Fréttablaðið - 31.12.2022, Page 54

Senuþjófnaður Samherja
Ísland verður áberandi á er-
lendum streymisveitum árið
2023. Landslýður er að farast
úr spenningi fram eftir árinu
eftir að Netflix boðar tíu
þátta spennutrylli byggðan á
Samherjaskandalnum.
Þættirnir eru að miklu
leyti teknir upp í Namibíu
og á Írlandi og vekja síðan
heimsathygli og áhorfsmetin
falla víða þegar Christopher
Walken stelur senunni í hlut-
verki sínu sem Þorsteinn Már.
Á Íslandi ætlar hins vegar
allt um koll að keyra þegar
í ljós kemur að Samherji er
einn helsti meðframleiðandi
þáttanna sem reynast sann-
kallaður hvítþvottur á braski
fyrirtækisins á vettvangi
alþjóða.
Brynjar Níelsson lýsir því
yfir á Facebook að svona sé
þetta bara og segir þættina
komast miklum mun nær
raunveruleikanum en Ver-
búð, sællar minningar.
Nostalgíurúnkið í Stranger
Things nær nýjum og nú
íslenskum hæðum þegar
eitís-krúttin taka Emmess
íshopp út í næstu búð.
Þá birtist stikla fyrir nýj-
ustu myndina um ökuþórana
í The Fast and the Furious
þar sem Vin Diesel í hlut-
verki Dominic Torretto sést
reykspólandi á Bíladögum á
Akureyri.
Í kjölfarið verða akur-
eyrskar pylsur með frönskum
undir að alþjóðlegu æði og
flykkjast erlendir ferðamenn
í pílagrímsferð norður í land
frekar en á Bæjarins beztu til
að gæða sér á „orginalnum“.
Síðan tekur því vitaskuld
varla að láta þess getið að
Hildur Guðnadóttir vinnur sín
önnur Óskarsverðlaun árinu.
En ekki hvað?
Vin Diesel og félagar heim-
sækja Ísland á ný.
Vilhjálmur mun
opinbera allt á
nýju ári.
Eftirköst Kúmensins
Nafnabreyting Stjörnutorgs í
Kúmen leiðir til þess að fleiri
rammíslenskir staðir gangast
undir andlitslyftingu til þess
að bregðast við alþjóðlegum
þrýstingi. Plokkfiskurinn og
kjötsúpan á Múlakaffi fá að
víkja fyrir vegan dumplings og
eggjanúðlum á hinum nýnefnda
Mulan Café.
Ferðamennirnir flykkjast að
í hrönnum til þess að fá sér IPA
og hreindýraborgara á Light–
house Brewery, áður Vitabar.
Akureyringar eiga erfitt með
að þekkja Bautann sem heitir
nú Anís. Og Drekkingarhylur
á Þingvöllum trendar á Insta-
gram undir nýju nafni sínu, Þing
Lagoon.
Umbreyting Stjörnutorgs á
eftir að hafa frekari eftirmál í ís-
lenskum veitingaiðnaði þar sem
offramboð á veitingakjörnum
leiðir til þess að fyrsta mathöll-
in leggur upp laupana og skellir
í lás. Ekki liggur fyrir hvaða mat-
höll það verður af þeim tugum
sem risið hafa á undanförnum
árum en fastagestirnir verða því
miður að leita annað í von um
að geta fengið hádegisverð á
þrjú þúsund og fimm hundruð
krónur.
Fleiri munu elta Kúmen og taka upp rammíslensk nöfn.
Laugardalsvöllur víkur
Reykjavíkurborg með sína
milljarða í mínus endar
föst í skafli þegar kemur að
uppbyggingu íþróttamann-
virkja í Laugardal og hleypir
nágrannasveitafélögum að
borðinu.
Garðabær stekkur á nýjan
þjóðarleikvang og Mosfells-
bær tekur við frjálsum
íþróttum. Hafnarfjörður fær
að reisa þjóðarhöll fyrir hand-
boltann en því fylgir skandall.
Stjórn FH stelur nánast öllum
peningunum sem átti að fara
í nýja þjóðarhöll og heldur til
Danmerkur í innkaupaleið-
angur fyrir tuðrusparkið.
FH verður með rosalegt
lið í Bestu deildinni en Ísland
verður áfram heimilislaust í
handboltanum og áfram deilt
um þjóðarhöllina svokölluðu.
Borgin segir bless við Laugardal.
Upplýst mygla
Siðanefnd Háskóla Íslands
verður kölluð til þegar mygla
kemur, eina ferðina enn, upp í
ónefndum grunnskóla lands-
ins. Aðkoma nefndarinnar
að málinu er tilkomin þar
sem myglan hefur fengið að
grass era það lengi að hún er
orðin viti borin.
Ákvörðun um hvernig skuli
átt við hina fornu en gáfuðu
myglu verður siðferðis-
legt álitamál sem opinberir
starfsmenn hvorki mega
né eru færir um að skera úr
um, enda ekki jafn greindir
og myglan. Myglunni er að
lokum komið fyrir í stöðu
upplýsingafulltrúa hjá
Reykjavíkurborg.
Myglan er komin til að vera.
Bi
rt
m
eð
fy
rir
va
ra
u
m
p
re
nt
vil
lu
r.
He
im
sfe
rð
ir
ás
kil
ja
sé
r r
ét
t t
il l
eið
ré
tti
ng
a á
sl
íku
. A
th
. a
ð v
er
ð g
et
ur
b
re
ys
t á
n
fyr
irv
ar
a.

595 1000 www.heimsferdir.is
80.450
Flug & hótel frá
Fyrir 2
á mann
BÓKAÐU SÓL
ALLUR PAKKINN
TenerifeDraumaean
25. JANÚAR Í 7 NÆTUR
Sunneva Eir
Einarsdóttir
mun eiga einkar
hamingjuríkt ár.
Skápafjör og framhjáhald
Eftir ár gleði og sorgar tekur
nýr veruleiki við hjá bresku
konungsfjölskyldunni árið 2023.
Allt verður vitlaust í apríl og
maí þegar Karl konungur lætur
loksins krýna sig þann 6. maí.
Krúnan verður sökuð um yfir-
gengilegt bruðl með almannafé
í kringum það prjál allt saman en
Kalli kóngur mun ekki gefa neitt
eftir og færa fyrir því rök að það
sé mikilvægt að þjóðhöfðingi
21. aldar sé kynntur til leiks með
sem mestum glæsibrag.
Sveppasoðnir draugar fram-
tíðar upplýsa völvuna um að
krónprinsinn Vilhjálmur
muni koma krúnunni
til bjargar á mjög
óvæntan hátt og
að heimsbyggðin
muni standa á
öndinni í miðjum
júnímánuði þegar
prinsinn segir
skilið við Katrínu
sína Middleton.
Allt verður í
hers höndum í
kjölfarið en lætin
ganga fljótt niður
þegar í ljós kemur að Vilhjálmur
hefur um árabil átt í ástarsam-
bandi við fyrrverandi einkaþjón
ömmu sinnar, Elísabetar II.
heitinnar. Vilhjálmur kemur út
úr skápnum í löngu viðtali við
BBC og samúð almennings með
prinsinum verður svo mikil að
öll reiði gegn honum fyrir fram-
hjáhaldið sem og reiðin gegn
Karli mun hverfa eins og dögg
fyrir sólu.
Völvan sér ekki mikið í
kortunum hjá Harry og Meghan
annað en að þau munu
halda áfram að vekja
á sér athygli fyrir að
vera tilgerðarleg
og leiðinleg með æ
minni árangri þar sem
áhugi breskra götu-
blaða á forréttinda-
blindum barlómi
þeirra dofnar hratt
eftir að sannleik-
urinn um Vilhjálm
kemur í ljós.
Róstur í heimi samfélagsmiðlastjarna
Aukin harka mun færast í heim
samfélagsmiðlastjarna á árinu.
Völvan sér fyrir sér að sífellt
fleiri fyrrverandi glæpamenn
muni hasla sér völl á vettvangi
samfélagsmiðlanna, meðal
annars á Instagram og Twitter.
Fyrrverandi handrukkarar munu
stofna vinsælt hlaðvarp sem
mun reyna á siðferðisleg þol-
mörk þjóðarinnar.
Kristján Einar Sigurbjörnsson
verður ekki alveg í kleinu þetta
árið og mun finna ástina að
nýju. Það verður engin venjuleg
kona ef marka má kristalskúlu
völvunnar.
Á öðrum vettvangi
mun reyna mikið
á LXS-píurnar við
tökur á annarri seríu
raunveruleikaþátta
þeirra. Nýr fram-
leiðandi, fyrrver-
andi gagnrýnandi
Ríkisútvarpsins,
mun leggja til
dramatískar
breytingar á
handritinu og
fer fram á raun-
veruleg vinslit
vegna þess að það standist ekki
kröfur samtímans að fólk rífist
í þykjustunni með einhverjum
leikaraskap. Þetta verður til
þess að allt springur í loft upp
og þessar vinsælustu skvísur
landsins munu halda hver í sína
áttina að lokinni Þjóðhátíð í
Eyjum.
Þriðja auga völvunnar sér þó
þau gleðitíðindi að barn sé í
kortunum hjá Sunnevu Einars-
dóttur og Benedikt Bjarna-
syni. Meðgangan mun gera
parið enn nánara og hamingjan
verður allsráðandi á heimili
ættföðurins Bjarna Benedikts-
sonar fjármálaráðherra. Völvan
telur ljóst að um stúlkubarn sé
að ræða, að henni verði gefið
nafnið Katrín og að hún verði
jafn brosmildur gleðigjafi
og nafna hennar þannig að
ósættið við vinkon-
urnar í LXS gleymist
fljótt.
Frú Ayawazka í skógarrjóðri í Hvalfirðinum nýstigin úr svetti þar sem árið 2023 birtist henni ljóslifandi.
42 Lífið 31. desember 2022 LAUGARDAGURFréttablaðið