Skessuhorn - 10.08.2022, Blaðsíða 16

MIÐVIKUDAGUR 10. ÁGÚST 202216
Elkem Ísland sem rekur kísilver á
Grundartanga hagnaðist um 6,4
milljarða íslenskra króna í fyrra.
Þetta er langbesta rekstrarniður-
staða Elkem á síðustu sjö árum og
líklega sú besta í sögu fyrirtækisins
á Íslandi. Tekjur Elkem voru 2.085
milljónir norskra króna, jafnvirði
um 30 milljarða íslenskra króna og
jukust um heil 70 prósent á milli
ára.
Í skýrslu stjórnar í nýbirtum
ársreikningi fyrirtækisins kem-
ur fram að markaðsaðstæður hafi
verið afar hagstæðar árið 2021 eft-
ir lægð ársins 2020 og heimsmark-
aðsverð á kísiljárni náð methæð-
um á síðari hluta ársins. Að sögn
stjórnar var hátt verð og stöðugur
rekstur undirstöður góðs árangurs
á árinu 2021. Þá segir að á fyrstu
mánuðum þessa árs hafi skerðingar
á raforku haft neikvæð áhrif á fram-
leiðslu verksmiðjunnar og auk þess
hafi áskoranir í flutningsmálum og
hækkandi verð verið krefjandi fyrir
fyrirtækið.
„Þrátt fyrir það eru fjárhagslegar
horfur fyrirtækisins mjög góðar
árið 2022 en markaðsverð eru há,
framleiðsla stöðug og stór hlutdeild
er í sérvöru.“ segir í skýrslu stjórn-
ar. vaks
Það verður nóg um að vera við
Byggðasafnið í Görðum á Akranesi
næstu daga því þar fer um helgina
fram Norðurlandameistaramótið
í eldsmíði. Þar koma saman helstu
eldsmiðir Norðurlandanna og etja
kappi frá föstudegi til sunnudags.
Keppt verður í þremur flokkum og
eru keppendur alls fimmtán tals-
ins. Þrír keppa í hverjum flokki
frá Íslandi, Noregi, Svíþjóð, Finn-
landi og Danmörku en þetta er í
fyrsta skipti sem Danmörk tek-
ur þátt og því í fyrsta sinn sem all-
ar Norðurlandaþjóðirnar taka þátt í
mótinu á sama tíma. Árið 2013 var
í fyrsta skipti haldið Norðurlanda-
mót eldsmiða á Akranesi.
Þurfa að smíða ankeri
Smíðaverkefnið sem allir kepp-
endur mótsins fást við er að smíða
ankeri og hafa þeir fjórar klukku-
stundir til að ljúka verkinu. Á föstu-
daginn klukkan 13 hefst keppni í
fyrsta flokknum sem er byrjenda-
flokkur þar sem byrjendur fá að
spreyta sig með frjálsum efnistök-
um og á laugardaginn hefst keppn-
in klukkan 11 í sveinaflokknum
þar sem sveinar smíða skarpt horn
og slá gat á ankerið sitt. Á laugar-
daginn frá klukkan 16 til 18 verð-
ur liðakeppni þar sem öll Norð-
urlandaliðin taka þátt. Meistara
eldsmiðir þurfa svo að sýna snilli
sína á sunnudeginum með því að
búa til grip með skörp horn, slegið
gat, samsuðu og vísa fram teikningu
á sínum smíðisgrip. Meistaraflokk-
skeppnin hefst klukkan 11 á sunnu-
daginn en mótinu lýkur um fjög-
ur leytið síðar um daginn. Mótið
er haldið fyrir opnum dyrum á úti-
svæði Byggðasafnsins og þar verð-
ur hægt að fræðast um eldsmíði,
hugsanlega versla bæði handverk
og léttar veitingar og njóta safnsins
á sama tíma.
Beate hefur titil að verja
Guðmundur Sigurðsson er for-
maður íslenskra eldsmiða og
mótsstjóri og segir hann að þeir
eigi von á góðum hópi um næstu
helgi, áhugamönnum um eldsmíði
hvaðanæva að og öðrum sem þyki
eldsmíði áhugaverð og spennandi.
Eins og áður segir verður verk-
efnið hjá eldsmiðunum að þessu
sinni að smíða ankeri og dóm-
nefnd mótsins sem kemur frá öll-
um Norðurlöndunum dæmir eft-
ir tíu mismunandi punktum eins
og til að mynda notagildi, áferð
og þar fram eftir götunum. Þeir
sem keppa fyrir Íslands hönd eru
Róbert Daníel Kristjánsson frá
Þingeyri í byrjendaflokki, Einar
Sigurðsson úr Reykjavík í sveina-
flokki og Beate Sturmo frá Krist-
nesi í Eyjafirði keppir í Meistara-
flokki. Beate er núverandi Norð-
urlandameistari og hefur því tit-
il að verja. Þátttakendur á mótinu
í ár eru allt karlar nema Beate og
segir Guðmundur að það séu fleiri
karlar en konur í eldsmíðinni en
þeir séu ekkert endilega betri í
faginu. Konur hafa oftar unnið í
Meistaraflokki til þessa enda ekk-
ert með kyn að gera hve færir
menn eru í þessari list.
Aldrei of seint að
byrja í eldsmíði
Guðmundur tók þátt í Norður-
landamótinu árið 2007 sem haldið
var í Svíþjóð og náði öðru sæti í
byrjendaflokknum. Þá var hann
nýbyrjaður að fikta við eldsmíðina,
fékk lánaðan hamar hjá kunningja
sínum og fór á eitt námskeið áður
en hann tók þátt. Hann segir að
það sé aldrei of seint að byrja í eld-
smíði og það hafi verið mjög gam-
an að taka þátt og lítið mál enda
fari erfiðleikastuðullinn eftir því í
hvaða flokki þú sért að keppa. Þá
segir Guðmundur að í ár verði leyft
að hafa svo kallaðan sleggjudreng
en þá hafa smiðirnir einn aðstoðar-
mann á sleggju til að berja fyrir
sig. Ástæðan er sú að í ár er verk-
efni eldsmiðanna frekar stórt og
krefjandi. Tónleikar verða á svæð-
inu á föstudagskvöldið með hljóm-
sveitinni Kveinstöfum sem er blús-
hljómsveit og hefjast tónleikarnir
klukkan átta. Þá verður streymt frá
keppninni alla mótsdagana og hægt
er að fræðast nánar um íslenska
eldsmiði á facebook. Að lokum vill
Guðmundur þakka helstu styrkt-
araðilum fyrir aðstoðina eins og
Sóknaráætlun Vesturlands, Akra-
neskaupstað og Byggðasafninu
í Görðum og segist stoltur líta
þannig á að Mekka eldsmiðju sé á
Akranesi enda aðstaðan þar orðin
mjög góð og hreint til fyrirmyndar.
vaks
Laxveiðin mjakast áfram, vatnið
er gott í ánum og veiðin þokka-
leg. Fiskurinn mætti þó vera
tökuglaðari að sögn veiðimanna.
Svo virðist sem ekki hafi mikið
af fiski gengið í straumnum um
mánaðamótin.
„Það gengur ágætlega hjá okk-
ur en í morgun veiddust 15 laxar
hérna á aðalsvæðinu,“ sagði Brynj-
ar Þór Hreggviðsson þegar við
spurðum um stöðuna við Norðurá
í Borgarfirði í gærmorgun, en áin
er að komast í þúsund laxa á allra
næstu dögum. Þverá var komin
um eða yfir þúsund laxa í gær.
,,Við fengum fína veiði í Anda-
kílsá, mikið af fiski í henni,“ sagði
Hilmar Hansson sem var við veið-
ar um helgina og var þá búinn
að fá 15 laxa og veiðitúrinn ekki
búinn.
Reykjadalsá í Borgarfirði er að
komast í 80 laxa og veiðimenn
sem voru þar fyrir skömmu fengu
nokkra laxa og þeir sem voru á und-
an þeim fengu 15 laxa.
Haffjarðará er að gefa vel og
komin yfir 600 laxa og stefnir í
svipaða veiði og fyrir ári. Mest eru
það erlendir veiðimenn sem veiða í
henni á hverju sumri. gb
Dagana 3.-6. ágúst fór Íslandsmót
barna og unglinga í hestaíþróttum
fram á félagssvæði Borgfirðings í
Borgarnesi. Mótsnefnd segir góða
hesta og færa knapa hafa komið
fram á mótinu en sjá mátti glæsi-
legar sýningar hjá ungum og efni-
legum knöpum. Félagar úr Hesta-
mannafélaginu Borgfirðingi unnu
hörðum höndum að því að gera
mótsvæðið klárt og stóðu svo vakt-
ina yfir mótsdagana. Nefndin segir
mót af slíkri stærðargráðu krefjast
mikils undirbúnings en góð liðs-
heild skilaði vel heppnuðu Íslands-
móti. Mótsstjórn vil koma á fram-
færi þakklæti til þeirra félaga sem
mættu og hjálpuðu til við undir-
búning og framkvæmd mótsins.
Kristín Eir sigurvegari
í barnaflokki
Samanlagður sigurvegari í unglinga-
flokki varð Sara Dís Snorradóttir sem
keppti fyrir Sörla og í barnaflokki sigr-
aði Kristín Eir Hauksdóttir Holaker
sem keppti fyrir Borgfirðing. Kristín Eir
og Þytur frá Skáney sigruðu sömuleið-
is í fjórgangi V2 og fimi, Kristín varð í
öðru sæti í tölti T3, í slaktaumatölti T4
ásamt fimmta sæti í flugskeiði.
Sjá má ítarlegri frétt og myndir á vef
Skessuhorns í dag. sþ
Kristín Eir og Þytur frá Skáney Íslandsmeistarar í fjórgangi og fimi.
Ljósm. Borgfirðingur.
Íslandsmót barna og
unglinga fór fram í
Borgarnesi
Metafkoma Elkem á síðasta ári
Brynjar Þór Hreggviðsson með lax úr Norðurá fyrir fáum dögum.
Norðurá og Þverá í þúsund laxa veiði
Beate Sturmo ætlar að verja titil sinn um helgina. Ljósm. úr safni.
Norðurlandameistaramótið í eldsmíði á Akranesi um helgina
Guðmundur Sigurðsson, formaður
íslenskra eldsmiða. Ljósm. vaks