Fréttablaðið - 20.01.2023, Síða 4
Búist hafði verið við að
Hildur yrði tilnefnd.
Neytendur verða að
vera spenntir og sækja
í svona fæðu.
Arnar Þór Skúla-
son, matvæla-
fræðingur hjá HÍ
Samkvæmt nýrri alþjóðlegri
rannsókn hefur Ísland getu til
að búa til lífmassa fyrir tug-
milljónir manna. Áskorunin
er að gera neytendur spennta
fyrir að borða blágrænar
bakteríur.
kristinnhaukur@frettabladid.is
matvæli Ísland hefur getuna til að
sjá 40 milljón manns fyrir próteini
samkvæmt nýrri rannsókn erlendra
og íslenskra vísindamanna. Líf-
massa má rækta á öruggan og vist-
vænan hátt en áskorunin er að fá
neytendur til að velja fæðuna.
„Ég trúi því að við gætum orðið
matarkista Evrópu ef við veljum
það,“ segir Arnar Þór Skúlason, mat-
vælafræðingur hjá Háskóla Íslands,
og annar tveggja íslenskra vísinda-
manna sem komu að rannsókninni.
Hinn er Margrét Geirsdóttir, verk-
efnastjóri hjá Matís, en sá sem leiddi
rannsóknina er Asaf Tzachor hjá
Reichman-háskólanum í Tel Avív í
Ísrael.
Lífmassi getur verið af ýmsum
toga en þessi rannsókn fjallaði um
framleiðslu spírúlínu, blágrænnar
bakteríu, sem Arnar segir mjög
holla og vera stundum titlaða ofur-
fæða. Orkunotkun er takmarkandi
þáttur í framleiðslunni og þess
vegna var Ísland vettvangurinn.
Tölurnar úr rannsókninni eru ekki
úr lausu lofti gripnar heldur rauntöl-
ur frá bæði Orkustofnun og VAXA
Techn ologies sem framleiðir spí-
rúlínu í verksmiðju við hlið Hellis-
heiðarvirkjunar.
Samkvæmt rannsókninni gæti
Ísland aflað nógu mikils próteins
fyrir 40 milljón manns og jafnað út
700 milljónir tonna af kolefnisút-
blæstri. Arnar segir þessi kerfi nota
miklu minna vatn en hefðbundna
ræktun og miklu minna landsvæði.
Það sé þó kostur við Ísland að hér er
nægt vatn og land, fyrir utan hina
sjálf bæru orku. „Við eigum mikið
land sem ekki er hægt að rækta. Við
getum alveg eins verið þar með lok-
aðar verksmiðjur,“ segir hann.
Fæðuöryggi er stórt mál í umræð-
unni þessi misserin, einkum í ljósi
loftslagsbreytinga. Spurður um
framtíðina og hvernig jarðarbúar
ætli að fæða sig segir Arnar að líf-
massi sé ekki eina lausnin, en
vissulega hluti af henni. „Evrópa
er ekki sjálf bær um prótein,“ segir
Arnar og bendir á að þó að Evr-
ópa geti framleitt kjöt þá sé fóðrið
fyrir skepnurnar innflutt, aðallega
í formi sojabauna.
„Boltinn er byrjaður að rúlla,“
segir Arnar. „Stærsta verkefnið er
hugarfar neytenda. Neytendur
verða að vera spenntir og sækja í
svona fæðu. Ef það gerist eru meiri
líkur á fjárfestingum í framleiðsl-
unni.“
Orkufyrirtæki eru líka líklegri
til að vilja fara í samstarf við fyrir-
tæki sem eru í hröðum vexti. Hér
á Íslandi er hægt að framleiða
hágæða lífmassa innanhúss með
mikilli stjórnun. Erlendis er fram-
leiðslan oft utandyra en þá er alltaf
hætta á að aðrir þörungar komist í
ræktunina sem geta myndað eitur-
efni. n
Ísland getur séð milljónum fyrir mat
Lífmassi er vistvæn og holl fæða en áskorunin er að gera neytendur spennta. Fréttablaðið/Getty
kristinnhaukur@frettabladid.is
menning Tónskáldið Hildu r
Guðnadóttir hlaut ekki tilnefningu
til bresku BAFTA-kvikmyndaverð-
launanna. Búist var við að Hildur
fengi tilnefningu fyrir að minnsta
kosti aðra kvikmyndina sem hún
komst á svokallaðan langlista með,
það er Women Talking og Tár.
Hildur vann BAFTA-verðlaunin
árið 2020 fyrir tónlistina í Joker.
Áður fékk hún Óskarsverðlaun
fyrir þá mynd. Möguleikar hennar
á að vinna Óskarinn hafa minnkað
mikið, bæði vegna þess að hún hlaut
hvorki BAFTA-tilnefningu né verð-
laun á Golden Globes. n
Ekki tilnefnd til
BAFTA og líkur á
Óskarnum minni
Gærdagurinn var súr fyrir HIldi.
Fréttablaðið/Getty
Tryggðu þér gott auglýsingapláss í langmest lesna dagblaði landsins.
Nánari upplýsingar um blaðið veitir:
Jóhann Waage Markaðsfulltúi Fréttablaðsins
Sími 550-5656/ waage@torg.is
Fimmtudaginn 26. janúar gefur Fréttablaðið út sérblað um:
FERMINGARGJAFIR
Fimmtudaginn 15. mars gefur Fréttablaðið út
bráðsniðugt auk blað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
Eitt stærsta blað og vinsælasta sérblað ársins kemur nú út 7 árið í röð.
Frábært blað til að kynna konur í öllum stöðum í ykkar fyrirtæki.
Því fyrr því betra með að ná inn í blaðið og fá fína staðsetningu.
Konur í
Atvinnulífinu
helenaros@frettabladid.is
dómsmál Aðalmeðferð í stærsta
kókaínmáli Íslandssögunnar hófst
í Héraðsdómi Reykjavíkur í gær-
morgun. Fulltrúar helstu fjölmiðla
landsins voru samankomnir í dóm-
sal til að fylgjast með málinu en í
gær gáfu sakborningarnir fjórir í
málinu skýrslur. Þeir eru ákærðir
fyrir innflutning á tæpum hundrað
kílóum af kókaíni auk peninga-
þvættis upp á samtals 63 milljónir
króna.
Mennirnir voru handtek nir
5. ágúst í fyrra en þeir neituðu
allir ýmist sök eða neituðu að taka
afstöðu til málsins við þingfestingu
þess í nóvember síðastliðnum.
Fjórmenningarnir, Páll Jónsson,
Birgir Halldórsson, Jóhannes Páll
Durr og Daði Björnsson, mættu í
héraðsdóm í fylgd lögreglumanna
ásamt verjendum sínum. Allir
huldu þeir andlit sitt á meðan fjöl-
miðlar mynduðu innkomu þeirra í
dómsalinn. Tveir með stílabókum,
þriðji með grímu og sólgleraugum
og sá fjórði með buffi og sólgler-
augum.
Við upphaf málsins tjáði dómari
fulltrúum fjölmiðlanna að ekki
væri leyfilegt að fjalla um skýrslu-
tökur í fjölmiðlum fyrr en öllum
skýrslutökum málsins yrði lokið.
Á mánudaginn mun aðalmeðferð
málsins halda áfram en þá munu
meðal annars lögreglumenn gefa
skýrslu. Þá kemur í ljós hvenær
áætlað er að aðalmeðferð í málinu
ljúki og hvenær verður hægt að
greina frá því. n
Bannað að fjalla um skýrslutökur í kókaínmáli
Í Héraðsdómi Reykjavíkur í gær.
Fréttablaðið/ernir
kristinnhaukur@frettabladid.is
sjávarútvegur Félagið Kaldara
hefur samið við ríkisstjórn Kenía
um að nútímavæða og byggja upp
sjávarútveginn. Kaupa á skip og
útbúnað til þess að stunda veiðar
langt úti á hafi. Einnig verða byggð-
ar upp fiskvinnslur og geymslur í
fimm sýslum við Indlandshafið.
Mun Kenía nýta innan við 8
prósent af fiskveiðigetu landsins.
Á fundi í höfuðborginni Naíróbí
sagði Guðmundur Þór Þormóðs-
son, stjórnarformaður Kaldara og
stofnandi Sæplasts, að smábátasjó-
menn glötuðu 30 prósentum aflans.
Góð kæling og geymsla gæti stöðvað
þetta. n
Aðstoða Kenía
við sjávarútveg
4 FréTTir FRÉTTABLAÐIÐ 20. jAnúAR 2023
FÖSTUDAGUr