Gerðir kirkjuþings - 2021, Side 10

10 11
einfaldlega skilgreind sem afmarkað landsvæði. Auk þess er í framkvæmd orðið sókn notað
um félag það sem hver söfnuður myndar, þ.e. þá umgjörð sem annast rekstur og veraldlega
umsýslu safnaðarins. Ég fagna þessari nálgun laganna því orðið söfnuður vísar til fólks en
ekki félags. Orðið söfnuður minnir okkur á að það er fólkið í kirkjunni sem er grundvöllur
hennar. Við sem berum ábyrgð á yfirstjórn kirkjunnar erum í störfum okkar í þjónustu við
söfnuði kirkjunnar. Söfnuðir þjóðkirkjunnar eru, eins og segir í nýju þjóðkirkjulögunum,
félagsleg og fjárhagsleg grunneining þjóðkirkjunnar. Hjá söfnuðunum fer fram fjölbreytt
kirkjustarf og merkilegt og hver söfnuður hefur sínar hefðir og venjur.
Við verðum að halda áfram baráttunni fyrir sóknargjöldunum sem af hálfu ríkisins
hefur ekki verið skilað til fulls síðan á árunum eftir bankahrunið. Nemur nú skerðingin
hartnær 50%. Við megum aldrei sætta okkur við að sú skerðing verði gerð varanleg. Í
því sambandi er mikilvægt að fram hafi komið 29. mál þessa kirkjuþings um leiðréttingu
sóknargjalda.
Miklar vonir eru bundnar við störf Sóknarsambandsins, sem stofnað var 2019, sem er
vettvangur fyrir sóknirnar í landinu til samtals hagsmunagæslu og framafarverkefna til
hagsbóta fyrir söfnuði landsins.
Forseti og forsætisnefnd eru sannarlega reiðubúin að leggja sitt lóð á vogarskálarnar af
það má verða að gagni til endurheimtu löglegra sóknargjalda að nýju.
Að lokum vil ég flytja ykkur ljóð Sigurbjörns Þorkelssonar okkur til andlegrar
uppbyggingar.
Handafar skaparans
Í lófa Guðs
Er nafn þitt ritað
Þú ert handarfar skaparans
Í þessum heimi,
Og líf þitt
Hið fegursta ljóð.
Heilagur andi
Hefur blásið þér líf,
Anda og kraft í brjóst
Til að vera sá sem þú ert.
Þú ert leikflétta
Í undri kærleikans
Njóttu þess !!!!
Og láttu muna um þig!!!
Sigurbjörn Þorkelsson