Heilbrigðisskýrslur - 04.12.1982, Blaðsíða 17
13
6. KOSTNAÐUR, MAGN, ÞYNGD
Árlega eru gerðar á íslandi um 100.000 röntgenrannsóknir
(áætlað ca. 0.5 rannsókn pr. íbúa á ári 1979 (16)). Hér eru ekki
meðtaldar röntgenrannsóknir tannlækna. Um þær er engin full-
nægjandi skýrslugerð, en samanlögð geislabyrði af þeim til
viðbótar ofantöldum rannsóknum er vafalaust marktæk, bæði í
liffræðilegu og erfðafræðilegu tilliti.
Talning af þessu tagi er að því leyti ófullnægjandi, að þar
er ekki sundurliðuð "þyngd" rannsókna, og t.d. röntgenrannsókn
á litlutá vegur þar jafn mikið og umfangsmikil æðaþræðinga-
rannsókn, en kostnaður, mannafla- og tækjaþörf vitanlega sitt
á hvorum enda. Þegar þetta er ritað liggur ekki fyrir heildar
sundurliðun á kostnaði vegna röntgenrannsókna á íslandi, en
einstöku tölur gefa þó nokkra hugmynd um stærðirnar.
Verðbólgunnar vegna verður notaður samanburðarreikningur:
a) Röntqentækjabúnaður af einfaldara tagi til almennra
beina-, þvagfæra- og lungnarannsókna kostar svipað og
5 meðalstórir fjölskyldubílar, afskrifast á tíu árum.
b) Meðalverð hverrar röntgenrannsóknar við Röntgendeild
Borgarspítalans 1979 voru 13.400 krónur = 23.5% af
meðalkostnaði legudags sarna ár.
c) Heildarkostnaður af rekstri Röntgendeildar Borgarspítalans
1979 var rúmlega 8.5% af heildarrekstri spítalans.
d) Einn röntgenlampi kostar svipað og lítill fjölskyldubíll.
Ehding þeirra er mjög misjöfn, en framleiðendur reikna
með 40j000-50.000 myndatökum (exponeringum). Sé sú tala
tekin til viðmiðunar þá nemur rýrnun á röntgenlampa við
eina þvagfærarannsókn (urografiu, 10 myndir) sem svarar
verði 20 "vísitölubrauða".
e) Þessar niðurstöður eru sambærilegar við tilsvarandi
athuganir á öðrum Norðurlöndum.
L