Morgunblaðið - 03.11.2022, Síða 2

2 FRÉTTIR
Innlent
MORGUNBLAÐIÐ FIMMTUDAGUR 3. NÓVEMBER 2022
Leikskólarnir yfirmannaðir
- Reykjavíkurborg gerir ráð fyrir að starfsfólki fækki úr 1.775 í 1.700 árið 2023
Að mati skóla- og frístundasviðs
borgarinnar hafa leikskólar Reykja-
víkurborgar á árinu 2021 verið yfir-
mannaðir um eitt til tvö stöðugildi á
leikskóla.
Þetta kemur fram í tilkynningu
frá Reykjavíkurborg þar sem segir
jafnframt að yfirmönnunin hafi kom-
ið til vegna hólfunar og aðgerða í
leikskólum vegna kórónuveirufar-
aldursins í upphafi árs og eru vís-
bendingar um að enn sé eitthvað um
yfirmönnun, sé tekið mið af rekstr-
ar- og mönnunarlíkani leikskóla.
Einar Þorsteinsson, forseti borg-
arstjórnar, útilokaði ekki í viðtali við
mbl.is í gær að farið yrði í uppsagnir
en sagði þó að almenna reglan væri
að nýta starfsmannaveltu og vega og
meta hvert starf sem losnar.
Fækka úr 1.775 í 1.700
Í greinargerð fagsviða og B-hluta
fyrirtækja með fjárhagsáætlun
borgarinnar 2023, sem birtist í gær,
kom fram að gert væri ráð fyrir að
starfsfólki leikskóla fækkaði úr 1.775
á þessu ári í 1.700.
Í tilkynningu borgarinnar segir að
vegna væntanlegrar fjölgunar barna
á leikskólum og fjölgunar leikskóla-
plássa muni áætlun ársins 2023 taka
breytingum. „Sem stendur byggist
áætlunin á fjölda barna í leikskólum
borgarinnar í byrjun september
2022. Allar viðbætur, svo sem fjölg-
un starfsmanna og breytingar á
barnafjölda, bætast við grunnáætlun
þegar þær raungerast, t.d. þegar
nýr leikskóli opnar. Leikskólar
Reykjavíkur eru mannaðir í sam-
ræmi við þarfir sem taka mið af aldri
barna og enginn afsláttur er gefinn
af þjónustu sem snýr að umönnun
þeirra. “
Alls eru 68 leikskólar reknir af
Reykjavíkurborg. Vinna við út-
færslu á nýju reiknilíkani fyrir leik-
skóla er á lokametrunum og í yfir-
ferð hjá skóla- og frístundasviði og
fjármála- og áhættustýringu. Búist
er við að líkanið verði tekið til um-
fjöllunar í borgarráði strax í janúar
2023.
Vill ráða fólk yfir sjötugu
Í október lagði fulltrúi Flokks
fólksins til í borgarráði að fólk yfir
sjötugu yrði ráðið til starfa í leik-
skólum til þess að leysa þann mönn-
unarvanda sem væri til staðar. Í
bókun Samfylkingar, Framsóknar,
Pírata og Viðreisnar kom fram að 83
stöðugildi vantaði í október.
Jólin eru komin á systurstöð
K100, Retro, nú JólaRetro, þar
sem bestu jólalögin fá að hljóma
allan sólarhringinn fram að jól-
um og koma þannig hverjum
sem stillir á stöðina í jólaskap.
Bjarni Ara verður á sínum
stað með létt innslög og upplýs-
ingar um það sem er að gerast í
aðdraganda jóla en aðal-
áherslan verður að sjálfsögðu á
jólalögin sem allir þekkja og
elska.
Hægt er að hlusta á JólaRetro
á FM 89,5 á höfuðborgarsvæð-
inu, FM 101,9 á Akureyri, á net-
inu á retro895.is og í útvarps-
spilara sjónvarpsþjónustanna.
Einnig má hlusta á Retro í
gegnum öppin „Spilarinn“ eða
„TuneIn“ í öllum Apple- og
Android-símum. » 50
Jólin koma snemma
á JólaRetro í ár
- Öll bestu jólalögin hljóma á Retro
Ljósmynd/Colourbox
Jól Retro varð JólaRetro í dag þar
sem heyra má öll bestu jólalögin.
Veronika Steinunn Magnúsdóttir
veronika@mbl.is
Hæstiréttur staðfesti í gær sýknu-
dóm héraðsdóms í þremur málum
þriggja félaga úr Gráa hernum, bar-
áttuhópi eldra fólks um lífeyrismál,
vegna skerðinga
í almannatrygg-
ingakerfinu.
Grái herinn
íhugar að fara
með málið fyrir
Mannréttinda-
dómstól Evrópu.
Snerist það
um hvort skerð-
ingar opinberra
lífeyrisgreiðslna
í hlutfalli við réttindi, sem ellilífeyris-
þegar hafa áunnið sér í lífeyrissjóðum
með vinnuframlagi sínu og iðgjöldum,
væru andstæðar stjórnarskrá.
„Auðvitað horfir þetta ekki vel
við mér,“ segir Ingibjörg H. Sverris-
dóttir, félagi í Gráa hernum og for-
maður Félags eldri borgara í Reykja-
vík, spurð hvernig niðurstaðan horfi
við henni.
„Við byrjuðum árið 2018. Þá var
hugurinn sá að ef dómstólar hér
myndu hafna því sem við erum að
berjast fyrir, myndum við hugleiða að
fara með málið til Mannréttindadóm-
stóls Evrópu,“ segir Ingibjörg, sem
fundar ásamt öðrum fulltrúum Gráa
hersins og lögmönnum félagsins á
morgun.
Málshöfðunin var reist á því
sjónarmiði að með skerðingu opin-
berra lífeyrisgreiðslna í hlutfalli við
réttindi, sem ellilífeyrisþegar hafa
áunnið sér í lífeyrissjóðum með
vinnuframlagi sínu og iðgjöldum,
væri gengið gegn stjórnarskrárvörð-
um eignarétti lífeyrisþega. Taldi Grái
herinn að skerðingin næmi allt að
56,9% af greiðslum úr lífeyrissjóði.
Taldi Hæstiréttur í máli eins
þeirra að skerðingarnar hefðu hvílt á
málefnalegum sjónarmiðum, væru al-
mennar og gerðu ekki slíkan grein-
armun á einstaklingum að þær fælu í
sér ólögmæta mismunun, andstætt
fyrirmælum 62. gr. stjórnarskrár-
innar. Þá var ekki talið að sýnt hefði
verið fram á að eignaréttur sama fé-
laga hefði verið skertur með skerð-
ingunum.
Grái her-
inn tapaði í
Hæstarétti
Ingibjörg H.
Sverrisdóttir
- Íhuga nú að fara
með málið fyrir MDE
230 starfsmenn Reykjavíkurborgar
fengu ekki greidd laun þessi mán-
aðamótin. Í skriflegu svari frá Elfu
Björk Ellertsdóttur, upplýsingafull-
trúa hjá Reykjavíkurborg, segir að
láðst hafi að láta launaskrifstofu
hafa upplýsingar um ný reiknings-
númer starfsfólks. „Bönkunum er
ekki lengur heimilt að áframsenda
þessar upplýsingar vegna laga um
persónuvernd og það er þá á ábyrgð
launþega að láta vita um breytingar
á reikningsupplýsingum,“ segir hún
og bætir við að hugsanlega séu ein-
hverjar undantekningar þar á. Ver-
ið sé að kanna hvert tilvik fyrir sig.
Unnið er að því að leiðrétta mistökin
sem fyrst að sögn Elfu.
230 starfsmenn
fengu ekki laun
Morgunblaðið/Kristinn Magnússon
Reykjavíkurborg Unnið verður að því að
leiðrétta launamistökin sem fyrst.
Í dag er birt Dagmálaviðtal við þá Bjarna Bene-
diktsson og Guðlaug Þór Þórðarson, sem etja
munu kappi í formannskjöri á landsfundi Sjálf-
stæðisflokksins, sem fram fer um helgina. Áður
en atið í myndveri Árvakurs hófst tóku ritstjórar
Morgunblaðsins, Davíð Oddsson og Haraldur
Johannessen, á móti frambjóðendunum. Ekki er
að efa að Davíð, fyrrverandi formaður flokksins,
hefur lumað á góðum ráðum til þeirra.
Formannsframbjóðendur koma í hús
Morgunblaðið/Eggert
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
At
h.
að
ve
rð
ge
tu
b
á
f
i
60+ Á TENERIFE
ur
br
e
5. JANÚAR Í20NÆTUR
með Gunnari Svanlaugs
595 1000 www.heimsferdir.is
298.900
Flug & hótel frá
20nætur
Fararstjóri:
Gunnar Svanlaugsson
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.