Víkurfréttir - 07.12.2022, Blaðsíða 8

Engin helvítis ævisaga er safn sagna um einn eftirminnileg-
asta karakter íslenskrar íþróttasögu, knattspyrnuþjálfarann
Kjartan Másson sem þótti engum líkur á sínum tíma.
Það er Sævar Sævarsson sem tók
saman aragrúa af skondnum sögum
frá þjálfaratíð Kjartans en hann var
þekktur fyrir hörku, útsjónarsemi og
að láta allt flakka – Kjartan talaði „ís-
lensku“ sem skildist. Stefán Jónsson
myndskreytti bókina en skemmti-
legar myndir hans glæða sögurnar lífi.
Kjartan fékkst við þjálfun í frítíma
sínum en hann starfaði sem leik-
fimi- og sundkennari og var einnig
um tíma vallarstjóri hjá Keflavík.
Kjartan fór oft óhefðbundnar leiðir í
sinni þjálfun enda var hann sín eigin
fyrirmynd.
Sævar sagði viðtökur við bókinni
hafa verið vonum framar en hann
þurfti að hafa svolítið fyrir því að
fá Kjartan til að leyfa sér að skrifa
bókina. „Ég skrifaði grein fyrir
Keflavík um Kjartan og ákvað að
vanda sérstaklega til verka þar sem
ég var búinn að minnast á þetta við
hann. Að lokum fór svo að hann
féllst á að ég myndi skrifa svona safn
af stuttum sögum, eða eins og hann
sagði: „Þetta verður engin helvítis
ævisaga!“
Ég var fljótur að samþykkja það og
hér er afraksturinn,“ sagði Sævar og
bætti við: „Það væri hægt að gefa út
heila ritröð með sögum af Kjartani
enda af nægu að taka.“
Sævar hefur haft í nógu að snúast
við að keyra út eintökum af bók-
inni en hana er hægt að kaupa á
síðunni millilending.is og þá fæst
bókin einnig í Nettó.
Sævar og Kjartan ræða stutt-
lega um bókina og skraut-
legan feril Kjartans í Suður-
nesjamagasíni Víkurfrétta
næstkomandi fimmtudags-
kvöld kl. 19:30.
Víkurbásar söluaðili fyrir Macron
Verslunin Víkurbásar hefur nú
verið starfrækt í rúm tvö ár við
Hafnargötu 6 í Reykjanesbæ
en Víkurbásar er nokkurs konar
umboðsverslun fyrir notaðan
fatnað. Nú hafa Víkurbásar
aukið umsvifin og eru orðnir
söluaðilar á Suðurnesjum fyrir
íþróttavörur frá Macron.
Fyrir tveimur árum tóku tvenn
vinahjón, þau Ingvar Jónsson og
Íris Guðmundsdóttir og Kári Odd-
geirsson og Katrín Jónsdóttir, sig til
og opnuðu verslun þar sem hægt
væri að kaupa og selja notuð föt.
Þeim fannst vera grundvöllur fyrir
verslun af þessu tagi enda hefur um-
hverfisvitund fólks og hugmyndir
um aukna endurnýtingu verið að
ryðja sér til rúms í miklum mæli.
Víkurbásar er einskonar umboðssala
fyrir notuð barna- og fullorðinsföt
þar sem fólk leigir pláss fyrir sínar
vörur sem starfsfólk Víkurbása sér
svo um að selja og auglýsa.
Að sögn við Kára Oddgeirssonar,
eins eigenda Víkurbása, hefur versl-
unin gengið vel þessi tvö ár sem
hún hefur verið í rekstri og það sé
bersýnilega komið í ljós að full þörf
hafi verið á verslun af þessu tagi; „...
og í raun má segja að húsnæðið setji
okkur ákveðnar skorður, það býður
ekki upp á stækkun en við gætum í
raun tekið meira af fatnaði í umboðs-
sölu en við gerum í dag.“
Nú hafa Víkurbásar aukið við úr-
valið hjá sér en þar eru nú á boð-
stólum vörur frá ítalska íþróttavöru-
framleiðandanum Macron. Þeir Kári
og Ingvar eru æskufélagar og gler-
harðir Njarðvíkingar en Njarðvík
leikur einmitt í fatnaði frá Macron
og er Macron-horn verslunarinnar
áberandi grænt.
„Já, við erum orðnir söluaðilar
fyrir Macron á Suðurnesjum en
Njarðvík leikur einmitt í búningum
frá Macron,“ segir Kári. „Bæði fót-
boltinn og karfan hjá Njarðvík eru
í Macron-fatnaði og þess vegna eru
sömu æfingagallar fyrir báðar þessar
íþróttir. Krakkarnir þurfa því ekki að
eiga sitthvorn æfingagallann fyrir
hvora íþróttagreinina, sem foreldrum
finnst mikill kostur. Það eru fleiri lið
en Njarðvík sem keppa í Macron en
fimleikadeild Keflavíkur gerir það
líka og við bjóðum upp á fatnað fyrir
iðkendur fimleika líka.“
Kári segir að umhverfisstefna
Macron falli vel að hugmynda-
fræði Víkurbása en Macron leggur
áherslu á að búningar þeirra séu
ekki sérhannaðir fyrir hvert lið
heldur einbeitir Macron sér að því
að hanna vörulínur sem íþrótta-
félög geta þá valið úr. Þannig næst
mun betri framleiðslunýting og þá
leggur Macron einnig áherslu á að
framleiða hágæðaflíkur sem tryggir
betri endingu. Að framleiða betur og
minna þýðir að hægt er að draga úr
orkunotkun, skaðlegum útblæstri
og sóun á aðlindum.
Auk þess að vera með deild í
versluninni fyrir íþróttafatnaðinn
frá Macron þá hafa Víkurbásar
opnað vefverslunina macronsud-
urnes.is þar sem hægt er að kaupa
vörur frá Macron en Kári segir þau
hjá Víkurbásum vera gríðarlega
stolt af því að færa meiri þjónustu
í bæinn.
Macron hefur verið í mikilli sókn
að undanförnu en þess má geta að
Ungmennafélag Grindavíkur hefur
gert samning við Macron sem felur
í sér að íþróttafélagið í heild sinni
mun framvegis klæðast fatnaði frá
Macron við íþróttaiðkun og keppni.
Kári Oddgeirsson, einn eigenda Víkurbása.
Macron-básinn í Víkurbásum. VF-myndir: JPK
Litríkur karakt-
er með munninn
fyrir neðan nefið

Ástkær faðir minn, tengdafaðir, afi, langafi,
fyrrverandi eiginmaður, bróðir og mágur,
KRISTJÁN INGI HELGASON
fyrrv. aðstoðaryfirlögregluþjónn og veitingamaður,
Keflavík
lést á heimili sínu sunnudaginn 27. nóvember.
Útförin fer fram frá Keflavíkurkirkju, þriðjudaginn 13. desember klukkan 13.
Blóm og kransar eru vinsamlegast afþakkaðir en þeim sem vildu minn-
ast hans er bent á Heimahjúkrun Heilbrigðistofnurnar Suðurnesja.
Innilegar þakkir til starfsfólks Heimahjúkrunar HSS fyrir einstaka
umönnun og hlýju.
Kristín Jóhanna Kristjánsdóttir Guðmundur Skarphéðinsson
Skarphéðinn Guðmundsson Helga Þórunn Pálsdóttir
Júlíus Rúnar Guðmundsson
Víglundur Guðmundsson Jóhanna Ósk Kristjánsdóttir
Kristín Dalrós – Sigurrós Tinna
Magnea Halldórsdóttir
Einar Helgi Aðalbjörnsson Guðríður Walderhaug
og Prins
Störf í boði
hjá Reykjanesbæ
Umsóknir í auglýst störf skulu berast rafrænt gegnum vef Reykjanesbæjar.
Þar eru jafnframt nánari upplýsingar um auglýst störf. Hægt er að notast við
QR kóða til að fara beint inn á vefinn
Hefur þú áhuga á að starfa við liðveislu?
Umhverfissvið - Verkefnisstjóri hjá byggingarfulltrúa
Stapaskóli - Frístundaheimilið Stapaskjól
Stapaskóli - Kennari á miðstig
Heiðarskóli - Kennari í myndlist
Háaleitisskóli - Kennari í Nýheima
Háaleitisskóli - Kennari í nýsköpun og
upplýsinga- og tæknimennt
JÓLAGJÖFINA
FYRIR DÝRIN
FÆRÐU HJÁ OKKUR
KROSSMÓA - REYKJANESBÆ
8 // vÍkurFrÉttir á suðurNesJuM