Morgunblaðið - 03.11.2022, Qupperneq 22

22 FRÉTTIR
Innlent
MORGUNBLAÐIÐ FIMMTUDAGUR 3. NÓVEMBER 2022
S Lite Hybrid
14.396 kr. / 17.995 kr.
St. 39-46
KAUPHLAUP Í SMÁRALIND
0% AFSLÁTTUR AF VÖLDUM SKÓM
NOUVELLE
15.996 kr./ 19.995 kr.
St. 36-41
*GILDIR 3.-7. NÓVEMBER
S Lite Hybrid
11.996 kr. / 14.995 kr.
St. 39-46
NOUVELLE
19.996 kr. / 24.995 kr.
St. 36-43
SMÁRALIND - SKÓR.IS
Sigtryggur Sigtryggsson
sisi@mbl.is
„Raunveruleikinn er engu að síður
sá að þúsundir fermetra af at-
vinnuhúsnæði standa enn auðar á
jarðhæðum hverfisins og virðist
lítið bóla á breytingum í þeim efn-
um.“ Þetta segir orðrétt í bókun
íbúaráðs Miðborgar og Hlíða frá
27. október, þegar fram fór um-
ræða í ráðinu um nærþjónustu í
Valshverfinu á Hlíðarenda.
Í þessu hverfi hefur verið gífur-
leg uppbygging á undanförnum
árum. Í öllum húsunum eru íbúðir
á efri hæðum og á jarðhæð margra
þeirra er atvinnuhúsnæði. Þegar
gengið er um hverfið má sjá mörg
hundruð lengdarmetra af óinnrétt-
uðu atvinnuhúsnæði. Búið er að
opna hársnyrtistofu, vefnaðarvöru-
búð og fæðingarheimili.
Bílastæðaskortur ástæða?
Á meðal þeirra skýringa sem
borist hafa íbúaráðinu eru þær að
áhugasamir aðilar séu efins um að
hefja starfsemi í hverfinu sökum
bílastæðaskorts fyrir viðskiptavini,
segir í bókun íbúaráðsins.
„Hverfið er þó hannað til þess
að auðvelt verði fyrir bæði íbúa
hverfisins og nærliggjandi hverfa
að sækja þar verslun og þjónustu.
Eftirspurnin er svo sannarlega til
staðar nú þegar íbúafjöldi hverf-
isins er orðinn meiri en í mörgum
bæjarfélögum um land allt. Jafn-
framt hefur verið bent á að að-
gengi til að koma vörum fyrir í
versluninni sé ekki nægilegt – en
engu að síður virðist það vel ger-
legt fyrir verslanir í Þingholtum
og víða annars staðar í miðbæ
Reykjavíkur,“ segir orðétt.
Íbúaráðið bendir á að á næstu
dögum standi til að opna mat-
vöruverslun á horni Hlíðarfótar og
Haukahlíðar sem sýni fram á að
aðgengi sé þrátt fyrir allt prýði-
legt. Á fundi byggingarfulltrúa
Reykjavíkur hinn 1. nóvember síð-
astliðinn var einmitt tekin til af-
greiðslu umsókn Fasteignastýr-
ingar ehf., Ingólfsstræti 3, um leyfi
til að breyta innra skipulagi, þ.e.
innrétta matvöruverslun í húsi nr.
11 við Hlíðarfót á lóð nr. 5 við
Haukahlíð. Var umsóknin sam-
þykkt en áskilin var lokaúttekt
byggingarfulltrúa og samþykki
heilbrigðiseftirlitsins.
Skorað á verslunareigendur
Á spjaldi í glugga húsnæðisins
má lesa að verslunin K-market
verði opnuð þar fljótlega en sjá má
að vinna við innréttingar virðist
ekki hafin í húsnæðinu.
„Íbúaráðið skorar því á áhuga-
sama verslunareigendur og aðra
þjónustuaðila að taka af skarið og
anna eftirspurn íbúa hverfisins,“
segir í lok bókunarinnar.
Þúsundir fermetra ónotaðar
- Íbúaráð Miðborgar og Hlíða hefur áhyggjur af nærþjónustu í nýja Valshverfinu - Fá fyrirtæki
hafi haslað sér þar völl þótt íbúafjöldinn sé orðinn meiri en í mörgum bæjarfélögum á landinu
Morgunblaðið/sisi
Matvöruverslun Á næstunni mun verslunin K-Market væntanlega opna dyr
sínar fyrir íbúunum í Valshverfinu. Leyfi liggur fyrir hjá borgaryfirvöldum.
Hlíðarendi Víða eru eignir til sölu.
Sigtryggur Sigtryggsson
sisi@mbl.is
Borgarráð hefur samþykkt að selja
nýstofnuðu félagi, D2001 ehf., lóðina
Haukahlíð 4 og byggingarrétt á
henni. Kaupverðið er 1.855 milljónir
króna. Lóðin er Valssvæðinu við
Hlíðarenda, nálægt flugvellinum og
skammt frá Hringbraut.
Upphaflega átti að rísa þarna at-
vinnuhúsnæði, m.a. stærsta hótel
landsins í herbergjum talið (450 her-
bergi), en síðar var landnotkuninni
breytt í íbúðasvæði. Á þeim tíma var
ekki talin þörf á enn einu risahót-
elinu í höfuðborginni.
Í sumar auglýsti Reykjavíkurborg
til sölu byggingarrétt á lóðinni
Haukahlíð 4. Tilboð voru opnuð 8.
ágúst. Þrjú tilboð bárust. Skientia
ehf. bauð krónur 2.675.000.000,
D2001 ehf. krónur 1.855.000.000 og
Framkvæmdarfélagið Arnarhvoll
ehf. krónur 1.789.480.000.
Borgarráð samþykkti í framhald-
inu að selja Skientia, Traðarlandi 14
Reykjavík, byggingarréttinn á til-
boðsverðinu. Á fundi borgarráðs 27.
október sl. var samþykkt að fella
niður lóðarúthlutun til Skientia
ásamt byggingarrétti fyrir íbúðar-
húsnæði í Haukahlíð 4 þar sem ekki
hefði verið greitt fyrir lóðina innan
tiltekins frests, sem var 45 dagar.
Á sama fundi borgarráðs var sam-
þykkt að selja næstbjóðanda, D2001,
Ögurhvarfi 6 Kópavogi, lóðina
Haukahlíð 4 og byggingarrétt fyrir
tilboðsupphæðina. Auk greiðslu fyr-
ir byggingarrétt greiðast krónur
280.712.700 í gatnagerðargjöld. Um-
rædd fjölbýlishúsalóð er 6.454 fer-
metrar að stærð og þar verður heim-
ilt að reisa 19.100 fermetra
byggingu. Á lóðinni Haukahlíð 4
gætu risið hátt í tvö hundruð íbúðir.
Fram kemur í tilkynningu í Lög-
birtingablaðinu að félagið D2001 ehf.
var stofnað í júlí í sumar. Stofnandi
er byggingarfyrirtækið Dalhús ehf.,
sem hefur byggt fjölmargar íbúðir á
Valssvæðinu á Hlíðarenda. Formað-
ur stjórnar D 2001 ehf. er Sigurður
Sigurgeirsson og framkvæmdastjóri
Bjarni Már Bjarnason.
Á sama svæði við Hlíðarenda er
önnur lóð, Haukahlíð 2. Í október
2021 samþykkti borgarráð sam-
komulag við lóðarhafann, S 8 ehf.,
um uppbyggingu á lóðinni.
Íbúðir verði 175-195
Samkvæmt því var áætlað að um
19.100 fermetrum af heimiluðu
byggingarmagni á lóðinni yrði
breytt úr atvinnuhúsnæði í íbúðar-
húsnæði. Hámarksíbúðafjöldi var
ekki skilgreindur en miðað við að
meðalstærð íbúða verði 90-100 fer-
metrar er íbúðafjöldi 175-195.
Samkvæmt samningsmarkmiðum
Reykjavíkurborgar hafa Félags-
bústaðir kauprétt á 5% íbúða á
hvorri lóð við Haukahlíð.
Loks er að nefna syðstu lóðina við
Haukahlíð, númer 6. Á henni hyggst
Bjarg leigufélag byggja 70 íbúðir.
Stefnt er að því að framkvæmdir
hefjist vorið 2023.
Hæstbjóðandi stóð ekki í skilum
- Reykjavíkurborg seldi nýstofnuðu félagi D 2001 ehf. lóð við Haukahlíð fyrir 1.855 milljónir króna
Morgunblaðið/Árni Sæberg
Haukahlíð Til stóð að þar risi stærsta hótel á Íslandi. Í staðinn verða byggð fjölbýlishús með hundruðum íbúða.