Fréttablaðið - 09.03.2023, Blaðsíða 28
Kosið er í nýja stjórn
samtakanna um þessar
mundir með rafrænum
hætti – og lýkur henni
síðdegis á morgun.
Þau vilja berjast
fyrir samtökin
Fimm einstaklingar í framboði til stjórnar Samtakanna ‘78. Hrönn Svansdóttir, Kitty Anderson, Þórhildur Elínardóttir Magnúsdóttir, Jóhannes Þór Skúla son og Kristmundur Pétursson.
fréttablaðið/anton brink
Samtökin ‘78 hafa verið við
lýði í hálfan fimmta áratug
– og baráttan heldur áfram
sem aldrei fyrr, enda má
henni aldrei ljúka, eins og þeir
þekkja best sem hafa kynnt
sér sögu mannréttindabar-
áttu hinsegin fólks á undan-
liðnum áratugum.
Baráttan aldrei búin
Jóhannes Þór Skúlason
50 ára, framkvæmdastjóri
Samtaka ferðaþjónustunnar
„Mannréttindabarátta er
aldrei búin. Við þurfum að
efla innra starf Samtakanna
‘78, en þeim mun sterkari
verður röddin út á við,“ segir
Jóhannes Þór og bætir við
að fræðslustarfið þurfi að
auka því það sé besta vopnið
gegn fordómum. „Á næst-
unni mun reyna sérstaklega á
baráttuna fyrir réttindum og
virðingu trans fólks í sam-
félaginu. Þörfin fyrir ráðgjöf
og stuðning mun aukast og
einnig fyrir þjónustu við ungt
hinsegin fólk. Starfið verður
sífellt mikilvægara,“ segir
Jóhannes Þór.
Taka þarf á bakslaginu
Hrönn Svansdóttir
35 ára, gjaldkeri hjá Íþrótta
bandalagi Reykjavíkur
„Mínar helstu áherslur eru að
tryggja öryggi og samheldni
innan hinsegin samfélags-
ins,“ segir Hrönn sem kveðst
jafnframt vilja taka þátt í að
móta starf samtakanna og
halda hinsegin baráttunni
áfram. „Þar þarf að horfa til
þeirra fjármála sem samtökin
hafa og huga að því hvernig er
hægt að nýta þau sem best.
Einnig að halda áfram með
hinseginfræðslu á öllu land-
inu með það að markmiði að
taka á þessu bakslagi og byrja
til dæmis á því að tala fallega
til allra,“ segir Hrönn.
Gleymum ekki
breiddinni
kristmundur Pétursson
25 ára, nemi við Háskóla
Íslands
„Það sem mér liggur helst
á hjarta eru málefnin sem
standa mér næst, en það eru
málefni trans fólks og hinseg-
in barna,“ segir Kristmundur
og telur eðlilegt að þunga-
miðja hagsmunabaráttunnar
sé þar núna í ljósi stöðunnar
sem uppi er. „Þó má ekki
gleymast að Samtökin ‘78
eru vettvangur þar sem mikil
breidd af fólki kemur saman
og það skiptir máli að við
upplifum okkur öll saman í
liði, en það er alveg ljóst að
þannig gengur okkur best,“
segir Kristmundur.
Taka þarf á ofbeldi
Þórhildur Elínardóttir
Magnúsdóttir
22 ára, meistaranemi heima
og erlendis
„Ég sit nú þegar í stjórn sam-
takanna og hef gert það frá
árinu 2017, með pásu, og vil
að Samtökin ‘78 haldi áfram
að bjóða upp á öflugt félagslíf
fyrir hinsegin samfélagið og
alla hópa þess,“ segir Þór-
hildur, en þar fyrir utan sé af-
skaplega mikilvægt að standa
vaktina í réttindabaráttu
okkar fólks. „Það er enn mikil-
vægara nú en áður þar sem
mikið bakslag hefur orðið á
síðustu árum og ofbeldi í garð
hinsegin fólks hefur verið að
aukast,“ segir Þórhildur.
Raddir allra heyrist
kitty anderson
41 árs, mannréttinda
sérfræðingur
„Ég legg höfuðáherslu á að
raddir allra hópa undir hin-
segin regnhlífinni endur-
speglist í starfi samtakanna
með sem fjölbreyttustum
og víðtækustum hætti,“
segir Kitty, en huga þurfi
líka að uppbyggingu inn-
viða þeirra með stórauknum
umsvifum og starfsmanna-
haldi til að tryggja stöðu og
styrk félagsins til framtíðar.
„Málefni inter sex fólks verða
einnig tekin fyrir á Alþingi á
þessu ári og intersex þekking
verður því mikilvæg innan
stjórnar,“ segir Kitty.
ser@frettabladid.is
Kosið er í nýja stjórn samtakanna
um þessar mundir með rafrænum
hætti – og lýkur henni síðdegis á
morgun, en fimm manns sækjast
eftir því að efla málstaðinn á næstu
misserum.
En hvað er brýnast?
Fréttablaðið leitaði til f imm-
menninganna og bað þá um að
nefna helstu áhersluatriðin og það
sem brennur mest á hinsegin fólki
á Íslandi í dag. n
20 lífið FRÉTTABLAÐIÐ 9. mARs 2023
fiMMTUDAGUR