Fréttablaðið - 09.03.2023, Blaðsíða 4

Við viljum bara að
allir komist sáttir frá
borði og að börnin
okkar fái þá þjónustu
sem þau svo sannar-
lega eiga rétt á.
Ragnheiður Sölvadóttir
Þetta er eldgamalt hús
og í raun búið að vera
óhæft undir þessa
starfsemi í 15 ár.
Jón Helgi
Björnsson,
forstjóri HSN
lovisa@frettabladid.is
K JARAMÁL Samningalotunni á
almennum vinnumarkaði er lokið
nú þegar Efling og Samtök atvinnu-
lífsins hafa fengið nýjan kjara-
samning. Sólveig Anna Jónsdóttir,
formaður Eflingar, segir að nú taki
við næsta verkefni sem sé að semja
fyrir hönd félagsfólks sem starfar á
opinberum markaði en stór hópur
starfar hjá Reykjavíkurborg, Sam-
tökum fyrirtækja í velferðarþjón-
ustu, hjá sveitarfélögum og ríkinu.
Gert er ráð fyrir að fyrsti fundur
verði í næstu viku.
Miðlunartillaga ríkissáttasemjara
í kjaradeilu Eflingar og SA var sam-
þykkt með yfirgnæfandi meirihluta
í gær. Hún hefur því tekið gildi sem
kjarasamningur þeirra á milli. Sól-
veig Anna segir í samtali við Frétta-
blaðið að henni og samninganefnd-
inni hafi verið ljóst að ekkert annað
væri í stöðunni en að samþykkja til-
löguna.
„Ég hef auðvitað mikinn skilning
á því að Eflingarfólk vilji að þessu
ljúki á þessum tímapunkti enda
ljóst að ekki er hægt að komast
lengra.“
Halldór Benjamín Þorbergsson,
framkvæmdastjóri SA, fagnaði
mikilli þátttöku og afgerandi niður-
stöðu. Hann sagðist ósáttur við það
að afturvirkni hefði verið sett aftur
á borðið en samningurinn er aftur-
virkur til 1. nóvember eins og aðrir
samningar í þessari lotu. n
Samningalotu á almennum vinnumarkaði lokið
Sólveig Anna fundar í kvöld með
samninganefnd félagsfólks Eflingar
sem starfar á opinberum markaði.
ser@frettabladid.is
húsnæðisMÁL Fimm arkitekta-
stofur hafa verið valdar til að taka
þátt í samkeppni um hönnun nýs
húsnæðis viðbragðs- og löggæsluað-
ila á höfuðborgarsvæðinu sem mun
leysa af hólmi núverandi húsnæði í
Skógarhlíð.
Stofurnar eru Arkis arkitektar,
Arkþing Nordic, Hornsteinar Arki-
tektar, T.ark Arkitektar og Yrki arki-
tektar.
Í tilkynningu frá verkkaupum
segir að hvert og eitt teymi fái tíu
milljónir króna fyrir tillögu sína.
Að þeim fram lögðum muni mats-
nefnd velja tvær tillögur sem unnar
verði frekar. n
Keppast um
hönnun húsnæðis
bth@frettabladid.is
AKuReyRi Efla verkfræðistofa hefur
fundið myglu í húsnæði heilsugæsl-
unnar á Akureyri. Alútboð fór fram í
gær, sama dag og myglan var staðfest,
fyrir verktaka vegna byggingar 1.300
milljóna króna heilsugæslustöðvar
á tjaldstæðisreitnum við Þórunnar-
stræti.
Jón Helgi Björnsson, forstjóri
Heilbr igðisstof nu nar Norðu r-
lands, segir um að ræða myglu á 6.
hæðinni í Amaro og ef til vill víðar
í húsinu.
„Já, ég held að það megi segja að
mjög sterkur grunur sé um myglu
þarna,“ segir hann.
Ef la verkfræðistofa rannsakaði
ástand Amaro-hússins eftir kvart-
anir starfsfólks um ólykt og léleg
vistgæði. Jón Helgi segir niður-
stöðuna ekki koma á óvart.
„Þetta er eldgamalt hús og í raun
búið að vera óhæft undir starfsemi
heilsugæslunnar í 15 ár.“
Jón Helgi segir löngu tímabært að
reist verði ný heilsugæslustöð á Akur-
eyri, kynning á alútboði fór fram fyrir
verktaka í gær. Heilsugæslu á Akur-
eyri verður tvískipt í framtíðinni,
hluti starfseminnar fer fram í Sunnu-
hlíð en hinn á Brekkunni.
„Það verður mikil bót þegar nýja
stöðin kemst í gagnið,“ segir Jón Helgi.
„Ég held að Akureyri sé eina stóra
samfélagið hér á landi þar sem aldrei
hefur sérstaklega verið byggð heilsu-
gæslustöð utan um svona starfsemi.
Það var löngu tímabært,“ segir Jón
Helgi og fagnar umbótunum á sama
tíma og myglan veldur tjóni. n
Húsnæði heilsugæslunnar á
Akureyri sé bæði óhæft og myglað
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Alex og William
manual hvíldarstólar
Alex manual með 20% afsl. 195.000 kr.
Alklæddir
Anelín leðri
Litir: svart,
dökkbrúnt og cognac
William manual með 20% afsl. 215.000 kr.
Nú með
20%
afslætti
Móðir hefur staðið í stappi
við Sjúkratryggingar Íslands
vegna niðurgreiðslu á lækna-
þjónustu fyrir son hennar
sem fæddist með tvíklofna
vör og góm. Sjúkratryggingar
Íslands hafa nú krafið tann-
réttingasérfræðing drengsins
um tugi milljóna króna.
erlamaria@frettabladid.is
heiLbRigðisMÁL Ragnheiður Sölva-
dóttir, móðir fjórtán ára drengs
sem fæddist með tvíklofna vör og
góm, kveðst hafa staðið í stappi
við Sjúkratryggingar Íslands (SÍ) að
undanförnu vegna niðurgreiðslu á
læknaþjónustu fyrir son hennar.
Í síðustu viku hafi tannréttinga-
sérfræðingur drengsins fengið rukk-
un frá Sjúkratryggingum Íslands
og hann verið krafinn um endur-
greiðslu upp á tugi milljóna króna
vegna tannréttinga barna, meðal
annars vegna Guðmundar Sölva.
„Við fengum bréf síðastliðinn
föstudag um að tannréttingalæknir-
inn okkar ásamt öðrum hefði fengið
endurkröfu frá Sjúkratryggingum
upp á rúmlega 24 milljónir króna.
Það er útreikningur síðan síðasta
haust og samkvæmt nýjustu upp-
lýsingum dettum við inn í þennan
hóp,“ segir Ragnheiður.
Hún segir að krafan frá SÍ taki
meðal annars á því að tannréttinga-
sérfræðingurinn hafi rukkað fyrir
meira en hann hafi haft heimild
fyrir.
„Okkur skilst að þetta komi til
vegna þess að hann sé búinn að vera
að nota meira af kubbum fyrir teina,
myndum og föstum tækjum en þeir
vilja meina að sé leyfilegt á einu ári,
samkvæmt einhverjum gjaldalið-
um. Hann sé sum sé að fara umfram
það sem hann megi nota á ári,“ segir
Ragnheiður og heldur áfram:
„Þegar þú ert með börn sem þurfa
á þessari þjónustu að halda og eru
með þennan fæðingargalla, eru
fædd með skarð í vör eða góm, er
ekki hægt að áætla hversu mikið
þarf að nota. Það þarf að meta hvert
barn fyrir sig og sinna því.“
Ragnheiður segir þessar nýjustu
vendingar setja mál Guðmundar
Sölva í afar erfiða stöðu.
„Við erum í biðstöðu sem stendur
en tannréttingalæknirinn okkar
heldur okkur upplýstum og ég
dáist að því hvað hann er öf lugur
að tala við okkur. Hann til dæmis
rukkar okkur ekki fyrir símtöl eða
ráðleggingar ef eitthvað kemur upp
á,“ segir hún.
Ragnheiður og Guðmundur
Sölvi funduðu í gær með Willum
Þór Þórssyni heilbrigðisráðherra.
Ragnheiður segir að ráðherra hafi
tekið vel í erindi þeirra.
„Það kom honum á óvart að
skarðabörn eru sett undir sama
hatt og venjulegar tannréttingar,
en það hefur alltaf verið þannig,“
segir hún.
„Frá því Guðmundur Sölvi byrj-
aði í þessu ferli fyrir tíu árum síðan
höfum við fallið undir 95 prósenta
regluna. En sú regla virðist bara
ekki vera í gildi lengur og við sett í
biðstöðu,“ segir Ragnheiður.
„Willum segist ætla að fara ofan
í saumana á þessu og skoða þetta
betur,“ bætir hún við.
Ragnheiður segist vona að heil-
brigðisráðherra taki á þessum
málum af meiri festu en áður og
auðveldi ferlið fyrir börn sem fæðast
með skarð í vör eða góm.
„Ég vil bara að mál þessara barna
verði skoðuð og það verði hlustað á
okkur. Við foreldrarnir erum held
ég bestu sérfræðingarnir í okkar
börnum og við veljum réttu sér-
fræðingana til að sinna þeim,“ segir
Ragnheiður og heldur áfram:
„Ég vil ekki þurfa að taka þennan
slag lengur. Við viljum bara að allir
komist sáttir frá borði og að börnin
okkar fái þá þjónustu sem þau svo
sannarlega eiga rétt á.“
Nánar verður rætt við Ragnheiði
og Guðmund Sölva á Fréttavakt-
inni á Hringbraut klukkan 18.30 í
kvöld. n
Krafa um milljónir eftir tannréttingar
Ragnheiður
Sölvadóttir og
sonur hennar
Guðmundur
Sölvi Ármanns-
son, funduðu
með Willum Þór
Þórssyni heil-
brigðisráðherra
í gær.
Fréttablaðið/
anton brink
lovisa@frettabladid.is
FJÁRMÁL Ragnhildur Geirsdóttir, for-
stjóri Reiknistofu bankanna, segir öll
gögn örugg hjá þeim og telur ólíklegt
að þau mannlegu mistök sem áttu
sér stað þegar gögn indó voru send
Kviku í síðustu viku endurtaki sig.
Hún segir starfsmenn RB hafa
verið að vinna að sérstöku verkefni
fyrir Kviku þegar gögnin voru send
áfram í misgripum. n
Um mannleg
mistök að ræða
Ragnhildur
Geirsdóttir,
forstjóri Reikni-
stofu bankanna
ninarichter@frettabladid.is
K JARAMÁL Aðalgeir Ásvaldsson
framkvæmdastjóri SVEIT, sam-
taka fyrirtækja á veitingamarkaði,
segir miðlunartillögu Eflingar og SA
ólýðræðislega atlögu að rekstrarum-
hverfi veitingamanna.
Hann segir greinina vera jaðar-
grein og rekstrarumhverfið ósjálf-
bært. Afturvirkar launagreiðslur
starfsmanna muni reynast fyrirtækj-
um í greininni endanlegt rothögg . n
Rothögg fyrir
veitingarekstur
4 fRéttiR FRÉTTABLAÐIÐ 9. mARs 2023
fiMMtUDAGUR