Víkurfréttir - 07.12.2022, Blaðsíða 24

Mundi
Björgum jólunum
– sleppum sósunni.
Upplifðu – Vertu – Njóttu
OPNUNARTÍMAR
Mán–Fös 12–18
Lau 11–16
Hólmgarður 2A
230 Keflavík
s. 861 7681
marionehf@gmail.com
lindex.is
Jólin á Heiðarbrún
Það er eitthvað óendanlega jólalegt
við húsið okkar á Heiðarbrúninni og
dásamleg sú tilhugsun að þar verði
jólin haldin þetta árið. Það voru
Parísarjól hjá okkur í fyrra, yndisleg
í alla staði en auðvitað allt öðruvísi.
Í staðinn fyrir að komast í jólaskapið
á tónleikum með Valdimar og Bagga-
lúti voru jólatónleikarnir síðdegis á
jóladag í sjálfum Effelturninum, þar
sem við horfðum yfir ljósum prýdda
borgina undir hátíðlegum jólalögum.
Á Heiðarbrúninni horfum við hins
vegar yfir ljósum prýddan kirkju-
garðinn og það er ekkert sem kemur
mér meira í jólaskap en þegar ég er
að steikja rjúpurnar á aðfangadag
með tilheyrandi ilmi og fylgjast með
traffíkinni í garðinum þegar kveikt
er á hverju kertinu eftir öðru. Allt
verður svo hátíðlegt, svo friðsælt
og notalegt. Svo rétt fyrir jólabaðið
fer ég yfir með kerti á leiði foreldra
minna og ömmu og afa – og þá mega
jólin koma.
Ég er ótrúlega íhaldssöm þegar
kemur að jólunum og mikið jólabarn.
Þegar ég fór að búa sjálf og halda
jólin okkar fann ég til gríðarlega
mikillar ábyrgðar. Allt varð að vera
fullkomið til þess að jólaminningar
barnanna minna yrðu fullkomnar
eins og mínar jólaminningar voru.
Við höfum skapað okkar eigin jóla-
hefðir sem eru sambland af okkar og
því sem við ólumst upp með. Pipar-
kökur bakaðar og skrautkökurnar
hennar mömmu, allt fullt af mandar-
ínum, kertum og jólaskrauti. Alltaf
lifandi jólatré, furan á sínum stað og
ekki skreytt fyrr en á Þorláksmessu,
þrátt fyrir mikla pressu hin síðustu
ár þegar fólk er nánast farið að setja
jólatréð upp um mitt sumar!
Jólin snúast svo auðvitað um
matinn, hann má sko alls ekki klikka.
Maturinn hennar mömmu var alltaf
fullkominn – nema möndlugraut-
urinn sem mér fannst alltaf vondur
og mér dettur alls ekki til hugar að
hafa á aðfangadagskvöld. En íhalds-
semin í mér kallar samt á möndlugjöf
og þess vegna hefur okkar hefð verið
að möndlugrauturinn sé í hádeginu
á aðfangadag fyrir þá sem það vilja.
Það eru svo engin jól án rjúpna –
hvort sem það er í Keflavík eða París
– og alltaf verð ég jafn stressuð yfir
því að sósan klikki. Þetta er háal-
varlegt mál – að bera ábyrgðina á
jólasósunni er gríðarlega stressandi,
rjúpnasósunni sem er bara borðuð
einu sinni á ári. Vond sósa = ónýt
jól. Sem betur fer hefur þetta ekki
klikkað hingað til.
Þetta verða tólftu jólin okkar á
Heiðarbrúninni og ætlum við að
leggja okkur fram um að þau verði
extra fullkomin. Þetta verða síðustu
jólin okkar þar, komið að tímamótum
og hver veit hvar við höldum næstu
jól. Ég veit það eitt að íhaldssama
jólabarnið ég mun leggja mig alla
fram við að halda í hefðirnar og
skapa góðar jólaminningar hvar
sem við verðum. Og svo veit ég að
Heiðarbrúnin verður í afar góðum
höndum þar sem dýrmætar gamlar
minningar munu mæta nýjum
hefðum. Allt eins og það á að vera.
Mínar allra bestu jólakveðjur til
ykkar allra.
LO
KAO
RÐ
RAGNHEIÐAR ELÍNAR