Víkurfréttir - 07.12.2022, Blaðsíða 11

Lýsi framan á Grinda-
víkurbúninginn á ný
Stakkavíkurvöllurinn næstu þrjú árin
K n at ts py r n u de i ld UM FG í
Grindavík hélt aftur sitt árlega
hangikjötskvöld föstudagskvöldið
2. desember en vegna COVID fór
gleðin ekki fram undanfarin tvö ár.
Í fyrsta sinn var borðað í Gjánni,
samkomustaðnum sem tilheyrir
íþróttahúsi Grindavíkur, en for-
drykkurinn fór fram í gula húsinu
sem hefur verið samofið knatt-
spyrnudeild UMFG allar götur
síðan húsið var reist árið 1986.
Það sem bar hæst var klárlega að
Lýsi hf. var kynnt sem nýr styrktar-
aðili og mun verða framan á bún-
ingunum næstu tvö árin en Lýsi hf.
hafði fylgt knattspyrnudeildinni um
árabil og verið framan á búningnum
en samstarfinu lauk árið 2018. Því
gladdi hjörtu viðstaddra að sjá
Katrínu Pétursdóttur, forstjóra og
aðaleiganda Lýsis, og mátti sjá tár á
hvarmi sumra þegar hún hélt hjart-
fólgna ræðu. Það er merkileg stað-
reynd að þá var um annan lengsta
styrktarsamning fyrirtækis við
knattspyrnulið í heiminum að ræða
en einungis stórlið PSV var með
lengri samning, við Phillips.
Sömuleiðis var kynnt nýtt nafn
á vellinum en næstu þrjú árin mun
hann heita Stakkavíkurvöllurinn
því útgerðarfélagið Stakkavík, sem
Hermann og Gestur Ólafssynir eiga,
hefur bætt talsvert í sinn stuðning
við knattspyrnudeildina. Hermann,
forstjóri Stakkavíkur, skrifaði undir
samninginn.
Nokkrir ræðumenn stigu í pontu
og kitluðu hláturstaugar viðstaddra
og eins var sungið, hangikjötið
bragðaðist einstaklega vel og voru
menn sammála um að mjög vel hafi
til tekist og mikil gleði að þessi hefð
sé komin aftur á.
GRINDAVÍK
Sigurbjörn Daði Dagbjartsson
sigurbjorn@vf.is
Orkustofnun hefur óskað eftir
umsögn Grindavíkurbæjar við
umsóknar HS Orku um nýting-
arleyfi á jarðhita á Reykjanesi.
Í svörum skipulagsnefndar
Grindavíkur segir að Grinda-
víkurbær gerir ráð fyrir því að
sérfræðistofnanir og eftirlitsað-
ilar fari yfir tæknileg atriði og
áhrif á nýtingu jarðhitageym-
isins í sínum umsögnum.
Umsókn um uppfært nýt-
ingarleyfi Reykjanesvirkjunar
er innan þeirra marka sem gert
er ráð fyrir í skipulagi sveitar-
félagsins og því gerir Grinda-
víkurbær engar athugasemdir
við umsóknina.
Í umsókninni eru engar upp-
lýsingar um mögulegar fram-
kvæmdir eða breytingar sem
kunna að fylgja í kjölfarið og
vekur Grindavíkurbær athygli
á að allar breytingar og nýfram-
kvæmdir þurfa að vera í sam-
ræmi við greinargerð og upp-
drætti aðal- og deiliskipulags.
Sveitarfélagið veitir jafnframt
framkvæmdaleyfi fyrir fram-
kvæmdum og byggingarleyfi
fyrir breytingum og byggingu
nýrra mannvirkja. Erindinu
er vísað til fullnaðarafgreiðslu
bæjarstjórnar.
Samherji hefur sótt um byggingar-
leyfi fyrir seiðahúsi við Laxeldis-
stöðina Stað, vestan Grindavíkur.
Byggingin er staðsteypt með ylein-
ingar á þaki, rúmir 2.700 fermetrar.
Umsækjandi tekur fram í umsókn
sinni að umsóknin er ekki í sam-
ræmi við skipulag, þ.e. u.þ.b. 250
m2 af byggingunni fara út fyrir
byggingarreit.
Skipulagsnefnd Grindavíkur hefur
hafnað umsókninni en áformin eru
ekki í samræmi við gildandi deili-
skipulag fyrir svæðið, segir í gögnum
frá fundi nefndarinnar. Skipulags-
nefnd beinir því jafnframt til um-
sækjanda að senda inn tillögu að
breyttu deiliskipulagi til nefndar-
innar.Landsmót unglingadeilda
Slysavarnafélagsins Lands-
bjargar fer fram í Grindavík
í júní 2023. Tölvupóstur frá
Unglingadeildinni Hafbjörgu
var lagður fyrir bæjarráð
Grindavíkur en þar er óskað
eftir styrk vegna landsmótsins.
Bæjarráð samþykkti erindið.
Fjarskiptafyrirtækið Míla hefur
sótt um byggingarleyfi fyrir
stálmastur við Víkurbraut 25 í
Grindavík. Um er að ræða 18 metra
hátt mastur ásamt fjarskiptabúnaði
við tækjarými fyrirtækisins að
Víkurbraut 25. Tilgangur mast-
ursins er að hýsa fjarskiptabúnað
sem verður aðstaða fyrir farsíma-
fyrirtæki til að efla og bæta far-
símaþjónustu fyrir íbúa og gesti
Grindavíkur.
Skipulagsnefnd Grindavíkur segir
að lóðin við Víkurbraut 25 sé á svæði
merktu S4 í aðalskipulagi Grinda-
víkurbæjar 2018–2032. Svæðið er
ætlað undir samfélagsþjónustu, m.a.
fyrir stofnanir eða fyrirtæki sem
veita almenna þjónustu við sam-
félagið. Ekkert deiliskipulag er í gildi
fyrir svæðið. Skipulagsnefndin óskar
eftir frekari kynningu á áformunum
og sviðsstjóra skipulagsmála hefur
verið falið að boða umsækjanda á
fund nefndarinnar.
Kristján Hrannar Pálsson, organ-
isti og kórstjórnandi, kom eins
og stormsveipur má segja að tón-
listarlífi Grindvíkinga en hann
tók formlega við sem organisti og
stjórnandi Kirkjukórs Grindavíkur
í haust. Nú þegar hefur Kristján
staðið að glæsilegum styrktartón-
leikum vegna endurbóta á Grinda-
víkurkirkju en Víkurfréttir fjölluðu
einmitt um þá tónleika á dögunum.
Næsta stóra verkefni Kirkjukórsins
er árlegir jólatónleikar og segja má
að farin verði ný leið að þessu sinni
því í stað hefðbundinna jólalaga fyrir
kirkjukóra, verður goðsagnarkennd
jólaplata þríeykisins Þrjú á palli,
“Hátíð fer að höndum ein”, flutt í
heild sinni ásamt vel völdum jóla-
perlum.
Hvernig stendur á þessum áhuga
Kristjáns á þessari frægu jólaplötu?
„Ég var mjög ungur þegar ég
byrjaði að hlusta á þessa jólaplötu
og tók ástfóstri við hana. Eftir að ég
lærði til organista og kórstjórn þá
blundaði alltaf í mér að útsetja þessa
frábæru jólaplötu fyrir kór og lét
verða að því fyrir tveimur árum en
þá flutti Óháði kórinn sem ég stýri
líka, verkið við góðar undirtektir. Ég
kynnti þessa hugmynd fyrir kirkju-
kórnum í Grindavík og tóku kórmeð-
limir mjög vel í hugmyndina og var
ákveðið að láta slag standa. Æfingar
hafa gengið mjög vel og við erum full
tilhlökkunar og vonumst að sjálf-
sögðu eftir góðri mætingu Grind-
víkinga og annarra gesta.“
Fyrrnefndir styrktartónleikar
voru blanda kórsöngs og einsöngvara
en fjölmargir grindvískir söngvarar
tróðu upp, m.a. með kirkjukórnum
og það er eitthvað sem Kristján vill
skoða nánar í framtíðinni.
„Það hefur komið mér skemmti-
lega á óvart hversu margir flottir
söngvarar eru í Grindavík og var
mjög gaman hvernig til tókst á dög-
unum. Þetta er gott fyrir samfélagið,
gott fyrir kirkjuna og mig langar að
endurtaka þennan viðburð með
einum eða öðrum hætti í framtíðinni.
Kirkjan er svo frábært tónleikahús
og allir eiga að geta notið hennar og
fengið að koma fram. Þegar tónlistar-
fólk bæjarins sameinast svona verða
til magnaðir hlutir.“
KIRKJUKÓR GRINDAVÍKUR FER ÖÐRUVÍSI LEIÐ Í ÁR
„Hátíð fer að höndum ein“
– Jólatónleikar í Grindavíkurkirkju 7. desember
Sérfræðistofn-
anir og eftir-
litsaðilar fari yfir
tæknileg atriði
Styrkja landsmót
unglingadeilda
Vilja funda með Mílu
um fjarskiptamastur
Hafna byggingarleyfi
fyrir seiðahúsi að Stað
FIMMTUDAG KL. 19:30
HRINGBRAUT OG VF.IS
vÍkurFrÉttir á suðurNesJuM // 11