Fréttablaðið - 17.02.2023, Page 28

En ég hef fulla trú á að
þetta geti orðið ein-
hverjum til blessunar,
Guði til dýrðar, og þá
er nú tilganginum náð.
Sigurbjörn Þorkelsson
Ég renndi blint í sjóinn
með þetta enda ekki
beint eitthvað sem
maður var búinn að
plana.
Jóhann Helgason
Í HELGARBLAÐINU
Forvitnin ákveðin
forréttindi 
Nafn Pedro Gunnlaugs Garcia var
ekki á almennu vitorði þegar hann
vann til Íslensku bókmenntaverð­
launanna á dögunum. Hann segist
mikið spurður út í upprunann, svo
mjög að hann hafi fengið svolítið
nóg af því, þó geti hann ekki grátið
sárt enda séu það forréttindi að
fólk sé forvitið um hann.
Langar að bæta
brúðkaupsbransann
Alina Vilhjálmsdóttir, ein fárra brúðkaupsskipuleggj­
enda landsins, segir segir æ f leiri tilbúna til að greiða
fyrir aðstoð við brúðkaups undirbúninginn og þannig
minnka þá streitu sem getur fylgt stóra deginum.
Er að ná
tökum
á kvíðanum
Þröstur Leó Gunnarsson er einn ást­
sælasti leikari þjóðarinnar. Hann er
alinn upp á Bíldudal og fór ungur til
sjós. Þröstur hefur glímt við mikinn
kvíða eftir sjóslys sem hann lenti í
árið 2015 en í slysinu trúði hann
því að hann myndi deyja. Þröstur
hefur síðan þá lært að ná ákveðnum
tökum á kvíðanum og segir í ein­
lægu viðtali við Helgarblað Frétta­
blaðsins frá áföllum, æskunni og
leiklistarferlinum.
Tónlist Jóhanns Helgasonar
við ljóð Sigurbjörns Þor­
kelssonar verða í forgrunni í
guðsþjónustu sunnudagsins
í Bústaðakirkju þar sem
Jóhann mun leika á gítar og
syngja ásamt Páli Rósinkranz
og Regínu Ósk. Sigurbjörn
sjálfur mun hins vegar pred­
ika og leggja út af orðum Lifi
lífið sem hafa honum löngum
verið afar hugleikin.
Trúarstef eru ríkur þáttur í fjölda
ljóða Sigurbjörns Þorkelssonar, rit­
höfundar og ljóðskálds. Tónlistar­
maðurinn Jóhann Helgason samdi
lög við nokkur þeirra sem komu út á
geisladiski í fyrra undir því sem kalla
má slagorð Sigurbjörns, Lifi lífið.
Lögin við ljóðin verða í forgrunni
sunnudagsmessunnar í Bústaða­
kirkju um helgina þar sem Jóhann
ætlar að spila á gítar og syngja. Sigur­
björn mun hins vegar predika og að
sjálfsögðu leggja út af yfirskriftinni
Lifi lífið.
„Já, ég reyni að mala þarna eitt­
hvað, eða predika,“ segir Sigurbjörn.
„Lifi lífið er svona mitt slagorð til
áratuga og hefur fylgt mér frá unga
aldri. Og bara reynst mér vel og
komið sér vel því ég hef nú verið að
glíma við erfitt krabbamein. Þannig
að já, ég mun leggja út af þeim. Að
sjálfsögðu.“
Dottið um bækur
Jóhann lætur síðan til sín taka með
söng og gítarleik þegar hann flytur
lög sín við ljóð Sigurbjörns ásamt
þeim Páli Rósinkranz og Regínu Ósk
og einvala liði tónlistarfólks.
„Það var sennilega í desember
2020 í desember sem ég sá aug­
lýsingu frá Tónmenntasjóði kirkj­
unnar um styrki til að semja tón­
list og annað efni sem ætti heima í
kirkjulegu starfi,“ segir Jóhann um
hvað varð til þess að hann byrjaði að
semja lög við ljóð Sigurbjörns.
Hann hafi ákveðið að sækja um
en rak sig f ljótt á að lítið var til
af efni til þess að semja fyrir. „Þá
mundi ég eftir að hafa séð greinar
eftir Sigurbjörn og að hann hefði
gefið út svona bækur og náði í þær
á bókasafni.“
Jóhann segist fljótlega hafa verið
kominn með tvö til þrjú lög og hafi
þá hringt í Sigurbjörn til þess að láta
hann vita af þessu og honum fannst
þetta bara mjög jákvætt framtak,“
segir Jóhann.
„Hann hafði dottið um þessar
bækur, ef svo má segja, á Bókasafni
Seltjarnarness og hringdi í mig og
sagðist vera búinn að gera tvö lög við
tvö ljóða minna og langaði að leyfa
mér að heyra þau,“ segir Sigurbjörn.
Lífið lifir í tónlist Jóhanns við ljóð Sigurbjörns
Sigga Guðna söng á diskinum en er
nú fjarri trúarlegu gamni.
Regína Ósk syngur með Jóhanni.
Páll Rósinkranz
söng á hljóm-
diskinum og
gerir það einnig í
kirkjunni.
Þórarinn
Þórarinsson
thorarinn
@frettabladid.is
Jóhann datt, ef svo má segja, um bækur Sigurbjörns og upp spruttu lög við trúarljóð. MYND/AÐSEND
Engin læti
„Þetta voru þessi fínu lög, fannst
mér, og spurði hvort hann vildi gera
fleiri og langaði að gefa út disk. Sem
varð að veruleika og hann kom út á
sumardaginn fyrsta í fyrra,“ segir
Sigurbjörn um hljómdiskinn Lifi
lífið.
„Ég fékk nú ekki styrkinn en var
þá kominn með ein sjö lög,“ segir
Jóhann sem fékk þá Pál Rósinkranz,
Regínu Ósk og Sigríði Guðnadóttur
til þess að syngja lögin með sér á
disknum.
„Ég er mjög sáttur við þennan
disk og mjög ánægður og fólk sem
hlustar á hann virðist vera það líka,“
segir Sigurbjörn. „Hann hefur nú
ekkert farið neitt sérstaklega hátt
og engin læti verið í kringum þetta.“
Sigurbjörn segir þó eitthvað
um að lögin séu f lutt í kirkjum og
eitthvað hafi heyrst af disknum í
útvarpi. „En ég hef fulla trú á að þetta
geti orðið einhverjum til blessunar,
Guði til dýrðar, og þá er nú tilgang­
inum náð.“
Blint í sjóinn
Jóhann bendir á að núorðið sé
orðið erfitt að gefa út með gamla
laginu sem honum finnist þó mun
skemmtilegra. „Það er gaman að
geta sett þetta í fast form. Ég renndi
blint í sjóinn með þetta enda ekki
beint eitthvað sem maður var búinn
að plana að gera,“ segir Jóhann um
útgáfuna.
„En allt gerðist þetta svona ein­
hvern veginn út af þessari auglýs­
ingu og vatt upp á sig og ég var bara
virkilega ánægður með útkomuna.
Það kom mér verulega á óvart
hvernig þetta einhvern veginn féll
allt vel saman.“
Messan í Bústaðakirkju hefst
klukkan 13 á sunnudaginn þar sem
Sigurbjörn mun, sem fyrr segir,
predika og séra Þorvaldur Víði­
sson þjónar fyrir altari. Regína Ósk
og Páll Rósinkranz syngja síðan
með Jóhanni ásamt Kammerkór
Bústaðakirkju.
Jóhann leikur einnig á gítar en
Matthías Stefánsson á fiðlu og
Bjarni Sveinbjörnsson á bassa og
Jónas Þórir, kantor Bústaðakirkju,
leikur á píanó og hammond­orgel. n
20 LÍFIÐ FRÉTTABLAÐIÐ 17. FEBRÚAR 2023
FÖSTUDAGUR