Veiðimaðurinn - 01.12.1956, Qupperneq 16

því er virðist. Seigur er Jón! Hann kall-
ár til mín spaugsyrði og hlær. Hann er
heill á húfi. Guði sé lof!
Við virðum fyrir okkur konung fisk-
anna og ákveðum að urða liann í bili,
vegna minksins, en taka hann síðar á
heimleið. Að því búnu höldum við aft-
ur til hestanna við Landaklöppina.
★
Sogið er öðruvísi en flestar aðrar ár,
sem ég þekki, að því leyti, að í því er flóð
og fjara. Um kl. 11 f. h. þegar húsmæð-
urnar á Suðurlandi fara að kynda undir
matarpottunum, tekur vatnsborð Sogsins
að hækka. Á skammri stund getur það
hækkað um 60—80 cm. Mér hefur oft
reynzt laxinn viljugastur að taka á með-
an áin er að vaxa, en tregastur þegar
aftur tekur að lækka í, eftir hádegið.
Sagan endurtekur sig svo auðvitað um
kvöldverðinn, kl. 18—20, þegar hleypt
er á aftur.
Á leiðinni upp á „Kliipp" tökum við
eftir því, að vatnið í ánni fer ört vax-
andi, og þegar upp eftir kernur, sjáum
við að bakkinn er allur í kafi, þar sem
við stóðum áður við veiðar. Laxarnir
mínir allir þrír, ásamt pokanum, eru
horfnir — horfnir fyrir fullt og allt, farn-
ir áleiðis út í Atlantshafið.
Við settumst niður og ræddum um
hverfleika lífsins. „Áðan átti ég þrjá, en
þú engan,“ sagði ég við Jón, „en nú átl
þú stórlax, en ég engan.“ Svona er lífið.
— Við stóðum upp og beittum.
Landaklöppin var góður veiðistaður
í þá daga. Eftir nokkra stund fékk ég
mjög sæmilegan lax, og síðdegis fengum
við svo sinn livor, báða væna, á spón,
að mig minnir.
Það voru ánægðir veiðimenn, sem riðu
heim um kvöldið, með lax bæði í bak
og fyrir.
Á heimleið dvöldum við lítið eitt við
Sakkarhólmann, að vanda. Hvort við urð-
um varir þar, eða fengum eitthvað, man
ég nú ekki lengur. Það hefur þá tæplega
verið stórlax!
Aðalfundur L.Í.S.
SUNNUDAGINN 23. okt. hélt Lands-
samband ísl. stangveiðimanna aðalfund
sinn — að þessu sinni á Akranesi. Mættir
voru 32 fulltrúar.
Fundarstjóri var kosinn Haukur
Snorrason, ritstjóri og ritarar þeir Björn
G. Björnsson og Bragi Kristjánsson.
Eftir því sem fram kom í skýrslu for-
manns, var aðalstarf stjórnar sambands-
ins á liðnu starfsári, að koma í búning
ýmsum breytingartillögum við frumvarp
milliþinganefndarinnar um breytingar á
lögum um lax- og silungsveiði og síðan
að koma þeim á framfæri til þingnefnd-
ar og þingmanna.
Á aðalfundi fyrra árs var kosin sér-
stök nefnd til aðstoðar stjórninni í þessu
frumvarpsmáli. Formaður þakkaði nefnd-
inni vel unnið starf, en þó sérstaklega
Gunnlaugi Péturssyni fyrir mjög mikið
starf í þessu máli.
Ennfremur var rætt um klakmálið,
villiminkinn og gæzlu veiðivatna af hendi
þess opinbera o. fl.
Stjórnin var endurkjörin, en hana
skipa: Þorgils Ingvarss., Rvík, form. Með-
stjórnendur: Sæmundur Stefánsson, Guð-
mundur J. Kristjánsson, báðir úr Rvík,
og Friðrik Þórðarson, Borgarn. og Berg-
ur Arinbjarnarson, Akranesi.
14
Vl HHM AÐI RIN \