Fréttablaðið - 17.02.2023, Blaðsíða 14

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
„Óumbeðin ástarbréf er ljóða-
bók í vinnslu. Bréfin koma öll frá
okkur sjálfum, en þau eru rituð til
ásta sem við höfum átt, þráð eða
eigum jafnvel núna. Öll bréfin eru
sönn, þau eru ekkert grín. Sum
eru auðvitað fyndin, en mörg
eru líka sorgleg og önnur sjóð-
heit. Í bókinni köfum við í allar
tilfinningar sem til eru. Stefnan
er sett á einhvers konar sýningu
við útgáfu, en útfærslan á henni
er enn í þróun. Við erum þó með
eins konar sýningu í gangi núna en
víðs vegar um miðbæinn má finna
ljóð úr bókinni á rafmagnskössum,
ljósastaurum og lúnum húsum,“
segir Gunnlöð.
Sjálf segist Gunnlöð ekki hafa
fengið mikið af óumbeðnum ástar-
bréfum. „En ef menn tjá ást sína
með typpamyndum og klúrum
skilaboðum, þá hef ég fengið
nokkur, því miður,“ segir hún og
heldur áfram:
„Okkar óumbeðnu ástarbréf
eru alls konar. Mörg hver eru bréf
sem við hefðum kannski viljað
senda á einhverjum tímapunkti en
slepptum af einhverjum ástæðum.
Sum bréfin langar okkur ekki
endilega að birta en ögrum okkur
með því að gera það. Okkur langar
að berskjalda okkur og tilfinningar
okkar því rétt eins og konur í gríni
fá tilfinningar oft ekki nægilegt
pláss.“
Talandi um konur í gríni. Finnið
þið enn fyrir því að fólk telji konur
ekki vera fyndnar? Eða er f lest fólk
hætt að hugsa þannig?
„Blessunarlega finnum við ekki
mikið fyrir því en erum meðvit-
aðar um að konur fá minni pláss
til að vera fyndnar. Karlar virðast
mega grínast með fleira en konur.
Þær eru einnig bókaðar í færri
grín-gigg. Þessu verður að breyta,“
segir Gunnlöð.
„Húmor er vissulega mjög per-
sónubundinn en það er alveg galið
að ákveða að heilt kyn sé ekki
fyndið. Leiðinlegra fyrir fólk sem
trúir þessu því það er að missa af
miklu gríni.“
Spuninn leiddi þær saman
Auk Gunnlaðar samanstendur
spunahópurinn Eldklárar og eftir-
sóttar af þeim Ebbu Sig, Grímu
Kristjánsdóttur, Heiðu Vigdísi Sig-
fúsdóttur, Laufeyju Haraldsdóttur
og Sunnu Björgu Gunnarsdóttur,
sem allar hafa ólíkan bakgrunn en
eiga þó sköpunina sameiginlega.
„Í hópnum eru til dæmis leik-
konur, uppistandarar, ljósmyndari,
rithöfundur og keramiklistakona.
Við erum svo með bakgrunn í alls
konar, eins og lögfræði og hagfræði
svo einhver óvanaleg dæmi séu
tekin,“ segir Gunnlöð, sem sjálf
starfar sem ljósmyndari.
Sem hópur kynntust konurnar
í gegnum spunann en flestar voru
þær saman á spunanámskeiði
fyrir konur árið 2019, þó sumar
hafi þekkst lengur. Gunnlöð segir
misjafnt hvernig þær komust
upprunalega í kynni við spuna,
sumar kynntust honum í gegnum
leiklistina, aðrar höfðu séð spuna-
sýningar og langaði að læra.
„Spuninn kom allavega til okkar
allra þegar við þurftum á honum
að halda,“ segir hún.
„Spunanum fylgir mikið frelsi,
hann er góð núvitundaræfing en
líka æfing í að sleppa sér og leyfa
sér að fíflast. Það er alltaf spenn-
andi að sjá hvað gerist, því við
vitum það ekki einu sinni sjálfar,“
segir hún þegar hún er spurð
hvað henni þyki mest spennandi
við spunann, en það sem er mest
krefjandi er að stíga aftur inn í
raunveruleikann.
„Lífið er reyndar spuni, svo
kannski er spuni raunveruleikinn,“
bætir hún við.
Listinn virkaði
Nafnið Eldklárar og eftirsóttar er
áhugavert. Hvaðan kemur það?
„Þegar hópurinn var nýlega
stofnaður, héldum við árshátíð.
Við ákváðum að á því kvöldi yrði
nafn á hópinn ákveðið svo við
héldum formlega kosningu og allar
skrifuðu nöfn á miða sem settir
voru í skál. Við tók kosningaferli
þar sem hver miði á fætur öðrum
var lesinn upp og tillögurnar
ræddar. Eitt nafn þótti langbest en
það var Eldklárar og eftirsóttar.
Ein af stofnmeðlimum hópsins,
sem nú er að vísu hætt, birtist
stuttu áður á lista ónefnds frétta-
miðils yfir „eldklárar og eftirsóttar
konur á lausu“ og okkur þótti það
svo fyndið. Vert er þó að segja frá
því að listinn virkaði, því stuttu
síðar fann hún mann og er nú í
farsælu sambandi,“ segir Gunnlöð
og hlær.
Hópurinn var formlega stofn-
aður árið 2021 þótt upphafið megi
rekja til ársins 2019. Fyrir síðustu
jól settu þær upp jólasýningar sem
Gunnlöð segir að hafi heppnast
afar vel. Hún segir þær grínast með
flest án þess þó að fara yfir einhver
mörk.
„Okkur finnst þó gaman að ögra
smá með okkar gríni og við potum
til dæmis mikið í feðraveldið og
kapítalisma,“ segir hún.
Þær sýndu á Reykjavík Fringe
síðasta sumar og hafa einnig sýnt
með Improv Ísland þónokkrum
sinnum síðustu ár.
„Við höfum svo tekið að okkur
gigg í einkasamkvæmum og
á vinnustöðum sem er alltaf
skemmtilegt,“ segir Gunnlöð og
bætir glettin við að þeim hafi alltaf
verið vel tekið.
„Það virðast allir elska okkur!“
Þessa dagana fer þó öll orkan í
væntanlega ljóðabók, en von er á
henni í maí.
„Við erum dálítið að nýta orkuna
okkar í bókina núna en við erum
svo framtakssamar og æstar að það
er aldrei að vita nema við höldum
einhverjar sýningar fyrir útgáfu.
Við reynum að vera virkar á sam-
félagsmiðlum og deilum þar öllu
sem við gerum, svo áhugasamt fólk
getur kíkt á okkur þar!“ n
Víðs vegar um miðbæinn má finna ljóð úr bókinni, á rafmagnskössum, ljósa-
staurum og lúnum húsum.
Sandra Guðrún
Guðmundsdóttir
sandragudrun
@frettabladid.is
Ebba Sig, Laufey,
Haraldsdóttir,
Gríma Kristjáns-
dóttir, Heiða
Vigdís Sigfús-
dóttir og Sunna
Björg Gunn-
arsdóttir skipa
hópinn Eldklárar
og eftirsóttar
ásamt Gunn-
löðu.
MYNDIR/
GUNNLÖÐ JÓNA
RÚNARSDÓTTIR
2 kynningarblað A L LT 17. febrúar 2023 FÖSTUDAGUR