Víkurfréttir - 07.12.2022, Blaðsíða 15

VOGAR
Hilmar Bragi Bárðarson
hilmar@vf.is
Bæjarstjórn Sveitarfélagsins Voga
hefur samþykkt afgreiðslu skipu-
lagsnefndar en nefndin leggur til
við bæjarstjórn að heimila Grænu-
byggð ehf. að hefjast handa við
vinnu deiliskipulags á fyrirhuguðu
svæði skv. samkomulagi við sveitar-
félagið.
Nefndin ítrekar í afgreiðslu sinni
að hámarksfjöldi eininga á svæðinu
séu 779 sem Grænabyggð ehf. hefur
til umráða. Áréttar nefndin jafn-
framt að áður en sveitarfélagið veitir
heimild til framkvæmda og sölu á
byggingarrétti þá skal fyrri áfangi
vera langt kominn bæði hvað varðar
framkvæmdir og úthlutun lóða.
Bæjarstjórn Sveitarfélagsins
Vogar hefur samþykkt að taka 40
milljóna króna lán hjá Lánasjóði
sveitarfélaga með lokagjalddaga
þann 20. mars 2039, í samræmi
við skilmála að lánasamningi. Er
lánið tekið til að fjármagna kaup
á stjórnsýsluhúsnæði sem felur í
sér að vera verkefni sem hefur al-
menna efnahagslega þýðingu.
Bæjarstjórn Sveitarfélagsins Vogar
samþykkir jafnframt að taka lán hjá
Lánasjóði sveitarfélaga að höfuð-
stól allt að 100 milljónir króna með
lokagjalddaga þann 23. mars 2040.
Er lánið tekið til fjármögnunar á frá-
veituframkvæmd sveitarfélagsins
sem felur í sér að vera verkefni
sem hefur almenna efnahagslega
þýðingu.
Gunnari Axel Axelssyni, bæjar-
stjóra, var á fundi bæjarstjórnar
veitt fullt og ótakmarkað umboð til
þess f.h. Sveitarfélagsins Voga að
undirrita lánasamninga við Lánasjóð
sveitarfélaga. Samþykkt samhljóða
með sex atkvæðum.
Grænabyggð ehf. deiliskipu-
leggur 779 íbúða byggð
Nokkuð af byggingum hefur þegar risið á byggingasvæði Grænubyggðar
ehf. í Sveitarfélaginu Vogum. VF-mynd: Hilmar Bragi
Vogar taka 140 millj-
ónir króna að láni fyrir
fráveitu og stjórnsýslu
Í samvinnu við Sveitarfélagið Voga
hefur Íslandspóstur sett upp póstbox
við Iðndal 2. Póstbox eru sjálfvirkar af-
greiðslustöðvar fyrir pakkasendingar,
þar sem viðskiptavinir geta bæði sent
og tekið á móti sendingum. Póstbox eru
mjög einföld og skilvirk leið til að nálgast pakka á þeim tíma sem
íbúum hentar. Undirbúningur að uppsetningu hefur staðið yfir síð-
ustu vikur en uppsetningu er nú lokið og geta bæjarbúar og aðrir valið
að fá póstsendingar í póstboxið Við Iðndal 2.
NÝTT PÓSTBOX Í VOGUM
Spennandi tækifæri í ört
vaxandi sveitarfélagi
Vel staðsettur þróunarreitur í þéttbýli Sveitarfélagsins Voga,
við sjávarsíðuna með frábæru útsýni og stutt til allra átta.
Hafnargata 101
Þróunarreitur
Frekari upplýsingar um
verkefnið er að finna á
www.vogar.is
Sveitarfélagið Vogar óskar eftir tilboðum í 1.593 fermetra atvinnuhúsnæði og byggingarrétt á lóðinni Hafnargötu 101.
Á lóðinni sem er um 1 hektari að stærð er 1.593 fermetra atvinnuhúsnæði en ekki er gerð krafa um að halda í núverandi
hús en það telst tillögum til tekna ef hægt er nýta núverandi hús að einhverju leyti eða útlit nýrra bygginga hafi skírskotun
til eldra húsnæðis og sögu svæðisins.
vÍkurFrÉttir á suðurNesJuM // 15