Fréttablaðið - 17.02.2023, Blaðsíða 2

Við erum ekki búin, en
við ætlum þangað.
Halla Bergþóra Björnsdóttir,
lögreglustjóri á höfuðborgar-
svæðinu
Ný framtíð
Ný framtíð, samráðsþing um landsáætlun um innleiðingu á samningi SÞ um réttindi fatlaðs fólks, fór fram í gær. Guðmundur Ingi Guðbrandsson, Katrí n
Jakobsdóttir, Guðmundur Ingi Kristinsson og Heiða Hilmisdóttir undirrituðu fjögurra metra langan borða sem hluta af gjörningi. FRÉTTABLAÐIÐ/SIGTRYGGUR ARI
Opnum kynferðisbrota-
málum var fækkað verulega í
lok síðasta árs. Lögreglustjóri
vonar að fleiri þolendur sjái
hag sinn í því að kæra þegar
málsmeðferðartími styttist.
lovisa@frettabladid.is
DÓMSMÁL Halla Bergþóra Björns-
dóttir, lögreglustjóri á höfuðborgar-
svæðinu, vonar að f leiri þolendur
kynferðisbrota kæri til lögreglu.
Undanfarna mánuði hafi náð að
fækka opnum kynferðisbrotamál-
um um 37 prósent eftir að þau fengu
aukna fjárveitingu frá Alþingi.
„Við vitum að það er lítill hluti
sem kærir því þau vita að ferlið
getur verið langt en þetta vonandi
hefur þau áhrif að f leiri komi til
okkar og kæri,“ segir Halla Berg-
þóra, en sem dæmi var 1. september
í fyrra alls 401 opið mál en núna eru
þau 235 og fækkaði þeim því um 148
á fjórum og hálfum mánuði.
Halla Bergþóra útskýrir að þegar
fjármagnið fékkst hafi þau hafist
handa á báðum endum. Því sé elsta
málið til rannsóknar um tveggja
ára.
„Það eru enn gömul mál, við erum
ekki búin, en við ætlum þangað. Ég
hugsa að það sé á annað ár frá því að
elsta málið kom til okkar og helsta
ástæðan fyrir því að við höfum ekki
komist í þetta er mannekla.“
Halla segir að margar rann-
sóknir bendi til þess að því lengur
sem rannsóknin tekur því lengra sé
áfallið fyrir brotaþola. Vinna þurfi
hratt án þess að draga úr gæðum.
„Hraði rannsóknar hefur gífur-
lega mikil áhrif. Aðallega á þol-
endur, en líka á gerendur, og svo í
kringum hvert kynferðisbrot eru
aðstandendur, bæði hjá þolendum
og gerendum og þetta hefur áhrif.“
Aukið fé þýddi a um stöðugildum.
Auk þesss voru vinnuskipti og full-
trúi saksóknara aðstoðaði tíma-
bundið við verkferla og vinnulag.
„Það er alltaf verið að segja að það
þurfi að efla lögregluna og þegar við
fáum hendurnar þá skiptir það svo
miklu máli, með öllu hinu.“
Stöðugildin hafa skipt sköpum
fyrir rannsókn þeirra því þeim var
fjölgað í tæknideild, stoðdeild, á
ákærusviði og svo í kynferðisbrota-
deildinni sjálfri.
„Eitt kynferðisbrotamál snertir
rosalega marga. Þetta er f lókin
rannsókn og við höfum alltaf verið á
því að mikilvægt sé að taka vel utan
um þennan málaflokk. Í þessu þá
kemur ekkert í staðinn fyrir mann-
eskjuna sem þarf að vinna vinnuna
og þetta hefur breytt rosalega
miklu,“ segir Halla Bergþóra Björns-
dóttir. n
Lögreglustjórinn vonast til
að fleiri kæri kynferðisbrot
Opnum kynferðisbrotamálum fækkaði um 37 prósent. Fréttablaðið/Valli
Leikstjórinn
Sara Gunnars-
dóttir.
kristinnhaukur@frettabladid.is
KVIKMYNDIR My Year of Dicks, hin
stutta teiknimynd Söru Gunnars-
dóttur, er í öðru sæti hjá f lestum
veðbönkum yfir þær myndir sem
líklegastar eru til að hljóta óskars-
verðlaun. Verðlaunin verða veitt
þann 12. mars næstkomandi. Vinni
Sara verður hún annar Íslendingur-
inn til að hljóta verðlaunin, á eftir
tónskáldinu Hildi Guðnadóttur sem
hlaut verðlaunin árið 2020 fyrir tón-
listina í myndinni The Joker.
Samkvæmt veðbönkunum á
myndin The Boy, the Mole, the Fox
and the Horse besta möguleika á
verðlaunum.
En My Year of Dicks, sem fjallar
um tímann þegar handritshöf-
undurinn Pamela Ribbon var að fá
hvolpavitið, kemur þar á eftir. Bank-
arnir Bet365, Unibet og Betvictor
gefa henni á bilinu 8 til 15 prósenta
líkur en Betfair 33 prósent.
Gagnrýnendur hafa einnig talið
myndina sigurstranglega, til að
mynda telur tímaritið Indiewire My
Year of Dicks líklegasta til að hreppa
hnossið. n
Teiknimynd
Söru ofarlega hjá
veðbönkunum
kristinnhaukur@frettabladid.is
KJARAMÁL Dökkt var yfir Karphús-
inu í gærkvöldi þegar Fréttablaðið
fór í prent og óvíst með framhald
viðræðna milli Ef lingar og Sam-
taka atvinnulífsins. Ástráður Har-
aldsson, settur sáttasemjari í kjara-
deilunni, hafði ekki gefið út neina
yfirlýsingu en miðað við andrúms-
loftið á staðnum er ekki talið líklegt
að komist verði lengra í bili.
Annan daginn í röð funduðu for-
svarsmenn Eflingar og SA og framan
af degi var bjartara yfir fólki. Vildi
Ástráður meina að deilan væri að
tosast í rétta átt þó að „formlegar
kjaraviðræður“ væru ekki hafnar.
Reyndar væri óvíst hvort það tækist.
Þegar Fréttablaðið fór í prentun
hafði Eyjólfur Árni Rafnsson, for-
maður SA, yfirgefið Karphúsið, en
talið er að hann hafi gert kröfu að
verkfallinu yrði frestað í viðræð-
unum. Var gefinn frestur til 18 og
svo til 19 til að samþykkja þetta en
ekki er talið að það hafi verið gert.
Fyrr hafði Sólveig Anna Jónsdóttir,
formaður Eflingar, gefið út að verk-
fallinu yrði ekki frestað nema „eitt-
hvað bitastætt“ kæmi á borðið. n
Óvíst með framhald kjaraviðræðna
Ástráður Haraldsson sáttasemjari
þungstígur um kvöldmatarleytið.
2 FRÉTTIR FRÉTTABLAÐIÐ 17. FEBRÚAR 2023
FÖSTUDAGUR