Heilbrigðisskýrslur - 04.12.1982, Blaðsíða 37

3a
Mjógirnisrannsókn (Passage)
Tækni: a) Sjúklingurinn fær á röntgendeildinni skuggaefnis-
blöndu. SÍðan eru teknar röntgenmyndir með
skyggningu eða án, með vissu millibili, þar til
röntgenlæknir telur rannsókninni lokið.
Sjúklingur er á röntgendeildinni að minnsta kosti
fyrstu 3-4 klst.
Stundum fær sjúklingur létta máltíð á röntgendeild-
inni, annars leiðbeiningar til deildarinnar um
máltíð.
b) Slanga er sett niður í mjógirni á röntgendeildinni
og skuggaefni og lofti dælt um hana. Rannsóknin
tekur yfirleitt skemmri tíma í heild en a).
Undirbúngingur:
Undirbúningur er sá sam.i og lýst er við maga og duodenum.
Ristill (Colon)
Tækni: Sjúklingnum er gefin skuggaefnisinnhelling per rectum.
Þessi innhelling er gerð með skyggnieftirliti. Auk þess
er nú oftast blásið lofti í ristilinn, og gefið spasmo-
lytica (Buscopan).
Undirbúningur:
Sjúklingur skal koma til röntgendeildarinnar hreinsaður
samkvæmt leiðbeiningum. Hann má fá léttan morgunmat
(te og tvíbökur eða þess háttar). Rectoscopiu skal
helzt ekki gera sama dag, því að loft sem blásið er inn
við rectoscopiuna, getur truflað rannsóknina.
Ófrávikjanlegt skilyrði fyrir því, að árangur náist af
þessari rannsókn er, að hreinsun sé mjög samvizkusamlega
framkvæmd.
Göngudeildarsjúklingar þurfa yfirleitt að fá stólpípu
á deildinni fyrir ristilrannsóknina. Heildardvöl
þeirra á deildinni getur orðið allt að 3 klst.
TÍmi: