Fréttablaðið - 09.03.2023, Blaðsíða 22

Þetta verður brekka ef
þessi undankeppni
byrjar illa.
Kristján Óli
Sigurðsson
Nú verður enginn
afsláttur gefinn
Íslenska karlalandsliðið í
knattspyrnu hefur leik í
undankeppni Evrópumótsins
2024 eftir tvær vikur. Liðið fær
afar mikilvægt en jafnframt
krefjandi verkefni í fyrsta leik.
Sparkspekingurinn Krist­
ján Óli Sigurðsson segir að
landsliðsþjálfarinn Arnar Þór
Viðarsson fái engan afslátt í
komandi undankeppni.
helgifannar@frettabladid.is
Fótbolti Íslenska karlalandsliðið
hefur leik í undankeppni EM 2024
þann 23. mars næstkomandi þegar
liðið heimsækir Bosníu og Herseg­
óvínu. Þremur dögum síðar fer
liðið til Liechtenstein og mætir þar
heimamönnum.
„Þetta leggst þokkalega í mig eins
og er. Maður veit samt aldrei hvað
gerist á leikdegi. Það er til dæmis
talað um að völlurinn í Bosníu sé í
skelfilegu ástandi. Sama hvað því
líður er þetta leikur sem þarf að
vinnast,“ segir Kristján Óli Sigurðs­
son um komandi verkefni í samtali
við Fréttablaðið.
Ef allt er eðlilegt vinna Strákarnir
okkar nokkuð þægilegan sigur á
Liechtenstein í öðrum leik undan­
keppninnar. Öll augu beinast að
leiknum við Bosníu þremur dögum
áður.
„Jafntef li væru ekki hræðileg
úrslit en það væri ansi gott að byrja
á sigri til að létta brúnina á land­
anum aðeins þessa síðustu daga
vetrarins.“
Þróunartímabili lokið
Landsliðsþjálfarinn Arnar Þór
Viðarsson tók við erfiðu búi eftir að
hann var ráðinn til starfa á sínum
tíma. Nú hefur hann hins vegar
þróað liðið í dágóðan tíma og segir
Kristján að nú verði enginn afsláttur
gefinn.
„Þetta verður brekka ef þessi
undan keppni byrjar illa. Það er
krafa að fá fjögur stig úr þessum
leikjum að mínu mati. Þrjú stig eða
minna, þá erum við komnir í alvöru
vesen strax í upphafi.
Það er dómsdagur núna. Ef Arnar
ætlar að fá þjóðina með sér væri
ansi sterkt að fá 1–3 stig í Bosníu.
Liðin eiga eftir að taka stig af hvort
öðru. Það gæti vel endað þannig að
liðið sem endar í öðru sæti í þessum
riðli verði ekki með svo mörg stig,“
segir Kristján, sem gerir ráð fyrir
að Portúgal rúlli yfir undanriðil
Íslands. Tvö efstu liðin fara á EM.
Flestir að spila vel
Margir af lykilmönnum Íslands hafa
verið að gera vel með félagsliðum
sínum undanfarið. Kristján segir
það afar jákvætt. Hann bendir þó á
að landsliðsfyrirliðinn Aron Einar
Gunnarsson verði ekki með. Hann
byrjar undankeppnina í leikbanni
en verður mættur í leikinn gegn
Liechtenstein.
„Það eina sem pirrar mig hrotta­
lega mikið núna er að fyrirliðinn
verði ekki með. Að hafa hann inni á
í svona leik væri mikilvægt. En það
verða bara aðrir að gjöra svo vel
að stíga upp, eins og Alfreð (Finn­
bogason), Sverrir Ingi (Ingason) og
Jóhann Berg (Guðmundsson).“
Þá hefur Ísak Bergmann Jóhann­
esson verið úti í kuldanum hjá FC
Kaupmannahöfn. Það verður því
áhugavert að sjá hvernig Arnar Þór
stillir upp miðsvæði
sínu.
„ Þ a ð e r s m á
áhyg g juef ni en v ið
verðum bara að leysa
það. Hann er í formi til
að spila heilan leik en ég er samt
ekki svo viss um að hann verði í
liðinu, þó svo að pabbi hans sé í
þjálfarateyminu.
Ég myndi hafa Hákon á miðj­
unni í áttu­hlutverkinu. Ég myndi
svo hafa Guðlaug Victor djúpan á
miðjunni. Ef ég mætti ráða væri svo
Jóhann Berg fremstur á miðjunni,“
segir Kristján, en bendir þó á að
Birkir Bjarnason virðist eiga fast
sæti hjá Arnari.
„Birkir er búinn að vera frábær
þjónn. Hann er mikilvægur fyrir
hópinn og ég vil frekar að hann sé
bara til taks.“
Þurfa að leysa deiluna
Albert Guðmundsson hefur verið
úti í kuldanum hjá Arnari Þór og
bendir f lest til þess að hann verði
ekki með í komandi verkefni.
„Er hann búinn að hringja í
Arnar? Ef ekki þá verður hann
ekki valinn. Mér finnst það liggja
í augum uppi. Við getum heldur
betur notað hann, sama hvort það
er í byrjunarliði eða að hann komi
inn af bekknum ef okkur vantar
mark. Á móti Liechtenstein ætti
hann svo að geta skorað með bund­
ið fyrir augun,“ segir Kristján léttur.
Hann segir stöðuna sem er komin
upp á milli Arnars og Alberts hins
vegar grafalvarlega.
„Þetta er hrikalegt. Hann átti að
taka við kyndlinum af gulldrengj­
unum. Maður hafði það alltaf í huga
því hann var í hópnum á HM í Rúss­
landi, kom meira að segja við sögu.
Ég held því að það hefðu allir búist
við því að hann yrði fyrsti maður
á blað árið 2023. Ég veit ekki hvað
gerðist á milli þeirra en við
erum bara ekki með það marga
góða leikmenn að við höfum efni á
svona þvælu.
Það er dauðafæri að fara á EM
í Þýskalandi. Við vitum hvað það
gerði fyrir Ísland að fara á EM í
Frakklandi. Við verðum að hafa
alla klára um borð. Það er þeirra að
leysa þetta.“
Dagur fái traustið
Kristján vonast til þess að Arnar Þór
velji Dag Dan Þórhallsson í lands­
liðshópinn. Kappinn gekk í raðir
Orlando City í vetur frá Breiðabliki
og hefur byrjað vel vestanhafs.
„Hann er strax orðinn fasta­
maður í Orlando og var besti leik­
maðurinn í verkefnunum með
landsliðinu í nóvember og janúar.
Ef menn fá ekki traustið eftir að
hafa staðið sig í svoleiðis verkefnum,
hvenær fá þeir það þá? Til hvers eru
þá svoleiðis verkefni? Er verið að
eyða peningum til einskis, verið að
gefa mönnum frí til að fara í heitari
lönd? Það er fullt af mönnum sem
spila hérna heima sem hefðu alveg
eins haft gott af því að fara í frí
heldur en að vera að rífa sig upp í
landsliðsverkefni í nóvember og
aftur í janúar, þegar undirbúnings­
tímabilið hér heima er nýbyrjað.
Ég sé Dag þess vegna byrja á miðj­
unni með Hákoni. Ég myndi alveg
treysta þeirri miðju til að gera góða
hluti með Jón Dag (Þorsteinsson),
Alfreð og Arnór (Sigurðsson) fyrir
framan.“
Kristján telur nær öruggt að
Rúnar Alex Rúnarsson, markvörður
Alanyaspor á láni frá Arsenal, standi
á milli stanganna í leikjunum gegn
Bosníu og Liechtenstein.
„Rúnar er einn af fáum sem eru
öruggir með sæti sitt í byrjunar­
liðinu. Patrik (Sigurður Gunnars­
son) er ekki farinn af stað á sínu
tímabili með Viking í Noregi og
Elías (Rafn Ólafsson) hefur verið á
bekknum hjá Midtjylland. Rúnar
hefur líka verið að spila vel
í síðustu leikjum. Það væru
ansi skrýtin skilaboð ef
hann myndi ekki spila
þessa leiki. Hann er loks
að fá traustið sem aðal­
markvörður. Þú þarft
að nýta það. Við sáum
hvernig Hannes var í
þessum undan­
keppnum. Það var varla feilspor
sem hann steig. Þannig markvörð
þurfum við að hafa því við erum
ekki með besta liðið.“
Miðverðirnir Hörður Björgvin
Magnússon og Sverrir Ingi Ingason
hafa verið að spila vel með sínum
liðum í Grikklandi, Panathinaikos
og PAOK. Kristján er á því að þeir
byrji í hjarta varnarinnar í fyrri
leiknum gegn Bosníu og Hersegó­
vínu.
„Ég hugsa að Hörður og Sverrir
verði miðverðir. Davíð Kristján
(Ólafsson) verður líklega í vinstri
bakverði. Það er engin ástæða til
að taka hann út. Ef Aron væri með
væri hann sennilega í miðverði með
Sverri og Hörður í vinstri bak­
verði.
Staða hægri bakvarðar
er kannski eina spurn­
ingarmerkið í varnar­
línunni. Guðlaugur Vic­
tor gæti spilað þar. Svo
erum við líka með Alfons
og Valgeir,“ segir spark­
s p e k i n g u r i n n
K r i st já n Ól i
Sigurðsson. n
Ég veit ekki hvað
gerðist á milli þeirra
en við erum bara ekki
með það marga góða
leikmenn að við
höfum efni á svona
þvælu.
Kristján Óli Sigurðsson
Undanriðill Íslands
n Bosnía og Hersegóvína
n Ísland
n Liechtenstein
n Lúxemborg
n Portúgal
n Slóvakía
14 íþróttir FRÉTTABLAÐIÐ 9. mARs 2023
FiMMtUDAGUr