Fréttablaðið - 31.12.2022, Blaðsíða 56

extra.is
Quality Street
Konfekt 2kg
2.899
EXTRA
ÓDÝRT
kr.stk.
Rodeo Joe's
Jalapeno Flamers 1,2kg
2.699 kr.stk.
Rodeo Joe's
Mozzarella Sticks 1,2kg
2.299 kr.stk.
Ben & Jerry’s Ís
899 kr.stk.
EXTRA
ÓDÝRT
við komum með
til þín
við komum með
til þín
Gleðilegt ár!
Afgreiðslutími
um áramótin
Barónsstígur
Akureyri
& Reykjanesbær
Opið 8:00-24:00
Opið 8:00-24:00
Opið 24/7
Opið 24/7
31. des. Gamlársdagur
1. jan. Nýársdagur
31. des. Gamlársdagur
1. jan. Nýársdagur
Óvirkar rannsóknarheimildir í Costco
Lögreglan verður, venju sam-
kvæmt, í sviðsljósinu á árinu
og upplýsingagjöf lögreglu
til almennings og fjölmiðla
mun taka svo stórtækum
framförum að ítrekað verður
boðað til blaðamannafunda um
ótrúlegustu mál og í hugum al-
mennings verða Halla Bergþóra
Björnsdóttir, Grímur Grímsson
og Margeir Sveinsson hið nýja
þríeyki.
Hryðjuverkamálið svokallaða
verður áfram áberandi á nýju ári
enda mun þjóðin þurfa að bíða
lengur eftir því að í það fáist
sannfærandi niðurstaða. Undir
lok árs verður lögmaðurinn
Sveinn Andri Sveinsson eina
ferðina enn á forsíðum vef-
miðlanna þar sem hann heldur
því enn fram að lögreglan og
ákæruvaldið hafi „gengið allt of
langt“.
Hann verður sérstaklega fúll
þegar hættustig vegna hryðju-
verka verður hækkað enn frekar,
nú vegna þess að skjólstæð-
ingur hans „lækaði“ færslu Páls
Vilhjálmssonar ekki Baugsmiðils
og sjálfskipaðs rannsakanda
Samherjamálsins.
Þessu tengt verður Guðjón
Valdimarsson, pabbi ríkislög-
reglustjóra, áfram í kastljósinu
en þó fyrir aðrar sakir en 2022.
Þó ekki alveg óskildar þar sem
vopnaviðskipti koma enn við
sögu þótt aðeins reynist um
leikfangabyssur í Costco að
ræða.
Glöggir vegfarendur sjá til
Guðjóns í Kauptúni fylla lítinn
sendibíl af byssukössum og
tilkynna yfirvöldum, fram hjá
ríkislögreglustjóra, sem verður
til þess að málið vindur hratt og
örugglega upp á sig. Rannsókn
lögreglu á samfélagsmiðlum í
krafti óvirkra rannsóknarheim-
ilda verður í framhaldinu til
þess að grunur um undirbúning
hryðjuverka fellur á stjórnendur
Facebook-hópsins Costco gleði
og nokkurs fjölda þeirra sem
þar hafa sig mest í frammi í at-
hugasemdum. Fólkið má síðan
dúsa í gæsluvarðhaldi fram eftir
haustinu sem ærir enn frekar
þegar óstöðugan Svein Andra.
Dugnaður og framtakssemi
lögreglu verður því til þess að
áfram verður örtröð í dóm-
sölum árið 2023. Völvan sér
áhrifavalda, stjórnmálafólk,
rithöfunda, sjónvarpsfólk og
bankamenn koma við á hinum
ýmsu dómstigum vegna marg-
víslegra brota, allt frá skattsvik-
um til óspekta á almannafæri.
Veraldarvafstur
þjóðkirkjunnar
Miklar
væringar halda
áfram innan
þjóðkirkjunnar
á árinu 2023
þar sem deilt
verður um allt
milli himins og
jarðar. Eins og
venjulega þó
aðallega um
hið veraldlega
þar sem fjármálin eru efst á
geislabaugi.
Þá standa mörg spjót á
Agnesi M. Sigurðardóttur
biskupi sem margir vilja bola
úr embætti. Biskup verst
fimlega og slær vopnin úr
höndum andstæðinga sinna
þegar henni tekst mjög
óvænt að fá Reykjahlíðar-
kirkju í Mývatnssveit sam-
þykkta á heimsminjaskrá.
Reykjahlíðarkirkja komst
á ótrúlegan hátt hjá því að
verða undir hraunstraumn-
um í Mývatnseldum á þriðja
tug 18. aldar þegar hann
rann beggja vegna kirkju-
byggingarinnar. Heimamenn
töldu þá öruggt að þar hefði
hönd Guðs almáttugs gripið í
hrauntaumana.
Þrátt fyrir það sem virðist
vera snilldarbragð Agnesar
kemur þó babb í kirkjuskipið
er í ljós kemur að Reykja-
hlíðarkirkju hefur verið
breytt í mathöll með áherslu
á eldsteiktan grillmat. Fara þá
kirkjunnar þjónar og svart-
stakkar aftur í hár saman og
margir máta sig leynt og ljóst
við biskupshempuna. Fremst
þar í flokki er kvenprestur
einn af höfuðborgarsvæðinu
sem slær í gegn með því að
sitja um grunnskólabörn og
hrópa að þeim ritningarorð.
En sá hlær best sem síðast
hlær og séra Agnes rís upp
þegar hún fer yfir málin í
sjónvarpsmessu á jóladag.
Agnes M.
Sigurðardóttir,
biskup Íslands
RÚV spreðar
Það hlakkar í RÚV-urum fyrir
þessi áramót enda er útvarps-
gjaldið að hækka og gert
er ráð fyrir að RÚV fái 5,71
milljarð. Þegar auglýsinga-
tekjur bætast við lætur nærri
að RÚV hafi úr 8,1 milljarði að
spila árið 2023.
Innanhúss er byrjað að
teikna upp kosningaárið 2023
og mun RÚV senda fólk um
allar trissur til þess að senda í
beinni út myndir af forsíðum
blaðanna í viðkomandi landi
og tala ensku við innfædda.
Þó verður sett spurningar-
merki við ferðalag frétta-
manna RÚV til Argentínu þar
sem verður kosið í október.
Greiðendur afnotagjaldanna
sjá ekki alveg tilganginn
enda ráðgert að senda
TikTok-fréttamann RÚV á
vettvang og greina aðeins frá
kosningunum á þeim miðli.
Þá fær fólk endanlega nóg af
bruðlinu í Efstaleiti án þess
þó að nokkuð breytist á þeim
ohf-bænum.
RÚV sendir TikTok-fréttamann
til Argentínu á árinu.
N4 yfirtekur fréttamarkaðinn
Samruni Kjarnans og Stundar-
innar verður til þess að ýmsir
aðrir forkólfar fjölmiðla fara
að tala saman. Samkeppni við
RÚV er enda vonlaus í þessu
umhverfi og árferði þannig að
fjölmargir miðlar renna saman
á árinu.
Útvarp Saga gengur inn í K100
og verður þar dagskrárliður á
sunnudögum. Merkilegt nokk
mun sá dagskrárliður, símatím-
inn Skrúfan er laus, slá í gegn.
Umfangsmesti samruninn
verður þó um mitt ár þegar N4,
með fulla vasa af peningum
skattborgara, kaupir Frétta-
blaðið og Hringbraut, Birting,
Austurgluggann, Fjarðarfréttir
og Eiðfaxa til þess að geta sent
út eitthvað sem með réttu má
kalla fréttir og uppfylla þannig
örugglega skilyrðið fyrir hinni
rausnarlegu aukafjárveitingu
hins opinbera. Framsóknar-
maðurinn Stefán Vagn Stefáns-
son verður gerður að aðal-
ritstjóra og fær hann titilinn
Njórinn.
N4 er með fulla vasa fjár eftir að
hafa fengið góðan og gleðilegan
styrk frá ríkisvaldinu.
Über alles
Torfæruakstur leigubílstjóra
virðist engan enda ætla að taka
á árinu. Óplægður snjór á götum
landsins leiðir til þess að þeir
verða af miklum viðskiptum og
ekki bætir úr skák þegar fyrsta
íslenska hundasleðaleigan lítur
dagsins ljós.
Óhjákvæmilegt strandhögg
Über bætir gráu ofan á mal-
bikssvart og líkir formaður
Bandalags íslenskra leigubif-
reiðastjóra meðferð íslensku
þjóðarinnar á stéttinni við
helförina.
Átakið Römpum upp Ísland
veitir öðru rampaverkefni
innblástur á árinu. Þar er þó
ekki unnið að bættu aðgengi
fyrir fólk með fötlun að hinum
ýmsu stofnunum heldur eru
ramparnir hugsaðir sem lausn á
umferðarteppum borgarinnar.
Í stað umferðarljósa á gatna-
mótunum við Kringluna verður
feiknastórum rampi komið þar
fyrir. Ökumenn á Miklubraut
þurfa þar að ná ógnarhraða til
þess að ná stökkinu yfir bílana á
Kringlumýrarbrautinni en þurfa
þó ekki að bíða eftir grænu ljósi.
Tilraunakennt verkefnið endar
með fyrirsjáanlegum ósköpum
og er lagt af stuttu síðar.
Óplægður snjór er allt annað en
vatn á myllu bílstjóra.
44 Lífið 31. desember 2022 LAUGARDAGURFréttablaðið