Morgunblaðið - 19.11.2022, Síða 4

FRÉTTIR
Innlent4
MORGUNBLAÐIÐ LAUGARDAGUR 19. NÓVEMBER 2022
Sesann
www.vest.is • Ármúli 17 • Sími: 620 7200
Kærunefnd vöru- og þjónustukaupa
hefur úrskurðað að fyrirtæki sem
auglýsti fjórhjól til sölu á netinu
skyldi standa við auglýst verð í
vefverslun, þrátt fyrir að hjólið hafi
átt að kosta einni milljón meira.
Kærunefndinni barst beiðni um
úrskurð frá kaupanda sem reyndi
að kaupa fjórhjól í gegnum vefsíðu
fyrirtækisins 6. desember 2021.
Verð fjórhjólsins var sagt vera
1.790.000 krónur. Þrátt fyrir að
setja fjórhjólið í vörukörfuna og
fylla út umbeðnar upplýsingar var
ekki hægt að ganga frá greiðslunni
og komu sjálfvirk skilaboð um að
hafa samband við seljandann.
Kaupandinn taldi að pöntun-
in væri komin af stað og hafði
samband við seljandann tveimur
dögum seinna. Þá var kaupandan-
um sagt að fjórhjólið kostaði í raun
2.790.000 krónur eða einni milljón
meira en sagði í vefversluninni
tveimur dögum fyrr. Fyrirtækið bar
því við að skráningin á vefsíðunni
hefði verið röng og var kaupand-
anum boðið að borga 2.490.000
krónur, sem honum þótti of mikið
miðað við verðið sem var auglýst.
Í úrskurðinum segir m.a. að
almennt hafi verið litið svo á í
fræðiskrifum á sviði neytendaréttar
„að túlka verði auglýsingu seljanda
á netinu, hvort sem er í vefverslun
eða á vefsíðu, sem tilboð sem neyt-
andi getur gengið að á því verði sem
gefið er þar upp, svo bindandi sé
fyrir seljandann í flestum tilvikum“.
lKostaði í raun
einnimilljónmeira
en auglýst var
Auglýst verð á fjórhjóli í
vefverslun var látið standa
Morgunblaðið/Helgi Bjarnason
FjórhjólVerslun sat uppi með millj-
ón króna mistök í auglýsingu.
Morgunblaðið/Eggert
Skemmtistaður Árásin var framin á Bankastræti Club í miðbæ Reykjavíkur undir miðnætti á fimmtudagskvöld.
Staðurinn var ekki opinn í nótt en eigendur hans vonast til þess að hægt verði að opna hann að nýju í kvöld.
Umtuttugu í felum
lÞrír særðir eftir stunguárás á skemmtistaðnum Banka-
stræti ClublÁrásarmenn voru um 30lÁtta handteknir
Þrjátíu manna hópur lögreglumanna
leitaði í gær þeirra einstaklinga sem
frömdu stunguárás á skemmtistaðnum
Bankastæti Club ímiðbæReykjavíkur
undirmiðnætti á fimmtudag. Lögregla
fór víða í gær og óskaði meðal annars
eftir aðstoð lögreglunnar á Suðurlandi
við leitina.
Þrír karlmenn í kringum tvítugt
hlutu stungusár í árásinni. Voru þeir
fluttir á bráðadeild Landspítala, en
þeir eru ekki taldir vera í lífshættu.
Árásin er rannsökuð sem tilraun til
manndráps.
Lögregla telur að umþrjátíu einstak-
lingar hafi tekið þátt í árásinni og er
búið handtaka átta þeirra. Af þeim
átta sem lögregla hefur handtekið er
búið að ákveða að fara fram á gæslu-
varðhald yfir þremur en ekki lá fyrir
ákvörðun um aðra í gærkvöldi.
Tuttugu enn leitað
Þó að búið sé að handtaka átta
einstaklinga er um tuttugu enn leitað.
„Þeir eru í felum og vita að lögreglan
er að leita að þeim,“ sagði Margeir
Sveinsson, aðstoðaryfirlögregluþjónn
hjá lögreglunni á höfuðborgar-
svæðinu, í samtali við mbl.is í gær.
Þá fylgist lögreglan með því hvort
einhverjir hinna grunuðu reyni að
flýja land. Ekki hefur verið tekin
ákörðun um hvort farið verði fram á
farbann. „Það verður bara að koma í
ljós. Þetta er hlutur sem að við erum
að vinna í og eitt af því er auðvitað
að menn komist ekki úr landi,“ segir
Margeir.
Allir í kringum tvítugt
Að sögn lögreglu eru allir sem tóku
þátt í árásinni í kringum tvítugt. Flestir
þeirra sem lögregla telur hafa komið
að henni eru karlmenn en einhverjar
konur eru einnig taldar eiga aðild. Þá
er talið að allir sem hafi tekið þátt í
skipulagningu árásarinnar hafi mætt
á skemmtistaðinn.
„Við erum að reyna að átta okkur á
því hverjir taka þátt í hverju, hlutverki
hvers og eins.Við lítumsvo á aðhver og
einn hafi átt hlutverk þannig að þátt-
taka þessara aðila er svo sannarlega
í þessari atlögu, það svo sem breytir
engu hver gerir hvað,“ segir Margeir.
Margeir vildi hvorki gefa upp hvort
einhverjir þeirra sem lögregla telur
hafa tekið þátt í árásinni hafi áður
komið við sögu lögreglu né hvort lög-
regla teldi hópinn tengjast skipulagðri
glæpastarfsemi.
Sex húsleitir
Lögreglan á höfuðborgarsvæðinu fer
með rannsóknmálsins, en hún beinist
m.a. að því hvort árásin tengist upp-
gjöri eða hefndaraðgerðum. Í gær
fór lögreglan í sex húsleitir á höfuð-
borgarsvæðinu. Í samtali við mbl.is
vildi Margeir ekki gefa upp hvað það
væri nákvæmlega sem lögreglan leitaði
að. Þá telur lögregla að almenning-
ur þurfi að ekki óttast um öryggi sitt
vegna árásarinnar. „Þeir eru þarna að
fara í ákveðnamenn, það er fleira fólk
þarna inni og það alveg látið vera,“
segir Margeir.
Morgunblaðið/Kristinn Magnússon
RannsóknMargeir Sveinsson segir að þeir 30 einstaklingar sem komu að
árásinni hafi allir verið farnir af skemmtistaðnum er lögreglu bar að.
Inga Þóra Pálsdóttir
ingathora@mbl.is
Pattstaða virðist vera um hver
bæta eigi aðstöðu fyrir fatlað fólk
á stoppistöðvum Strætó út um
land. Í Morgunblaðinu í gær sagði
frá athugun sem gerð var fyrir Ör-
yrkjabandalagið um aðgengi á þeim
stöðum þar sem fólksflutningabílar í
almenningssamgöngum taka farþega
og hleypa út. Alls voru 168 biðstöðv-
ar á landsbyggðarleiðum teknar út,
en aðeins tvær uppfylltu allar kröfur.
Almenningssamgöngur út um land
eru í umsjón Vegagerðarinnar. Skv.
svörum þaðan er vandinn ljós og tek-
ið er undir að úrbóta sé þörf. Engin
sérstök fjárveiting er hjá stofnuninni
til úrbóta á þessu sviði.
„Staðan er sú að sumar
stoppistöðvar eru á landi sveitarfé-
laga eða einkaaðila og eru því háðar
þeirra leyfi. Vegagerðin hefur biðlað
til sveitarfélaga, þar sem stöðvar eru
staðsettar, að taka tillit til þess við
gerð deiliskipulags,“ segir Sigríður
Inga Sigurðardóttir hjá samskipta-
deild Vegagerðarinnar.
Gerumbetur
Heiða Björk Hilmisdóttir, formað-
ur velferðarráðs Reykjavíkur, bendir
í samtali við Morgunblaðið á að ríki
og sveitarfélög hafi tekið höndum
saman um að bæta aðgengi fyrir
fatlað fólk í opinberum byggingum,
að almenningssamgöngum, útivist-
arsvæðum og fleiru slíku. Úttektir
sýni að mikil þörf sé á úrbótum.
Ákveðið var að þetta aðgengisátak
mundi standa út 2022 og að minnsta
kosti 700 m.kr. verði varið í að bæta
aðgengi.
„Ef staðan er ekki viðunandi í lok
árs 2022 finnst mér augljóst að við
þurfum að framlengja átakið og
einfaldlega gera betur,“ segir Heiða
Björk. sbs@mbl.is
Ekkert fé til úrbóta á
stoppistöðvum Strætó
lVegagerðin biðlar til sveitarfélaga
Íslendingar ávísa mun meira af
sýklalyfjum en þær þjóðir Evrópu
þar sem sýklalyfjanotkun er með
sem skynsamlegustum hætti. Til
dæmis eru ávís-
anir til barna
á aldrinum 0-4
ára fimmfalt
fleiri hér á landi
en í Svíþjóð.
Þetta segir Jón
Steinar Jónsson,
yfirlæknir á
Þróunarmið-
stöð íslenskrar
heilsugæslu, en
hann var meðal þeirra sem héldu
erindi í gær á fræðsludegi á vegum
embættis landlæknis í tilefni af
evrópska sýklalyfjadeginum.
Ef öll lönd Evrópu eru tekin með í
reikninginn er sýklalyfjanotkun Ís-
lendinga meðalmikil en Jón Steinar
segir mikilvægt að bera sig saman
við þá sem best hafi staðið sig í
þessum efnum.
Frá 2017 til 2021 hefur ávísunum
fækkað um fjórðung hérlendis.
Árið 2017 lögðu Þróunarmiðstöð
íslenskrar heilsugæslu, sótt-
varnalæknir og Sýklafræðideild
Landspítala af stað með verkefni
sem kallað er Skynsamleg ávísun
sýklalyfja. „Við höfum verið að nota
aðferðafræði sem hefur verið notuð
í Svíþjóð frá 10. áratugnum og
teljum að það gæti hafa skilað sér í
þessari fækkun.
Þrátt fyrir þessa lækkun þá erum
við enn að ávísa miklu meira en
nágrannalöndin. Ef við berum okk-
ur saman við Svíana þá erum við
að ávísa núna fimm sinnum fleiri
sýklalyfjum til barna á aldrinum
0-4 ára. Þá er 65 ára og eldri einnig
ávísað talsvert meira af sýklalyfjum
en í Svíþjóð.“
Covid-árið 2020 varð mikil
fækkun á ávísunum um allan heim
en síðan hefur notkunin aukist á ný.
Jón Steinar segir það líklega m.a.
stafa af því að fleiri sýkingar séu
í samfélaginu. Þessa þróun segir
hann áhyggjuefni enda sýklalyfjaó-
næmi ógn sem þurfi að varast.
„Við vissum þegar við fórum af
stað í þetta verkefni að við myndum
ekki breyta þessu á einni nóttu.
Þetta er langferð,“ segir hann og
bætir við að Svíarnir hafi byrjað á
sínu verkefni árið 1995 og hafi þá
ávísað svipuðu magni til barna eins
og við Íslendingar gerum núna. Þeir
hafi því náð árangri á löngum tíma.
„Ég er mjög bjartsýnn á það
að okkur muni lukkast að nota
sýklalyfin með skynsömum hætti
og vernda þannig sýklalyfin, því
þau eru frábær lyf þegar við á.“ Þar
segir hann fræðslu meðal heil-
brigðisstarfsfólks og almennings
lykilatriði. ragnheidurb@mbl.is
Ávísum fimmfalt
meira en í Svíþjóð
lSýklalyfjanotkun á Íslandi enn ofmikil
Jón Steinar
Jónsson