýtt og
óþekkt hlaup og mikla ferðahelgi.
Efstu sæti í öllum þremur
vegalengdum í flokkum karla og
kvenna:
50 kílómetrar karlar:
Nr.1 Jósep Magnússon, fæddur
1977
Nr. 2 Sigurður Kiernan, fædd-
ur 1969
Nr. 3 Ingi Rúnar Árnason fædd-
ur 1981.
50 kílómetrar konur:
Nr. 1 Þórhildur Ólöf Helgadóttir,
fædd 1972.
26 kílómetrar karlar:
Nr. 1 Reimar Marteinsson, fædd-
ur 1980
Nr. 2 Almar Viðarsson, fæddur
1981
Nr. 3 Birkir Þór Stefánsson, fædd-
ur 1968
26 kílómetrar konur:
Nr. 1 Mari Jaersk, fædd 1987
Nr. 2 Guðrún Gróa Þorsteinsdótt-
ir, fædd 1989
Nr. 3 Sara Ólafsdóttir, fædd 1988.
7 kílómetrar karlar:
Nr. 1 Breki Blöndal, fæddur
2005
Nr. 2 Arnar Másson, fæddur
1971
Nr. 3 Dagur Tjörvi Arnarsson,
fæddur 2000.
7 kílómetrar konur:
Nr. 1 Berglind Sigurðardóttir,
fædd 1981
Nr. 2 Erla Jörundsdóttir, fædd
1986
Nr. 3 Lilja Gísladóttir, fædd 1971.
bj
Lestin sem endaði í Grímsey.
Kirkjufell Express flytur ferðamenn að Kirkjufellsfossi
Toggi við strætisvagninn á höfninni.
Kirkjufell Express á ferðinni í Grundarfirði.
Mynd innan úr vagninum í fyrstu
ferðinni sem var farin.
Landpóstahlaup yfir Haukadalsskarð
Sigurvegarar í hlaupinu fengu
medalíu, blóm og knús frá Þórhildi
Ólöfu forstjóra Póstsins, ásamt ýmsum
glaðningi.
Hetja dagsins Jósep Magnússon rétt náðist á filmu en hann hljóp á geysigóðum
tíma; 3 klukkustundum og 50 mínútum.
Björgunarsveitin Ósk og Ungmennafélagið Ólafur Pá önnuðust eftirlit og
þjónustu við hlaupara en hér er Helgi Fannar Þorbjörnsson rétt kominn niður af
Haukadalsskarði.
Síðustu skrefin reyndust mörgum dálítið þung, því endaspretturinn var upp í móti,
en nokkrir spenntir áhangendur hlupu síðasta spölinn með sínu fólki.