Fréttablaðið - 28.12.2022, Blaðsíða 27

„Þetta var allt komið á tæpasta
vað. Samningar náðust á allra
síðasta degi eftir langa fundi. Ég er
ekki viss um að allir geri sér grein
fyrir hversu tæpt þetta stóð allt
saman,“ segir Orri og leggur áherslu
á orð sín.
Aðspurður hvort hann hafi alltaf
haft trú á að salan myndi ganga í
gegn segist Orri alveg geta viður-
kennt að hann hafi verið orðinn
nokkuð svartsýnn. „Það komu
dagar þar sem maður hélt að þetta
væri búið. Það sama var uppi á ten-
ingnum hinum megin við borðið.
Okkar viðsemjendur voru orðnir
mjög vonlitlir á tímabili. Þeir áttu
erfitt með að skilja hvað var að
gerast hér á Íslandi í tengslum við
þessi viðskipti. En ég held samt að
vonin hafi alltaf verið til staðar,“
segir Orri.
Hann vill samt ekki meina að
það hefðu verið einhverjar hrak-
farir þótt salan hefði ekki gengið
í gegn.
„Míla er gríðarlega öf lugt félag
og það hefði ekki verið neinn
heimsendir að eiga það áfram. En
ástæðan fyrir því að við fórum út
í þetta er hluti af stærra plani. Í
fyrsta lagi hefur verið mikil reglu-
stýring á Símanum vegna eignar-
haldsins á Mílu. Í öðru lagi hefur
þróunin verið sú í þessum geira að
aðgreiningar er þörf á milli inn-
viða og þjónustu. Þannig að það er
margt sem spilar inn í að við höfum
viljað draga línu í sandinn á milli
þessara fyrirtækja og unnið mjög
markvisst að því mjög lengi.“
Stóra málið að mati Orra hafi
kannski frekar varðað trú erlendra
fjárfesta á Íslandi ef stærstu við-
sk ipti Íslandssög unnar hefðu
runnið út í sandinn.
„Ef þetta hefði klikkað þá hefðu
það verið mjög vond skilaboð.
Þarna var um að ræða öf lugan
sjóð með mikil áform og það hefði
ekki verið gott ef þetta hefði farið í
vaskinn. Svona upp á ímyndina. Að
mínu mati.“
Allt annað fyrirtæki í dag
En hverju breytir þetta fyrir Sím-
ann? Er fyrirtækið ekki í allt ann-
arri stöðu í dag en það var fyrir
fáeinum árum hvað samkeppni og
þjónustu varðar?
„Það er einmitt mjög mikilvæg
spurning. Ég kom fyrst að þessu
fyrirtæki í kringum einkavæðing-
una í byrjun aldarinnar. Þá var
Landssími Íslands auðvitað algjör
risi. 1.300 starfsmenn og mjög
víðtæk starfsemi. Í dag er starfs-
mannafjöldi Símans í kringum 270
manns. Við erum búin að útvista
mjög miklu. En fyrir mér var alltaf
ljóst að stærð fyrirtækisins var
okkar helsti akkilesarhæll. Við
vorum mjög lítil í alþjóðlegu sam-
hengi en stór á íslenskan mæli-
kvarða. Þetta gerði það meðal ann-
ars að verkum að þegar við vorum
að kaupa inn kerfi af okkar birgjum
þá þurftum við alltaf að kaupa of
stór stígvél. Stærðarhagkvæmnin
var ekki góð fyrir félag af þessari
stærð á þessum markaði.“
Þess vegna segir Orri það hafa
verið óumf lýjanlegt að Síminn
myndi rifa seglin og þróast yfir í
þjálli einingu.
„Með því er ég samt ekki að segja
að við séum komin í mark eða
verkefninu lokið. En salan á Mílu
er risastórt skref í þá átt að gera
fyrirtækið snarpara. Gera Sím-
anum kleift að keppa á eðlilegum
forsendum.“
Þess vegna segist Orri spenntur
fyrir því sem nú taki við.
„Nú er þessum kafla lokið. Loks-
ins. Nú getum við farið að einbeita
okkur að þjónustunni og smá-
sölunni. Einbeita okkur að því sem
gagnast okkar viðskiptavinum og
því sem markaðurinn er að kalla
eftir. Umfram allt.“
Hvergi nærri hættur
En hvað með Orra sjálfan? Hann
hefur væntanlega heyrt orðróm
þess efnis að salan á Mílu haf i
verið stóra verkefnið og því komið
að tímamótum, bæði hjá honum og
Símanum. Er eitthvað hæft í því að
forstjóri Símans hugsi sér til hreyf-
ings?
„Já, þú segir nokkuð. Auðvitað
hef ég heyrt þennan orðróm eins og
aðrir. Ég get alveg viðurkennt það.
Ég er búinn að vera hérna í níu ár
samfleytt þótt saga mín og Símans
sé enn lengri. Þannig að þetta fyrir-
tæki er búið að vera mjög stór hluti
af mínu lífi um nokkurt skeið. Og
auðvitað er maður alltaf að hugsa
fram í tímann. En ég verð samt að
segja, af hjartans einlægni, að það
kitlar mig mjög mikið að fylgja
þessum tímamótum hjá fyrir-
tækinu eftir. Mér finnst það alveg
óskaplega spennandi verkefni.
Með því er ég ekki að segja að ég
verði hérna til eilífðarnóns en eins
og staðan er í dag þá hef ég enn
mjög mikla ástríðu fyrir því sem
við erum að gera hjá Símanum.
Mér finnst þetta alveg óskaplega
skemmtilegt, tala nú ekki um þegar
getan til að hlaupa hratt í síkviku
umhverfi er að aukast,“ segir Orri
Hauksson, forstjóri Símans og
markaðsmaður ársins að mati
dómnefndar Markaðarins. n
Það kitlar mig mjög
mikið að fylgja þessum
tímamótum hjá fyrir-
tækinu eftir. Mér finnst
það alveg óskaplega
spennandi verkefni.
Orri segir ekkert til í sögusögnum þess efnis að hann sé á förum frá Símanum. Hann segist aldrei hafa verið jafn
spenntur fyrir komandi verkefnum. FRÉTTABLAÐIÐ/SIGTRYGGUR ARI
Míla er gríðarlega
öflugt félag og það
hefði ekki verið neinn
heimsendir að eiga
það áfram.
577 5600 | info@oskaskrin.is | oskaskrin.is
ÓSKASKRÍN GEFUR
SVO MARGT
markaðurinn 13MIÐVIKUDAGUR 28. desember 2022 MARKAÐURI