Veiðimaðurinn - 01.06.1993, Page 65

Kryppa í Austurá í Miðfirði. Ljósm. R.H.
Ármaður gengur frá veiðihúsi hreinu,
virðir vel bónda og lokar hliðinu á eftir
sér“.
Félagsfundir
Heldur fínnst mér hvimleitt að þurfa að
eyða tíma og dýrmætu rými Veiðimanns-
ins í svona skrif, en það var ekki ég sem
gaf upp boltann hér á síðum blaðsins. Og
þó einnig sé óæskilegt að eyða tíma í
svona mál á aðalfundum félagsins, þá
hlýtur það að vera réttari vettvangur, því
það hefur ekki enn verið gefinn kostur á
því í annan tíma, þrátt fyrir síendurteknar
óskir mínar á undanfomum aðalfundum
um að halda í það minnsta einn almennan
félagsfund milli aðalfunda.
Æskilegur tími fyrir slíkan fund væri
um miðjan maí, rétt fyrir laxveiðitímann,
þar sem gerð væri grein fyrir sölu veiði-
leyfa og lögð væri fram fjárhagsáætlun
fram til næsta aðalfundar. Vissulega gætu
komið þar fram einhverjar hugmyndir til
hagræðingar og jafnvel bættrar afkomu.
Einnig má benda á, að þegar fram kem-
ur einhver málefnaleg gagnrýni á störf
stjómar, ritnefnd blaðsins eða annað á að-
alfundi, þá ætti í öllum tilvikum að taka
slíkt fljótlega fyrir á stjómarfundi og
bjóða viðkomandi til slíks fundar. Það
mundi bæði spara tíma og oft á tíðum
koma í veg fyrir misskilning og jafnvel
misklíð milli vina.
Góðir og gegnir félagar SVFR eiga
annað og betra skilið.
Með þakklæti fyrir annars ágætt síðasta
blað nr. 140.
VEIÐIMAÐURINN
Rvk. 5. maí 1993,
Rafn Hafnfjörð
63