Heilbrigðisskýrslur - 04.12.1982, Blaðsíða 36

32
MELTINGARFÆRI
Meltingarfæri eru yfirleitt rannsökuð eftir að gefið hefur
verið skuggaefni (bariumgrautur) per os eða per rectum.
Þar eð matarleifar í maga og garnainnihald trufla mat rann-
sóknarinnar, skal sjúklingur vera fastandi og/eða hreinsaður
fyrir rannsóknina, eftir því sem síðar segir.
Vélinda (Oesophagus)
Tækni: Sjúklingur er látinn kyngja nokkrum munnsopum af
bariumgraut. Skuggaefnisrennslið um vélindað er
rannsakað með skyggningu og myndir teknar um leið,
stundum einnig á myndsegulband.
Undirbúningur:
Sjúklingur skal mæta til rannsóknarinnar fastandi og
á ekki að hafa drukkið, þar eð rannsóknin er oft
framkvæmd x sambandi við magarannsókn.
Txmi: Rannsóknin sjálf tekur aðeins nokkrar mínútur, en
gera má ráð fyrir allt að klukkustundar dvöl á
deildinni.
Magi (Ventriculus og duodenum)
Tækni: Sjúklingur fær bariumgraut á röntgendeildinni.
Rannsóknin er framkvæmd með skyggningu. Einstöku
sinnum þarf að taka viðbótarmyndir nokkru seinna,
til að fylgjast með tæmingu magans, og er því
nauðsynlegt að sjúkradeild viti um, hvort slíkar
viðbótarmyndir þurfi að taka.
Undirbúningur:
Sjúklingur kemur fastandi og án þess að hafa drukkið.
Hafi verið gerð önnur skuggaefnisrannsókn annað hvort
per os eða per rectum dagana fyrir, þarf að hreinsa
ristilinn (samanber leiðbeiningar um hreinsun).
TÍmi: Rannsóknin sjálf getur tekið allt upp í 20 mínútur,
en með bið og hugsanlegum endurtekningiom má gera
ráð fyrir 1-2 klst. á deildinni.