Fréttablaðið - 17.02.2023, Blaðsíða 32
frettabladid.is
550 5000
RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN & DREIFING
Torg ehf.
2022 - 2025
Undanfarna mánuði hefur mér
tekist, með herkjum, að hemja
sveitakonuna í mér og forðast
að baka tíu kíló af smákökum í
desember. Í febrúar halda henni
hins vegar engin bönd. Hún vaknar
úr dvala, ekki blíðlega eins og
páskalilja, heldur ryðst fram eins
og krapaflóð sem engu hlífir. Hún
þarf ekki einungis að skipuleggja
matjurtaræktun sumarsins (halló
Excel!), heldur forsá þeim tegund-
um sem þurfa hlýju við upphaf ævi-
skeiðsins, skipuleggja skiptiræktun
og tryggja gott kartöfluútsæði.
Sem, eðlilega, fer fram í heimagerðu
gróðurhúsi á skrifstofunni.
Nýverið ákvað hún að fara alla
leið, sem sagt að loka hringnum og
búa til sinn eigin jarðveg. Einhver
eiga kannski erfitt með að skilja
gleðina sem er falin í því að sjá líf-
rænt eldhúsrusl breytast í áburð og
síðar í jarðveg, sem síðan breytist
í grænmeti sumarsins. Trúið mér
bara, gleðin er botnlaus.
Í þessu öllu felst þó ekki bara
persónulegur ávinningur; græn-
meti laust við eiturefni, líkamleg
vinna, útivist og andleg næring.
Við flytjum inn, í tonnatali, fjölda
grænmetistegunda sem er nokkuð
auðvelt að rækta í venjulegum
garði á Íslandi yfir sumartímann.
Innflutningurinn krefst þess að við
brennum jarðefnaeldsneyti - en um
það bil fjórðungur gróðurhúsaloft-
tegunda verður til við iðnaðarfram-
leiðslu og flutning matvæla.
Væri ekki gáfulegra að hvetja
fólk til að nota hluta grasbletta sem
eru í kringum flest hús til að rækta
matjurtir? Þó það dugi kannski
ekki fyrir allt sem við borðum þá
komumst við samt furðu langt. Það
borgar sig nefnilega að rækta garð-
inn sinn, fyrir okkur og jörðina. n
Að rækta garðinn
BAKÞANKAR |
Jóhönnu Vigdísar
Guðmundsdóttur
M O L A R
As
tr
id
Li
nd
gr
en
9líf
Bubbi Morthens
Söngleikur
Eftir
Thomas
Vinterberg
Mátulegir
Barnasýning ársins 2022
Prinsessuleikarnir
Fleiri sýningar á borgarleikhus.is
midasala@borgarleikhus.is | 568 8000
Fyrir fólk í leit af
nýjum tækifærum