Fréttablaðið - 31.12.2022, Qupperneq 52

Mannýgari en verðlaunahrútur úr Mývatns-
sveit og tannhvassari en indverskt tígrisdýr
kom völvan Ingibjörg Lára Ayawazka sérlega
illa undan kófinu en eftir að búið var að gauka
að henni kartoni af filterslausum Camel,
þriggja mánaða korti í World Class og gjafabréfi
á Aktu taktu tókst Fréttablaðinu eina ferðina
enn að fá hana til þess að rýna eina í þokuna
sem hylur komandi ár.
Sem fyrr er allt undir og áður en völvan stokkaði tarot-
spilin, dustaði rykið af kristalskúlunni og rótaði í botn-
falli kaffibollans braust Ingibjörg Lára út úr geðlægðinni
með því að bruna í svett í Hvalfirði þar sem hún víkkaði
huga sinn með heimabrugguðu Ayahuasca-kakói.
Ekki gat hún þó séð það fyrir að seyðið myndi brenna
hana svo illa á tungunni að orðaflauminn sem frá henni
kom í transinum reyndist illskiljanlegur en flest þau
undur og stórmerki sem hún sér í kortunum virðast þó
miður falleg.
Annað árið í röð spáir hún lukkudýri Miðflokksins,
Uppspuna frá Rótum undan Þvælu frá Upphafi, blóð-
ugum dauða en þeim bráðfeiga gæðingi hefur þó hingað
til ekki verið í hel komið. Ekkert frekar en langþreyttri
þjóðinni sem berst um í hlekkjum hugarfars síns í hrjáðu
landi og má, ef spáin er rétt skilin, búa sig undir fram-
hald á andlegum og efnahagslegum kreppum umkringd
hraun- og snjósköflum og áframhaldandi myglufaraldri
í innviðum og stjórnmálum.
Vituð þér enn eða hvað? n
Seint verður Uppspuna
frá Rótum í hel komið
Frú Ayawaska kveikti á kerti og skoðaði sín tarotspil áður en hún dustaði rykið af kristalskúlunni.
Eldgos ógnar vísindamönnum
Náttúran leikur við hvurn sinn
fingur á nýja árinu svo landslýð
mun sem oft áður þykja nóg
um. Fyrir utan stórhríðarveður
og frosthörkur munu ósköpin
fyrst byrja fyrir alvöru með
snjóflóði á Austfjörðum sem
varnargarðar munu þó naum-
lega beina fram hjá byggðinni
fyrir neðan og íbúum þar.
Reykjanesskaginn hefur ekki
sungið sitt síðasta og náttúru-
öflin rumska þar að nýju með
vorinu. Skjálftavirknin virðist
í fyrstu benda til þess að um-
brotin færist nær höfuðborgar-
svæðinu en á endanum hættir
jörð að skjálfa – um sinn.
Óvæntustu tíðindin úr nátt-
úrunni varða þó veðráttuna í
sumar. Eftir afburða milt vor
eiga landsmenn ekki von á
góðu og búa sig undir svalt
sumar en annað verður upp á
teningnum og búast má við að
hitamet falli víða í júlí, til dæmis
í uppsveitum sunnanlands og
vestan. Þótt stutt rigningar-
skeið verði bæði í júní og ágúst
mun sólin að mestu ráða ríkjum
og suðrænir vindar ylja fram
undir haust.
Veðurblíðan mun þó koma
hressilega í bakið á borgarstjórn
Reykjavíkur sem bókfærir
fyrirsjáanlegan sparnað í snjó-
mokstri snarlega sem hagnað.
Ísland mun þó að sjálfsögðu
koma bæði innfæddum og
erlendu ferðafólki á óvart með
því að standa undir nafni í vetur
sem verður miklum mun snjó-
þyngri en árin á undan.
Samgöngur í borginni fara í
algera steik enda hvorki mann-
skapur né tæki tiltæk til þess að
mæta fannferginu. Alexandra
Briem setur í snatri fram
stýrihóp til þess að fara yfir
hvað klikkaði og eftir tveggja
mánaða þrotlausa vinnu finnst
fundargerð sérstaks stýri-
hóps sem var kallaður saman í
desember 2022 og í ljós kemur
að ekkert hefur verið unnið í
málaflokknum síðastliðið ár
þar sem sá hópur náði aldrei að
funda vegna ófærðar.
Eldgos sem hefst í Bárðar-
bungu með stuttum fyrirvara
í sumarlok yfirskyggir þó öll
önnur tíðindi af náttúrunni og
uppátækjum hennar. Tvísýnt
verður um hóp erlendra jarð-
vísindamanna og íslenskan
fylgdarmann þeirra sem verða
innlyksa norðan jökuls.
Reykjanesskaginn neitar að syngja
sitt síðasta og rumskar á ný.
Engin lognmolla í
kringum Lilju
Einhver þreytumygla liggur
yfir pólitíkinni árið 2023 en
ríkisstjórnarflokkarnir munu
þó ekki sigla lygnan sjó. Það
er skandall í kortunum sem
mun þó líklega ekki sprengja
hagsmunasamband flokk-
anna þriggja. Nafn Lilju
Alfreðsdóttur kemur oftast
upp í handanheimum í þessu
sambandi og næsta víst að
engin lognmolla verður í
kringum hana á þessu ári.
Ósætti hennar við Sjálfstæð-
ismenn verður í forgrunni.
Enda magnast einhver
pirringur í Framsóknarfólki á
árinu þar sem sigurvegurum
síðustu kosninga finnst þeir
eiga skilið meira.
Einnig glittir í vandræði í
einkalífi pólitíkusa og for-
maður eins stjórnmálaflokks
mun skilja að borði og sæng.
Fjölmiðlar munu fara offari
í málinu enda munu við-
komandi munnhöggvast fyrir
opnum tjöldum. Líklegt er að
þetta verði í kringum Þjóð-
hátíð í Eyjum.
Vinátta Katrínar Jakobs-
dóttur og Bjarna Benedikts-
sonar styrkist. Þau hafa aldrei
verið nánari. Viðræður um
samstarf þeirra á milli að
loknum stjórnmálaferlinum
munu hefjast á þessu ári.
Völvan sér þó ekki hvort það
verði á bókmenntasviðinu
eða í kringum stofnun alþjóð-
legrar stofu sem mun beita
sér fyrir auknu alþjóðlegu
samstarfi stjórnmálamanna
gegn popúlisma.
Ríkisstjórnin mun eiga fremur
volgt 2023 miðað við.
Sameinuð andstaða og
feigur Uppspuni
Þreytan sem völvan sér í
kortum stjórnmálanna mun
einnig gera vart við sig meðal
stjórnarandstöðunnar.
Kristrún Frostadóttir mun
eiga erfitt þegar nýjabrumið
fer af henni en þegar hún
sest við slaghörpuna á ögur-
stundu og Inga Sæland brest-
ur í tárvotan söng dregur
heldur betur til tíðinda. Þær
eiga í framhaldinu einlægt
spjall á kaffistofu Alþingis
um hversu mikla athygli
Samfylkingin fær á kostnað
Flokks fólksins sem rennur
út í formlegar viðræður um
sameiningu flokkanna.
Völvan sér ekki fyrir sér
að þrátt fyrir að hafa öreiga
allra landa að baki sér verði
Sósíalistum boðið í partíið
og Gunnar Smári Egilsson
mun fara mikinn á Facebook
vegna málsins.
Völvan sér hins vegar fyrir
sér að Kristrún bjóði Pírötum
að samningaborðinu en
þeir hafi ekki áhuga þar
sem tæknilegir ágallar séu
á samningsdrögum Ingu og
Kristrúnar.
Þreytan sem liggur svo
þungt yfir íslenska stjórn-
málalandslaginu blindar
völvunni því miður sýn í
öðrum málum Pírata þótt
öllum megi vera ljóst að
flokkurinn muni gera miklar
og tæknilegar athugasemdir
við alls kyns mál sem gætu
skipt almenning máli.
Sigmundur Davíð Gunn-
laugsson fetar áfram óþægi-
leg einstigi á árinu og völvan
sér ekki fyrir sér að hann
nái að rífa Miðflokkinn upp
þrátt fyrir nokkrar kjarnyrtar
breiðsíðugreinar til höfuðs
alls konar minnihlutahópum
í Morgunblaðinu. Þær vekja
hvergi athygli nema á Twitter
þar sem Miðflokkurinn á
ekkert fylgi inni.
Uppspuni frá Rótum undan
Þvælu frá upphafi er því
bæði haltur og blindur þótt
þingflokkur Miðflokksins,
Sigmundur og Bergþór
Ólason, sé sá samheldnasti
á þingi. Liðhlaupinn Birgir
Þórarinsson heldur áfram að
rekast á öll horn Sjálfstæðis-
flokksins með endalausum
útspilum sem afhjúpa hann
sem hreinræktaðan Mið-
flokksmann og Sigmundur
Davíð reynir því að höfða
til hans innri Talibana með
örvæntingarfullri úrslitatil-
raun þegar hann freistar þess
að lokka týnda soninn heim
með því að láta halal slátra
Uppspuna frá Rótum. Allt
kemur fyrir ekki.
Þá eru óveðursský yfir
Viðreisn á þessu ári. Andarnir
telja flokkinn munu eiga
erfitt uppdráttar þótt liðs-
menn hans haldi áfram að
tala um ESB.
Kristrún Frostadóttir býður
upp í pólitískan dans næsta ár.
Lón í óláni
Ný bylgja heimsfaraldursins
hefur lítil áhrif á ferða-
mannaflauminn sem mætir
síhnerrandi til landsins með
sjálfuprikin á lofti. Áfram-
haldandi samdráttur, kreppa
og algerlega óvæntur kostn-
aður við snjóruðning verða
til þess að Reykjavíkurborg
neyðist til þess að flytja úr
Ráðhúsinu og færa starfsemi
sína í skrifstofuhúsnæði í
Lindahverfinu í Kópavogi.
Húsnæðið stendur þó ekki
lengi autt því sívaxandi eftir-
spurn eftir baðlónum leiðir
til þess að Andalón (e. Duck
Lagoon) opnar dyr sínar
í fyrrverandi Ráðhúsinu.
Túristarnir sprikla og sprella
innan um endur og álftir á
meðan borgarbúar keppast
um að kaupa súrdeigsbrauð
í nærliggjandi bakaríum svo
þeir geti hent til ferðamann-
anna sem eiga ekki fyrir mat
í þessu agalega árferði.
Ferðamenn verða ofan í nýju
Andalóni við Ráðhúsið.
Grimmir réttlætisenglar
Ásgeir Jónsson seðlabanka-
stjóri verður í einu aðalhlut-
verka í einu fyrsta hneykslis-
máli ársins þegar hann stenst
ekki freistinguna og skellir sér
til Tenerife úr margra vikna
kulda- og snjómeti.
Ekki vill þó betur til en svo
að tásumynd af seðlabanka-
stjóra á ströndinni birtist á
Instagram ónefnds áhrifa-
valds. Engu breytir að óvænt
kuldakast á Tene verður til
þess að Ásgeir kelur á tánum.
Tíðindin fara sem eldur í sinu
um samfélagsmiðlaheima og
hans fyrsta verk þegar heim
er komið verður að hækka
stýrivexti enn frekar.
Verðbólgan heldur engu að
síður áfram að vaxa.
Þetta verður vitaskuld til
þess að verkalýðsfélögum
vex ásmegin og kröfur um
launahækkanir sem um mun-
ar verða háværari. Völvan sér
fyrir sér að Efling fylgi kröfum
sínum eftir með
uppfærðum ein-
kennisjökkum
stjórnarliða
félagsins sem
verða nú alvöru,
hnausþykkir
og svartir
leddarar með
áletruninni
GRIMMIR
ENGLAR
RÉTT-
LÆTIS.
40 Lífið 31. desember 2022 LAUGARDAGURFRéttablaðiðLífið FRéttablaðið 31. desember 2022 LAUGARDAGUR