Skessuhorn - 10.08.2022, Blaðsíða 10

MIÐVIKUDAGUR 10. ÁGÚST 202210
Bragi Þórðarson, fyrrverandi bóka-
útgefandi, rithöfundur og fram-
kvæmdastjóri á Akranesi lést 25.
júlí síðastliðinn, 89 ára að aldri.
Útför hans fór fram frá Akranes-
kirkju síðastliðinn föstudag að við-
stöddu fjölmenni.
Bragi fæddist á Akranesi 24. júní
1933. Foreldrar hans voru Þórð-
ur Ásmundsson verkamaður frá
Fellsaxlarkoti í Skilmannahreppi
og Sigríður Hallsdóttir frá Stóra-
-Fljóti í Biskupstungum. Var Bragi
þriðji í röð fjögurra systkina. Árið
1956 kvæntist Bragi Elínu Þor-
valdsdóttur sem lifir mann sinn.
Börn þeirra eru tvö; Þorvaldur og
Bryndís.
Bragi gekk í skóla á Akranesi
og lauk sveinsprófi í prentiðn árið
1954. Hann fékk meistarabréf árið
1957 og starfaði í tæpa þrjá áratugi í
Prentverki Akraness, fyrst við setn-
ingu en síðan sem prentsmiðjustjóri
og einn af eigendum fyrirtækis ins.
Hann stofnaði ásamt Elínu eig-
inkonu sinni Hörpuútgáfuna árið
1960. Árið 1982 seldi Bragi sinn
hlut í Prentverki Akraness og sneri
sér að útgáfustarfsemi og ritstörf-
um. Sama ár stofnuðu hann og Elín
Bókaskemmuna á Akranesi sem þau
ráku til ársins 1992. Bókaskemman
var í senn stór bóka- og ritfanga-
verslun á þess tíma mælikvarða og
ruddi auk þess brautina í sölu tölvu-
búnaðar þegar sú tækni var að ryðja
sér til rúms á níunda og tíunda ára-
tugnum. Hörpuútgáfuna ráku þau
hjón til ársins 2007. Hörpuútgáf-
an lagði áherslu á útgáfu sígildra
bóka. Má þar nefna ljóðabæk-
ur, ævisögur, bækur um þjóðlegan
fróðleik, héraðssögur og fleira sem
að stórum hluta tengdist Akranesi
og Borgarfjarðarhéraði. Þannig má
segja að þau Bragi og Elín hafi átt
hvað drýgstan þátt allra í að skrá og
viðhalda þekkingu um liðna tíma;
mannlíf og menningu, í héraði.
Hörpuútgáfan gaf alls út um 500
bókatitla á starfstíma sínum og þar
af skrifaði Bragi sjálfur 22 bækur.
Meðal félagsstarfa má nefna að
Bragi sat í stjórn Félags íslenska
prentiðnaðarins, í stjórn Félags
íslenskra bókaútgefenda, í stjórn
Sögufélags Borgarfjarðar og í
stjórn Bæjar- og héraðsbókasafns
Akraness. Hann var virkur í skáta-
starfinu á Akranesi frá 1943 og var
félagsforingi Skátafélags Akraness
um árabil. Hann vígðist í Oddfell-
ow-regluna árið 1960 og var virkur
félagi til æviloka. Hann gegndi fjöl-
mörgum trúnaðarstörfum bæði fyr-
ir stúku sína og regluna á landsvísu.
Bragi hlaut Borgfirsku menn-
ingarverðlaunin og Menningar-
verðlaun Akraneskaupstaðar árið
2004. Sama ár var hann gerður
að heiðursfélaga í Félagi íslenskra
bókaútgefenda. Hann var sæmdur
heiðursmerki Oddfellow-reglunn-
ar árið 2005 og árið 2006 varð hann
heiðursfélagi í Skátafélagi Akra-
ness. Bragi var sæmdur Riddara-
krossi hinnar íslensku fálkaorðu
árið 2007. Árið 2018 veitti Bæjar-
stjórn Akraness honum nafnbótina
Heiðursborgari Akraness.
Fyrir hönd Skessuhorns eru
Braga Þórðarsyni færðar alúðar
þakkir fyrir áralanga ræktarsemi og
vinskap við fyrirtækið og starfsfólk
þess. mm
Næstkomandi laugardag verð-
ur boðað til árlegrar Sturluhátíð-
ar á Staðarhóli og í félagsheimil-
inu Tjarnarlundi í Saurbæ. Það er
Sturlufélagið sem stendur að hátíð-
inni og Einar K. Guðfinnsson fyrr-
verandi alþingismaður er formað-
ur þess. Hann segir samfélagið á
Sturlungaöld hafa verið ótrúlega
blöndu af vígamennsku og fræði-
mennsku. „Það var ein af þver-
stæðum 13. aldarinnar að hún
einkenndist af einstæðum innan-
landsófriði og var um leið blóma-
skeið sagnahefðarinnar. Þekkt-
ustu valdamenn Sturlungaald-
ar voru mikilhæfir sagnaritarar og
Sturla Þórðarson hefur verið sagð-
ur merkasta skáld sinnar samtíð-
ar á Íslandi en tók jafnframt þátt í
sumum af blóðugustu bardögum
þessarar aldar.“
Sturla var sannarlega uppi á
Sturlunga öld. Hann fæddist á
Staðarhóli árið 1214 og lést árið
1284. Hann var bróðursonur
Snorra Sturlusonar og hefur fal-
lið í skugga hans sem sagnarita-
ri og skáld. Sturla bjó lengst af á
Staðarhóli, þar bjuggu afkomen-
dur hans og þar er hann jarðset-
tur. Hann var mikilhæfur sagnari-
tari, höf undur Íslendingasögu, ein-
nar gerðar Landnámu og skrifaði
norskar konungasögur. Þannig er
verk hans ómetanleg heimild, bæði
um sögu Íslands og Noregs. Hann
hefur einnig verið nefndur sem
höfundur þekktra Íslendingasagna
eins og Eyrbyggju og Njálu þótt
ekki hafi verið hægt að færa beinar
sönnur á það.
Það var Svavar Gestsson heitinn
sem fyrst hafði forgöngu um að
Sturlu yrði minnst með verðugum
hætti vestur í Dölum og var Sturlu-
félagið stofnað að hans frumkvæði
árið 2018. Heimamenn og sveitar-
stjórn Dalabyggðar hafa stutt við
verkefnið og eigendur Staðarhóls
hafa látið félaginu í té afmarkaðan
reit úr landi Staðarhóls.
Svavar sá hátíðina fyrir sér sem
upphaf að lengra ferli þar sem
Sturlu yrði minnst á verðugan hátt
á Staðarhóli til framtíðar. Svavar
lést fyrir aldur fram í ársbyrjun
2021 og hans verður sérstaklega
minnst á hátíðinni á laugardaginn.
Fyrst á dagskrá er stutt söguganga
um Staðarhól klukkan 13, þar sem
fornleifafræðingarnir Guðrún Alda
Gísladóttir og Birna Lárusdóttir
segja frá staðnum, staðháttum og
rannsóknum sem þar fara fram. Að
því búnu, kl. 14 hefst svo Sturlu-
hátíð í Félagsheimilinu Tjarnar-
lundi með erindi Einars K. Guð-
finnssonar, en aðrir sem koma fram
eru Guðrún Alda Gísladóttir forn-
leifafræðingur, Einar Kárason rit-
höfundur og tónlistarfólkið Una
Torfadóttir og Tumi Torfason.
gj
Frá Sturluhátíð árið 2018 þegar gengið var um Staðarhólinn undir leiðsögn fornleifafræðinga sem hafa skráð þar og kannað fornleifar.
Sambland vígamennsku og bókmennta
Sturluhátíð verður í Saurbæ í Dölum laugardaginn 13. ágúst
Hleðslur hafa verið gerðar við heimreiðina að Staðarhóli. Þar er ætlunin að koma fyrir skiltum sem rekja sögu jarðarinnar og
þá ekki síst að varpa ljósi á Sturlu Þórðarson sem þar bjó.
Braga Þórðarsonar minnst
Bragi Þórðarson; hér með nýja bók úr smiðju sinni. Ljósm. úr safni/mm
Kistuna báru úr kirkju félagar í Oddfellowstúkunni Agli sem jafnframt stóðu
heiðursvörð. Skátar stóðu heiðursvörð fyrir athöfnina.