Víkurfréttir - 07.12.2022, Blaðsíða 10

Óskað eftir áhugasömum
aðilum um uppbyggingu
við Hafnargötu
Bæjarráð Grindavíkurbæjar hefur
óskað eftir áhugasömum aðilum
um uppbyggingu á svæði við Hafn-
argötuna. Svæðið er skilgreint til
verslunar og þjónustu á aðalskipu-
lagi Grindavíkurbæjar 2018–2032,
mikil uppbygging er fyrirhuguð
við Hafnargötuna en þar stendur
m.a. Kvikan, menningarhús Grinda-
víkur.
Á svæðinu/lóðinni er gert ráð fyrir
starfsemi tengdri verslun og þjón-
ustu, þ.m.t. hótel, gistiheimili, gistis-
kálar, veitingahús og skemmtistaðir.
Grindavíkurbær mun gera viljayf-
irlýsingu við þann aðila sem verður
fyrir valinu og mun hún gilda í eitt
ár og þarf viðkomandi þá að vera
búinn að ljúka skipulagsvinnu, þ.e.
breytingu á aðal- og deiliskipulagi.
Við mat á umsóknum verður horft
til hugmynda umsækjenda um upp-
byggingu, húsagerð, hvernig húsin
falla að umhverfinu, hvaða starf-
semi verði á lóðinni og hvernig hún
muni styðja við verslun og þjónustu
í Grindavík.
Að sögn Fannars Jónassonar, bæj-
arstjóra, kemur þetta til þar sem aðili
óskaði eftir að kaupa lóð við Hafnar-
götu og til að gæta jafnræðis fannst
bæjarráði rétt að auglýsa lóðina en
umsóknarfrestur er til 6. desember.
Í fundargerð bæjarráðs fyrir stuttu
kom fram að aðili hafi óskað eftir lóð
á móti Hafnargötu 8 vegna fyrirhug-
aðrar byggingar á móteli/gistiheimili.
Svæðið sem auglýst er til uppbyggingar er gulmerkt á myndinni.
Bókað á víxl um fjárhagsáætlun í Grindavík
Fjárhagsáætlun 2023–2026 hjá Grindavíkurbæ og stofnunum var lögð
fram til síðari umræðu á fundi bæjarstjórnar Grindavíkur þann 29. nóv-
ember síðastliðinn. Þó nokkuð var bókað á fundinum um fjárhagsáætl-
unina, annars vegar frá flokkunum sem skipa meirihluta í bæjarstjórn og
hins vegar frá Miðflokksfélagi Grindavíkur.
Bókun:
Rekstrarniðurstaða fyrir fjármagnsliði og afskriftir hjá A-hluta árið 2023 er
áætluð 505 milljónir króna og er það 11,3% af heildartekjum. Í A- og B-hluta
er rekstrarniðurstaða fyrir fjármagnsliði og afskriftir áætluð 754 milljónir
króna og er það 15,2% af heildartekjum.
Áætluð rekstrarniðurstaða áranna 2023–2026 er þessi í milljónum króna:
2023 2024 2025 2026 Samtals
A-hluti 274 307 186 62 829
A- og B-hluti 305 347 261 115 1.028
Heildareignir í samanteknum reikn-
ingsskilum A- og B-hluta eru áætl-
aðar í árslok 2023, 12.275 milljónir
króna, þar af er áætlað að handbært
fé verði um 1.030 milljónir króna.
Heildarskuldir og skuldbindingar eru
áætlaðar 2.314 milljónir króna, þar
af er lífeyrisskuldbinding um 862
milljónir króna.
Langtímaskuldir eru áætlaðar um
910.619 milljónir króna í árslok 2022,
þar af eru langtímaskuldir við lána-
stofnanir 193 milljónir króna. Næsta
árs afborgun langtímaskulda er 12,63
milljónir króna.
Skuldahlutfall Grindavíkurbæjar
og stofnana sem hlutfall af heildar-
tekjum er 46,7%.
Veltufé frá rekstri áranna 2023–2026 er eftirfarandi í milljónum króna:
2023 2024 2025 2026 Samtals
A-hluti 588 685 666 653 2.592
A- og B-hluti 799 900 912 866 3.477
Hlutfall veltufjár af heildartekjum A-hluta á árinu 2023 er áætlað 13,2%. Í
saman teknum reikningsskilum A- og B-hluta er það áætlað 16,1%.
Fjárfesting í varanlegum rekstrarfjármunum áranna 2023–2026 er þessi í
milljónum króna:
2023 2024 2025 2026 Samtals
A-hluti 588 685 666 653 2.592
A- og B-hluti 799 900 912 866 3.477
Fjármögnun framkvæmda og af-
borgana af langtímalánum, á þessu
fjögurra ára tímabili, mun að mestu
verða með veltufé þessara ára. Til
viðbótar er gert ráð fyrir lántökum
á tímabilinu, 650 milljónir 2025 og
600 milljónir 2026. Auk þess er gert
ráð fyrir að handbært fé lækki um
1.450 milljónir króna og verði 217
milljónir króna í árslok 2026.
Meirihluti B-, D- og U-lista.
Breytingatillaga 1 frá Miðflokknum:
Miðflokkurinn leggur til að bætt
verði inn í fjárhagsáætlun 150 millj-
ónum árið 2023 og 150 milljónum
2024 til að fara framkvæmdir við
gervigras á aðalvelli knattspyrnu-
deildarinnar. Einnig leggjum við til
að færa til 50 milljónirnar árið 2026
sem eiga að fara í viðhald á gervi-
grasi í Hópinu yfir á sumarið 2024.
Greinargerð:
Það er þungt hljóðið í foreldrum
krakkanna sem eru að æfa knatt-
spyrnu í Grindavík og hefur verið
lengi. Bærinn sem vill m.a. kenna sig
við það að vera mikill íþróttabær er
að draga lappirnar í framkvæmdum
á gervigrasvelli og þurfa því foreldrar
barnanna að aka með þau u.þ.b. 100
km á sinn heimavöll, sem er staddur
í öðru sveitarfélagi. Þetta vill Mið-
flokkurinn laga sem fyrst ásamt því
að endurnýja gervigrasið í Hópinu
sem er mjög illa farið.
Bæjarfulltrúar Miðflokksins.
Breytingatillaga 2 frá bæjarfull-
trúum Miðflokksins
Miðflokkurinn vill leggja til að farið
verði strax í áfanga tvö í gatnagerð
í Hlíðarhverfi á næsta ári og hann
kláraður en í fjárhagsáætluninni er
ekki gert ráð fyrir því.
Greinargerð:
Engar lóðir eru lausar til byggingar
íbúðarhúsnæðis í sveitarfélaginu
í dag og miðað við fjárhagsáætlun
sveitarfélagsins virðist meirihlutinn
bara nokkuð sáttur við þá stöðu.
Þær breytingar sem orðið hafa í
atvinnulífinu í Grindavík gefa okkur
tilefni til að ætla að framundan gæti
verið tími atvinnuuppbyggingar í
sveitarfélaginu. Sú uppbygging gæti
einnig kallað á mögulega meiri og
betri uppbyggingar hafnarmann-
virkjanna. Því er það galið að meiri-
hlutinn skuli draga lappirnar með
möguleika á uppbyggingu íbúðar-
húsnæðis í sveitarfélaginu þegar
við sjáum flest að eftirspurnin eftir
lóðum er þó nokkur.
Bæjarfulltrúar Miðflokksins.
Breytingatillaga 1 er felld með fjórum
atkvæðum meirihluta gegn þremur
atkvæðum minnihluta.
Bókun:
Fenginn var óháður aðili til að
taka út gervigrasið í Hópinu og var
niðurstaðan sú að með því að lag-
færa grasið fyrir 2,5 milljónir þyrfti
að skipta grasinu út eftir tvö ár,
áætlunin hljóðar upp á þær tillögur.
Rekstrarkostnaður á nýju grasi er
hærri en núverandi og með lagfær-
ingum verður nýtingin betri.
Stjórn knattspyrnudeildar sendi
erindi með óskum um endurnýjun
grassins, eða ef grasinu yrði ekki
skipt út þá yrði gert við það vel og
fljótlega, sem við stefnum á að gera.
Í þessari fjárhagsáætlun er jafnframt
gert ráð fyrir 21,5 milljón í lýsingu í
Hópinu ásamt 2,5 milljónum í lag-
færinguna.
Varðandi gervigras á aðalvellinum
getum við tekið undir að hvimleitt er
að aka í önnur sveitarfélög til keppni
yfir vetrarmánuðina en í málefna-
samningi meirihluta er sundlaug í
forgangi.
Meirihluti B-, D-, og U-lista.
Breytingatillaga 2 er felld með
fjórum atkvæðum meirihluta gegn
þremur atkvæðum minnihluti.
Bókun:
Fyrirhugað nýtt hverfi með tilheyr-
andi íbúafjölgun. Búið er að úthluta
1. áfanga í nýju Hlíðarhverfi okkar
Grindavíkinga og hafa ber í huga að
mikil íbúafjölgun kallar á mikla upp-
byggingu í innviðum, áætlun íbúa-
fjölda í fullbyggðu hverfi eru rúmlega
1.000 einstaklingar og má þá gera
ráð fyrir að byggja þurfi skóla og
leikskóla til að geta tekið vel á móti
íbúum hverfisins.
Meirihluti B-, D- og U-lista.
Bæjarstjórn Grindavíkurbæjar
samþykkir fjárhagsáætlun Grinda-
víkurbæjar og stofnana fyrir árin
2023–2026 með fjórum atkvæðum
meirihluta, þrír fulltrúar minnihluta
greiða atkvæði á móti.
Bókun:
Meirihluti bæjarstjórnar Grinda-
víkur B, D og U harmar að bæjarfull-
trúar Miðflokksdeildar Grindavíkur
kjósi á móti fyrirliggjandi fjárhagsá-
ætlun. Vinna við fjárhagsáætlun var
unnin að mestu leyti í samvinnu
allra bæjarfulltrúa og starfsmanna
ásamt því að áætlunin hefur fengið
umfjöllun í fyrri umræðu á fundi
bæjarstjórnar. Með því kjósa á móti
áætluninni eru bæjarfulltrúar Mið-
flokksdeildar að kjósa á móti allir
áætluninni, þar með talið fjárfest-
ingarverkefnum og rekstraráætlun.
Meirihluti B-, D- og U-lista.
Bókun:
Á vinnufundunum sem við áttum
með meirihlutanum kom alveg í ljós
að við vorum ekki sammála þeim í
eignfærðum fjárfestingum og þau
eiga að vita það enda höfum við ekki
legið á skoðunum okkar hvað þau at-
riði varðar. Það er ákveðin hræðsla
við lántökur hjá meirihlutanum og
ákvarðanafælni að okkur finnst.
Við gerum okkur samt grein fyrir
því að við erum í pólitík og erum í
minnihluta og fáum því miður ekki
ráðið meiru í þeirra fjárhagsáætlun
og er alveg ástæðulaust fyrir okkur
að samþykkja loforðalista meiri-
hlutans. Við vorum með ákveðna
stefnuskrá sem flestir kjósendur í
Grindavík ákváðu að velja í síðustu
kosningum og það er sá loforðalisti
sem við viljum efna. Bókun meiri-
hlutans segir að við höfnum allri
fjárhagsáætluninni en því miður er
ekki hægt að taka suma hluti út fyrir
hana sem eru góðir og gildir þegar
annað er ekki í lagi og þess vegna
er okkur nauðugur sá eini kostur að
hafna henni.
Miðflokksdeild Grindavíkur.
Gervigrasið í Hópinu verður
lagað en ekki skipt út
„Einfalt reikningsdæmi,“ segir Hjálmar
Hallgrímsson, formaður bæjarráðs.
Eins og fram kom í frétt Víkur frétta 21. október síðastliðinn, um
ástand gervigrass Hópsins, þá ályktaði frístunda- og menningarnefnd
Grindavíkurbæjar á þann veg að skipta ætti út gervigrasinu. Undir
þetta tóku fulltrúar meirihlutans í nefndinni. Nú hefur bæjarráð tekið
ákvörðun um að laga frekar núverandi gervigras og fara því ekki eftir
því sem frístunda- og menningarnefndin lagði til.
Víkurfréttir náðu tali af Hjálmari
Hallgrímssyni, formanni bæjar-
ráðs: „Í mínum huga er þetta
nokkuð einfalt reikningsdæmi.
Viðgerð á núverandi gervigrasi
mun kosta u.þ.b. tvær milljónir
og ætti gervigrasið þannig að
endast í tvö ár, á meðan kostn-
aður við að leggja nýtt er um
50–60 milljónir og endast í
átta til tíu ár, þar fyrir utan
er rekstrarkostnaður við nýtt
gervigras mun hærri. Vinna við
deiliskipulag stendur ennþá yfir
og inni í því er nýr gervigras-
völlur. Við teljum rétt að halda
að okkur höndum og fara þessa
leið á meðan ekki er vitað hvenær
ráðist verður í gerð nýs gervi-
grasvallar. Það eru ýmsar aðrar
framkvæmdir í gangi og fram-
undan, þess vegna ákváðum við
að gera þetta svona.“
Stefnt er að því að vinnu við
deiliskipulag ljúki fljótlega á næsta
ári og þá mun Grindavíkurbær
kynna í hvaða framkvæmdir
verður ráðist og hvenær.
10 // vÍkurFrÉttir á suðurNesJuM